Трагедија во Кочани - најмалку 59 загинати во пожар во дискотека

Ние од секогаш сме биле срам за Светот, зашто кај нас секогаш за све се мешало политики,партии, ако искочиш си Сдсм,ако не искочиш си Вмро, а народов е несвесен дека секој еден, буквално секој еден можеше да биде во тоа диско.

 

Ама знаеш што е трагичното?
За куче и кај нас ќе испаднат...
За Феликс повеќе галама се крена, правда за Феликс по судеви ау мау.
Децава како да се заборавија, нема уште судење и никој осуден.

 

Гледај живот е живот, дали е на куче, маче, било кое животно нели е живот.Но ова е трагедија огромна, каде што не постојат зборови да се опише, и не треба никаде ние да пишуваме или да се прави потик за искачање на вакво нешто, него свеста сама треба да ни даде знак дека треба да искочи секој еден од нас, без разлика на нација, партија, изгубивме браќа, сестри, братучеди, роднини, другари, другарки, изгубивме ЖИВОТ, веќе Државата ни е црна, завиена тотално во црнило...

 

Ах, грешка ден одбрале. Па утре сите патишта водат кон Кавадарци, на младо вино. Најгласните со мислење за сите теми, освен за најважните, утре треба да локаат и да се снимаат на инстаграм. Марш може некоја друга сабота, само да не е споен викенд и да не е многу ладно. А и да не врне, и ако може не многу рано, сепак петок навечер знае да биде зезнато. И да не трае многу, да не се губи многу време на не толку битни работи. Приоритети се во прашање.

 

Што да се поддржи?
Од една страна лути на ВМРО, од друга страна пак го изгласаа. Двоен аршин на макс.
Минатиот пат кога беа во Скопје некои не почитуваа сообраќајни правила. Жалам, но ни една болка не те оправдува да вреѓаш и да загрозуваш други во сообраќај.

 

Ако не беше курто ќе беше мурто.
И двете партии потфрлија.
И да не гласаа некој ќе биде.
Што мења тоа.
Пак се меша политика, само за изговор да не се испадне.

 

Многу сакам овие кутри родители да издејствуваат правда за своите деца... Не сакам да кажам на глас, ама се плашам дека нема да добијат голема поддршка на Маршот. За жал, видовме и претходниот пат колку малку луѓе отидоа за поддршка, колку ладнокрвно околу нив си пиеја кафе и не само во Скопје кога беа, туку и на секој еден марш во Кочани.
Проклет народ сме, себични сме.
И за претходни убиства и трагедии кога се протестираше, партиите го делеа народот, истиот тој народ кој фаќа врски за се и сешто и во име на партијата глуми циркузант да добие работно место.

Многу трагедии се заташкаа така, и за Модуларната дојде тим експерти од Германија чинам, и што докажаа, кој одговараше?
Јас, кога се случи сето ова, почнаа нели да приведуваат на големо, имав надеж дека ќе се спроведе правдата и ги пофалив овде, но, некако многу брзо почнаа сите да ги пуштаат на домашни притвори од градоначалници па натаму

Спремете се сега да слушаме на вести како судството сеуште е узурпирано и контаминирано од кадрите на претходната гарнитура и така ќе си префрлаат топка едни на други. Како и досега.
Се надевам дека барем од Божјата правда нема да побегне ниту еден што е виновен за оваа трагедија.

 

Не ги оправдувам и и јас ги критикувам за неправилностите кои ги прават, ама дали ова е причина да не се поддржат? Дали сериозно мислиш дека сообраќаен прекршок (за кој слободно може да ги казнат) треба да е причина за да не се поддржат?
Вака е многу нефер да се напише. Ако некои гласале, не значи дека сите гласале. Независниот кандидат имаше толку многу поддршка без реклама и тоа мислам дека во последната деценија па и повеќе не се случило.
Независниот кандидат го знаеле кочанчани, тие и гласале за него. За жал низ селата послабо се запознаени па гласале за тоа што им е познато, плус пакетчињата кои им ги делеле овие излегле како супер тактика. И како што читав, сите истото го пишуваа - дека за жал затоа не победил независниот.

Родителите потфрлија кога летото ги има на видео како му велат на тој независниот „оди си не ни требаш“ пропратено со свиркања. Тој секој протест со нив, а тие со што му вратија.

Во секој случај, тоа што победила БИЛО КОЈА партија не значи дека тие родители не заслужуваат развршница...која, всушност, никогаш нема да ја имаат ама барем ќе има нешто за што да се држат бидејќи на протестите гледавме дека и други родители со загинати деца им се придружуваа. Се сеќавам една мајка како кажуваше дека дете ѝ загинало од незаштитени струјни кабли додека си играло во градинка (така мислам дека беше), а овие што требало да донесат правда го турнале сето тоа под тепих. Зарем смееме да си дозволиме да не ги поддржиме при вакви факти?

Од друга страна има само едно обвинение, а треба да има повеќе (барем така кажуваа сите правници) и дури и да излезе нешто од ова, сепак на крај не се опфатени и нема да се казнети сите.

