Трагедија во Кочани - најмалку 59 загинати во пожар во дискотека

Биљо, медиумите ќе известуваат ако има кој "ексклузива" да им дава. Нема да се прават мутави. Не е до парите, до приказната е.

Не е дали ти се свиѓа тебе тоа или мене, туку реалноста за повеќето човечки битија е - таа.

 

Јас само се плашам дека медиумите не сакаат т.е.не смеат да пренесуваат и актуелизираат од и околу Кочани.
Нешто ми заличува како од не многу дамнешно време на обиди за контролирано и цензурирано новинарство што е уште поголем проблем покрај апатијата на народот и можност за продолжување на криминалот со само подизменети ликови.

 

Не да ти личи, така е. Има и министри што се пријатели со газди на медиуми и што се знаат од поодамна, тоест Фб им е цел како заедно пијат кафе. Сега за Кочани „да не се пали“ народот, така ширеа муабети луѓе што се во партија. Им одговара да е мирно, да нема протести итн. Залепи им етикета шарени и готово, решен проблем во државата, така угушуваат обиди за некој да се буни. А и народот е мутав. Можеш да ги изманипулираш со муабети, „ааа види, овој излегол на протест, ете странци го плаќаат, да за пари излегол“.
Ќе пуштат една таква мува и толку е, народот се поделува и темата ќе се затвори и заборави.

 

Поминаа десеттина дена,Луѓето се во толкава болка што е дегутантно да помисли некој со камера да оди и да ги снима.
Ко момчето што спасувало што го интервјуираа.
Тоа е малтретирање.
Да ги оставиме луѓето да ги исплачат децата што во страшна смрт умреа.
Какво разбудување не знам барате.
Сите сме разбудени, споболени во колективна траума поради смртта на децата.
Тоа што се случи ниту е заборавено ниту одболувано ниту ќе се заборави туку е нормален процес во периодот на тагување.

 

Дај Боже Косми, баш би сакала да грешам.

 

Од што сме толку разбудени, се напикавме во глувчешка дупка и чекаме да се случи чудо!!!
Вака, не се решаваат проблеми! Вака, не се менува систем!!! Со ќутење и чекање!!! Како до сега.

 

Очигледно е дека не разбираш што значи колективна траума.
Поради таа траума сме напикани во “глувчешка дупка” скриени , утепани, закопани.
Таа ќе се пренесува и на идните генерации , сега што се 14+ и поради неа ќе се мнеува системот.
Немој да инсинуирате дека поради тоа што не се излегува на протести некој ги заборавил.
Систем не се менува преку ноќ и со протести и со носење пароли.
Затоа што протестите кај нас, а и во многу држави се инструирани од опозиција, нво, надворешни држави.
Со такви протести не се менува систем, се менува власт, а ретко кој веќе му е гајле за партии.
Особено на младиве.
И во двете партии имаат многу малку млади.
Далеку од порано.
Младиве што ги знам не сакаат да спомнеш партии пред нив, а не пак да членуваат во партија.
Обиди се еве на 20 годишен да им речеш дали си член на партија?
Тоа е промената на системот,што ги нема.
Така ке престане да биде партизирана држава и ќе смени системот.

 

Тоа што Левица проба да се вмеша беше најголемата грешка што можеше да се направи како и мали Бучко. Остави простор за етикетирање, а ќе имаше огромни протести само одредени луѓе да одлучеа да стојат на страна. Иако мислам дека и ова е договоррно, ене Мицко и Филипче си се сретнаа и одма оп повлечена пријавата против Филипче за потекло на имот, сега очекувам и против себе да не зборат. Никогаш не треба да е мирно и протести мора да има ама еве има во Кочани а медиумиве ко да се слепи.

 

Јас не сум толкав оптимист како тебе.
Оти, сите на 20 сме имале идеали и сме биле независни, ама.... системот повеќето ги здроби, па станаа партиски послушници. Некако, сметам дека и добар дел од младиве во иднина ќе бидат исти т.е послушници. Дај боже да грешам, ама... се почнува од дома, ако домашните се послушници, какви ќе бидат децата?
Колективната свест не се менува со ќутење, туку со делување. Нешто за што ние ама ич немаме навика, бидејќи како народ сме навикнати вината да ја бараме секаде, само не кај нас.
Иначе, не се согласувам дека на никого не му е гајле за партија. Баш напротив. За жал.

 

Не мора протести, ама медиумски притисок треба. Секако дека на родителите на загинатите деца од Рибникар не им беше до телевизии, ама не се симнаа од нив. Одеа и на рочиштата за Мало Орешје, маскар кој остана во сенка.
Таткото на Ангелина беше секаде. Зошто? За правда. И некаква правда добија.
Затоа нека снимаат, нека има сведоштва, нека слушаат сите во каква болка живее Кочани. За да има правда и за да се смени системот.
Не знам кој може да остане имун на сведоштвата.

А не ние, не снимај ова, тоа, па чекај жалат. Не дечки, се прави масовен притисок за да се освести народот. Со болка за жал.

