Укинување на екстерното тестирање од новата влада

Лидерот на сдсм воедно и премиер на Република Македонија Зоран Заев најави дека уште на првата седница ќе го укине екстерното тестирање.
Со екстерното тестирање веќе неколку години ние учениците сме жртви на поранешната власт која со нејзините погубни политики бевме принудени да бидеме глувци за експерименти воедно и нивни партиски војници.

 

Хаха нека се зафатат за некоја попамерна работа која ќе ја подобри економијата во државава а за екстерното лесен проблем има време може да се укини и после учебнава год.

 

Секако дека го поддржувам 100%, и се надевам дека за толку колку што има време до тестирањата ќе успеат уште оваа година да го укинат.
Секоја објективна личност што го има полагано тестирањево овие години, што е просветен работник, родител или на било каков начин е запознаена со тоа како точно се одвива и функционира оваа „реформа“, знае дека е најголема глупост што се случила во нашево образование. Мислам, на некои коментари дека пак ќе останеле неписмени децата и ќе добиваат 5ки само деца на богаташи (како екстерново да ги описмени и да го направи оценувањето пообјективно ), не знам дали да се смеам или да плачам...

 

Попаметна работа од образованието на млади луѓе кои треба да се иднината на Македонија?

 

Прав вмровец дома сам на детето ќе му прави екстерно

Секако дека сум за ДА се укине.
Поголема глупост се надевам нема да има.
Повеќе пати имаме разговарано и со професори на факултет, и тие се чудат на умот на тие што го поддржуваат ова чудо.
Буквално никаков ефект нема од екстерно....Само плус под притисок што се децата.

Многу пари се трошеле за да се спроведе ова....Со други зборови, си переле пари.


Фала Богу ќе заврши оваа глупост.

 

Екстерново тестирање мислам дека беше непотребно. Доволно е да се полага матура а може пак да има приемен испит за на факултетите но и не мора. Во секој случај, екстерново беше само трошок на пари, време и нерви, беспотребно. Јас еднаш го искусив тоа, во седмо одделение, но беше пробно и не се важеа резултатите.

 

Абе убо си беше екстерното...Малце и професорите наставниците да ги истестират јас сум да има уште па шо

 

А сега џабе ги укинуваат кога веќе завршив

 

Браво за оваа мерка. Белким ќе не биде со образованиево, ќе тргне напред. Сосема бескорисно екстерно тестирање, кое освен стрес за децата, родителите и наставниците не донесе ништо добро. Дури и тие што цела година не учеле си се офајдија. Велам јас образованието ни е промашена инвестиција, и Кембриџ е глупост. Потребно е да се воведат и приемни испити на факултетите, да постои некоја граница, да го вратат стариот сјај доколку можат, со повеќе практична работа.

 

Дека матурантите правеле, уште оваа година изгледа, биле објавени и датите за полагање, така слушнав.
Секако сум за укинување, какво тестирање е ова на унапред дадени прашања.

 

Држава во која младината е неписмена нема светла иднина. Држава од која младите бегаат нема светла иднина.
Екстерното беше најголема глупост за сите во образованието, конечно ќе му дојде крајот.

 

Тоа екстерно е жив ужас,се сеќавам кога полагав пред неколку години ауу прашања...па ни за прво одд не беа...каква боја е дрвото?каква боја е небото?каква боја е тревата
... значи ужас. Исто за англиски ...препишување колку ти душа сака дури и проф.ни ги решаваа тестовите ако може така да се наречат.Залудно трошење време и стресови

 

Леле само да го укинат..не се трпи ово бре.

 

Се надевам што поскоро ќе се укине

 

Конечно. Имало Господ. На екстерно повеќе се препишуваше отколку на матура. Жива глупост беше. Сите знаеме за што служеше. И на крај ни го расипи просекот. Не, не оценката од екстерно туку од професорките. Мене 2 професорки ми ги намалија оценките од 5 на 4 оти мислеа дека нема да добијам 5. Guess what тие со то шо ми пишаја помала оценка, меѓу кои беше и мојата класна, добија казни. Не би сакала моите срциња да полагаат и да го поминат она шо јас го пиминав, а веќе оваа година треба да почнат да полагаат се надевам дека ќе се укини шо побрзо.

 

Јас кажав дека има мн попаметни работи за кои граѓаните се интересираат а за Тестирањето може да се укини и на негово место да се воведат приемни за во средно и на факултет.
Тоа е најидеално решение бидејќи денес имаме кадри кои задолжително ни криви ни должни ќе се стекнат со одредн степен на образование. ЗАтоа кажав дека за екстерно може да се укине секогаш а за економијата треба да се зафатат и да си ги исполнат ветувањата кои ги дале на граѓаните...

 

Ако се укине тестирањето тоа нема да биде оваа година туку следната.
Ние не сме навикнати на ваков систем на тестирање кој веќе некои земји го спроведуваат во училиштата.

Гласав за да, затоа што немаме соодветна литература и затоа што учиме едно а друго се појавува на тестот.
Јас иако завршив сметам дека екстерното тестирање треба да биде по завршувањето на основното и средното училиште.

Сега на факултет е воведен нов систем по завршувањето на втора година се полага испит со кој ако е положен влегуваш во трета година.
Ние не сме Хавард или некој светски универзитет со реномирани професори.

Кај нас се измешано...

 

Не требаше ни да се воведе оваа глупост,па логично е дека сум ЗА укинување на екстерното тестирање.

Не се мери знаењето на ученикот со 200 до 300 прашања кои се достапни еден месец однапред.За некој што учел и бил солиден цела година,може да се случи тој саат време време да се збуни,да падне концентацијата или едноставно да згреши од страв,стрес и сл.За деца се работи.
Или пак обратна ситуација.Некој ученик дремел цела година,па научил 200 прашања по некој предмет и полага и добива 5.Што кажува ова за наставникот?Дека несоодветно оценил?Или пак дека му се посреќило на ученикот и наставникот ќе биде казнет?

За воведување на вакви програми,тие кои ги носат законите треба да се консултираат со наставниците,учениците,да зборуваат за нивните потреби и во која насока да се развива образованието,а не некои ,,експерти"да одлучуваат и спроведуваат нешто што виделе или слушнале.

Ова ме асоцира на,,Видела жабата коњот се потковува,па и таа кренала нога".
Далеку сме ние од земјите каде се спроведуваат ваквите тестирања.Прво нека се обезбедат пристојни услови во училиштата,нека има хигиенски средства,соодветни нагледни помагала,па после нека се воведуваат експериментални програми,но да бидат согласно потребите на децата и наставниците.

Вчера излезе распоредот на кои датуми ќе се тестираат учениците.Наставниците се опуштени годинава,нема работа под притисок за да се одговорат сите прашања,децата се уште поопуштени,посветени се на реалните обврски кон крајот на школската година.

 

Најстрашно од сè е што професорите на ученици кои се утепале од учење по нивниот предмет цела година, им велат дека петката ќе им важи само ако не се паднат на екстерно.