На крај....правда чекаат и останатите 200 кои се повредени. Тоа се 200 млади луѓе кои ќе живеат со психички и физички лузни од таа ноќ. Некои од нив уште се низ болниците низ други држави и се надевам дека и тие ќе се извлечат. Сите како држава чекаме правда, барем еднаш! И токму затоа што немам многу доверба во судството имам потреба да изразам незадоволство, а воедно и поддршка на родителите (не мора физички, ама барем да нема коментари од „ама си ги гласаа“). Ако било кој не го чувствува истото само затоа што „тие си ги изгласаа“, мислам дека прво треба да се погледне во огледало и да види што човек гледа во одразот.

 

Аманте муабетов, дошле дивите од провинција и ви го загрозиле и онака беспрекорното, цивилизирано скопјенце. Што знаат оние од провинција што е сообраќај и правила при истиот.

Зборуваш за луѓе кои пред пола година децата во црната земја си ги закопаа.

Сигурна си дека тие го изгласаа ВМРО? Ете видовме колку се малку и со мала подршка и во нивниот град... ако нивните гласови имаа одлучувачка моќ сигурно немаше да се заборави толку лесно трагедијава па уште и да ви сметаат во секојдневното движење.

Ма имаат право да го запалат главниот град (а не редот да ви го реметат, во што и не верувам дека се случило до толку) оти од таму се контролираат и диктираат сите гомнарии кои го скапуваат системов смртоносен.

 

Скопјани па, едни Скандинавци што се, кога станува збор за сообраќај и правила... А за првиот дел си во право до некаде. Ретардираните нивни сограѓани не покажаа никаква емпатија и солидарност, што е поразително. Фиромците си го гледаат само сопствениот задник. По којзнае кој пат ми се потврдува дека „топлината“ и „кроткоста“ на народов се позитивни стереотипи, само празни флоскули, кои најчесто ни ги пласираат ,,брачо" Срби преку медиуми. Како су дивни и топли Македонци, ма мрш таму бре.

 

Потпис на ова. Србите ја парализираа цела држава, ние не можеме да се одважиме од кафе да станеме.
Цела држава треба да гори, младината загина.. Родителиве грешка направија што протестите ги правеа во Кочани, ма требаше цело Скопје да е блокирано.
Кога ќе ми текне дека дете починало ради боца кислород, кожа ми се крева.

Ние не сме држава, ние сме некоја селска кооперација.
Лута сум, гневна сум.
Жалам.

 

Денес видов дека има уште надеж во Македонија. Минимална, ама тука е. Браво за сите што одбравме да бидеме меѓу родителите, каде што треба, наместо на кафе во Дебар Маало. Бевме повеќе од што очекував.

Дечкото што зборуваше пред Собрание - браво!

Срамот на државата се сите такозвани познати и јавни личности и инфлуенсери кои не се одважија ниту со една било каква објава за поддршка, ако веќе не смеат за повик за присуство. Дно!!!

 

Да се работеше да парада на гордоста или протест за убиено куче друг ќе им беше муабетот. Ама што се вредни 60+ загубени и неколкукратно повеќе уништени човечки животи .

 

Ана Костадиновска е мислам единствената преживеана од ДНК и денес место да даде поддршка, она заедно со Каролина пее во Кавадарци на Младо вино. Ниедна јавна личност, ниеден инфлуенсер не отиде и не даде јавна поддршка.
Срамота.
Ама ок е, цела недела беа во жалост.
Им загинаа и колегите, али добро, се исплакаа на погребите.
Дно сме. Требаше сите да станат.

 

Ауу, мизерно бе, колеги и биле. Не, не, стопати сум рекла само мене ништо да не ми е, за другите нека си мислат тип на народ сме.

 

Ана Костадиновска и летоска објавуваше слики од одмор насмеана од 6-ка до 6-ка и кога некој овде на форумот го искритикува тоа, одма му/и’ се нафрлија дека не смеело така да судиме, само она си знаела низ што поминувала.
Ќе судам бе. Не личи. Срамота е! Како што е срамно ако стварно настапува на Младо вино додека во Скопје се случува масовен марш за трагедијата во Кочани. Say what you will, мене и сликите од одмор и (не)постапкава ми се невкусни и неемпатични.

 

Кочанчани требаше сложно сите до еден да застанат и да не пуштаат политичар да влезе со пропаганда за избори, а не Мицковски да каже Поминувам со крената глава а Филипче да ми глуми жал и покајание. Бојкот на изборите. А бе ќерката на новиот градоначалник била цела изгорена таму, одвај жива глава спасила и па тате пак за ВМРО се кандидираше и победи. Што сакаш повеќе од тоа? Ќе се кандидирам во партија за било која да е во оваа мочана ебана творевина ( не е двржава) што сиситемски дозволи 30 години да се изивуваат врз народот и ќе ми го убие детето?
И после не мешајте политика. Замислете ова во србија да беше што ќе се десеше. Ќе гореше Белград!!

 

Секој различно се справува Јуле. Не знам како да кажам ама не може да седнеш и да застане животот. На крај она е самохрана мајка ( сопругот и почина од рак пред некоја година) на 2 дечиња. Може тоа што се вратила на нормала колку толку ја држи да може да функционира за нив. Не си и во кожата. Ве молам не судите. Она знае како и е.

 

А и на работа е, не е на коњопој...