 

Власта пак ќе дава пари за весници и ме потсети тоа на грујово време. Ама не ви чинеше странци давале пари за медиуми, наративот не чинел, држава ќе ви растуреле, јаката држава де, лепевте етикети некои од вас, не се бунете сега. Кога ќе дадат пари од власт, ќе сме први и втори на сите светски листи по економија, раст, напредок итн. Инаку, ако вака Македонија се справи со пожарот во Кочани, замислете што би се случило да сме во војна. Камен на камен нема да остане, читав човек нема да остане во државава со вакво крајно неодговорно однесување.

 

Не знам дали коментарот за Панчо ти се однесува за мене,ама сепак еве ќе ти одговорам.
Не се ПРЕНЕСУВААТ ИНФОРМАЦИИ од болничка соба (како фино ова како да имаш ти искуство во такво нешто), туку само е ОДГОВОРЕНО на прашањето дали се знае нешто ново за Панчо. Сите други филувања на коментари за телефони,знаење и не знаење за случајов, па и пуштање буба дека ставал стори….говори за тоа колку човек нема разум и понекогаш прави работи од инат,само за да се имаат вакви преписки каде од малку почит и жал,не е место.

 

Верувај дека грешиш, не идат во партии воопшто, може само 5% што е ништо.
Доволно е да се видат и партиски протести кои генерации одат.
За некоја година ќе можат да се наречат партии на пензионери.
А Младиве денес се далеку од тоа што бевме ние.
Ќе дојде нивното време.
Ние па колку бевме наивни и мислевме гласајќи за едни или други ќе оправат нешто.

@JuLleE
Никаква правда не добија родителите во Србија.
За масакрон во Орашје е осуден само на 20 год затвор на помалку од 40 ќе почне нов живот.
Рибникар исто,Тргни од тоа дека бараа да се сруши училиштето,се сруши , не!
Реши државата што ќе орави со Коста, не!
За коренити промени во друштвото не се потребни камери и медиуми туку промена на паметот кај секој еден поединец.

 

Sigurna si? Poznavam licno nekolku maturanti sto otsega mislat vo koja partija da se zaclenat za da se vrabotat vo idnina. Eve vo mojata Opshtina ima mladi sto se slikaat po shtabovite.

 

А шо има па ти да кажуваш како бил Панчо на јавен форум? Ако сака тој или некој од неговата најблиска фамилија да сподели, ќе каже јавно, нема потреба од рекла казала муабети. Се потепавте кој прв да каже приватни детали, што за повредените, што за детали од истрагата.
А не знам што толку сите прашуваат, како може да биде? Стабилен е, останатото е негов приватен момент кој треба да го испроцесира со најблиските. Не со фемина и јавноста.

 

Никој ништо не сподели приватно. Нема потреба од глумење дева Марии и трачарење во темава.
Убав ден е денес,сончев…време на пост и празници.

 

Како не сподели? Па ти тука кажуваш дека бил цел преврзан, дека прашувал за другите, дека никој не му кажувал. Ако ова не е приватно не знам што е. Како хиени сте на темава.
Нула свест и етика.

 

Денешнава младина не ја интетесираат партии, буквално ги множат со 0. Ова е генерација растена на дискорди со врсници од цел свет, тешко да ја вовлечеш во штабови. Мене ми се надеж младиве, оваа генерација може да ги промени правилата што ги поставија нашите а ние ги премолчевме и не се изборивме за подобро. Менуваат работи нон стоп, не премолчуваат, бараат подобри услови, не се задоволуваат со трошки, младиве се топ и јас им верувам. И да поведат бунт со задоволство секој ден ќе им се придружувам на протести.

 

Не знам, и јас изледа не ја разбирам нашава колективна траума и како на другите им влијае сево ова, ама мене ситуацијава ми ствара бес и одбивност кон власт и партии.
И тој бес радо би да го канализирам некаде корисно.
А и чисто се сомневам дека колективна траума е распуштање на собрание "за да не се карале", пуштање партиски ботови за етикетирање на најјако без никаква емпатија и свесност дека 60 деца им умреа, пуштање секакви снимки од нафталин баш сега кога треба да се стиши ситуација, прилепување на партиски ликчиња ала хиени на жими 2 собири за искажување револт, тет а тет средба на 2ца лидери на најголемите мк партии за да се договорат како да се исперат и двајцата, пошо пази, ја имаат мувата на капата... од сите обвинети во притвор лабаво се пуштени само градоначалниците на домашен притвор...
Мислам ова е одличен показател за колективна траума. И како се справуваме со истата... секоја чест.
Од друга страна родителите на децата излегуваат денес во Кочани на марш ама ние сме толку истрауматизирани, што пиеме кафе на сонце денес лабаво и викаме ц ц ц страшно што се случи леле, ужас, многу лошо.

 

Не е приватно затоа што колектив луѓе се на лекување од истата причина и поминуваат низ ист живот.
Пред да нападнеш и да се напраиш паметна за аплауз,размисли што пишуваш.