Укинување на екстерното тестирање од новата влада

Се молат приврзаниците на одредени политички партии да не ги мешаат истите и преостанатите партии во дискусијава. Овде станува збор за екстерното тестирање како реформа во образованието, па сопствените политички убедувања треба да се задржат токму за себе.

Мило ми е што се укина, затоа што поголема глупост не постоеше. Добра беше замислата на почетокот, да се провери објективноста на просветните лица. Но реализацијата беше катастрофална. Не требаше оцените да влегуваат во просекот на ученикот и во свидетелството, и смешните казни за професорите од финансиска гледна точка. А не би да зборувам за самото екстерно тестирање. Прашањата требаше учениците да ги составуваат и да ги даваат понудените одговори, затоа што тие кои го правеа тоа покажаа дека немаат блага врска. При полагањето имаше препишување и помош од професори и други ученици. И самиот факт дека прашањата се претходно дадени, укажува колку целиот процес не чини. Дома мама, тато, баба дедо, тетки, стринки и комшии одговараат прашања, а тој/ таа што полага ги учи на памет, за подоцна да дојде да размена со другите ученици.
Смешки навистина.

 

Тој што имал оценка 4 или 5 нема да му биде тешко да ги научи напамет прашањата и пак да извади иста оценка. Екстерното им помага на најслабите, кои за ден-два ќе прочитаат некое прашање и ќе се "извлечат". Кога бев на екстерно, ученици со единици и двојки вадеа петки. Треба да се има тестирање на знаењето, ама екстерново е за никаде.

 

@Tan4ence Не реков дека сите учат на памет но повеќето да.. Ако и да е сакав да кажам не треба толку да се стресуваат за екстерното ..

 

Според мене тој што учи нема да се плаши од екстерно,@Dimaja не се труди да им објаснуваш,мислам дека не вреди.

 

Зошто некој воопшто се плаши од екстерното тестирање?

И како на понекои не им се здосади да пишуваат едно па истото во сите теми на форумов, а ништо да не кажуваат? И да мислат дека они се во право, а другите трева пасат?
Ако некој се препознае, убаво.

 

Екстерното не направи најдобри во светот, таман први и во економија, вие па А најпрви сме во тоа, за чија бесконечност Ајнштајн беше сигурен

 

24 гласови против... околу 20 се тролачките профили на Дарето.

 

Луѓево кои упорно зборуваат за екстерното како многу добра реформа во образованието.. кои упорно убедуваат дека тие што се против - одличните, пардон, „одличните“ се плашат, всушност... можеби им треба адреналин во животот. Некој оди на банџи, друг параглајдер вози итн. на овие може им фали тестирање на знаењето, еднаш неделно. Нека новава влада им излезе во пресрет и нека им го овозможи, скроз на доброволна основа да си го тестираат знаењето. Изненадно нека им биде ем, за екстра доживљај и подобра меморија. Што да не.

 

Сунчице, тие Ајнштајн не знаат кој е, а не па за чија бесконечност бил сигурен

 

Еден ученик многу добро си знае колку учел цела година и како му се одразило тоа екстерно на крај
Еден добар професор многу добро знае колку учел тој ученик и која оценка заслужува и дали екстерното знае подобро од него да го оцени...
Еден родител си го знае детето дали учи или не, во која област е понасочен и дека последните три дена му се постресни од можеби цела година...

Останатите кои не спаѓаат во ниедна група од овие три, ќутете си...

 

@DAngel Ами как на га знаат бе Ејнџ, у штабо постер се држи од њега, рајт некст ту Силванева Бонева
Таа тука што ја гледате и таа на ѕидо, истата е

 

@Dimaja оди види ги прашањата од претходните години ако ги има, пола од нив смисла немаат, професори не знаат да ги решат сам бог знае како и од каде се составувани и од такви неписмени мене да ми се намалува просек?
И после оди види какви прашања има по англиски, ист калибар за 6то одд и 4та година средно, си оценил некој за 2, а тој ќе ти извади после 5ка па ти трпи од плата.
Се гледа дека не си полагала екстерно нит па дете ти полагало кога не знаеш не оправај криви дрини тука.

 

Џабе некои ги праќаат од партија да го фалат екстерното, кога нешто не чини факт е дека колку и да се трудат не можат да го направат црното да биде бело.

 

Зошто се плашат? Па еве на пример професорите се плашат бидејќи ако некој двојкаш добие петка на екстерно можат да бидат казнети со 15% од плата.
Каква е таа реформа каде некој што имал двојка ќе ги знае одговорите и ќе извади петка, а на крај професорот ќе остане без плата од која живее?

Знаеш што им се случува на тие ученици кои цела година ја поминале во учење за да заслужат петка, и кога ќе видат дека некој што се појавил на пола часови а на пола кафе пиел добие петка? Знаеш ли каква неправда е тоа или не? Некој се утепал од учење а некој само ги прочитал прашањата ги дознал одговорите и ајде. Таква реформа е добра според вас? Тоа го поддржувате?

Екстерното беше промашена реформа бидејќи оценувањето е неспоредливо. Во текот на годината учениците се оценуваат на невидени прашања, а додека за екстерното прашањата се видени, затоа тоа е неспоредливо.

Еве пример, споредливо ли е според тебе времето на атлетичар кој трча на 1000 метри атлетска патека и оној кој трча 1000 метри планинска патека?

 

Прочитај го првото мое мислење овде и ќе дикутираме.

 

Извини, добро нека стои за тие што го поддржуваат. Може ќе се најде некој да одговори.

 

Од екстерното тестирање само замислата е добра. Океј е да се оценат наставниците, океј е и учениците да се проверат и оценат, притоа сите одговараат исти прашања и ист третман. Тука го исклучувам класичното препишување.

Ама затоа реализацијата е катастрофална.

Прв проблем е фактот што 5ката не е иста во сите класови, а не пак во сите училишта во Скопје да речеме, а уште помалку во целата држава. Втор проблем, секој може да направи грешка поради стрес, па 5ката може лесно да биде 4. А некому тоа му значи многу, пример ученик кој сака да се запише на Воена Академија. Трет проблем, не може физика, англиски и музично да бидат оценети на ист начин со 30 прашања. Особено не јазиците, бидејќи оценувањето вклучува повеќе аспекти. Четврт проблем, не може ученик кој добивал оценки низ цела година, ученик кој бил оценуван во континуитет и крајната оценка зависи од 4 оценки да биде оценет со само 30 прашања.
Од гледна точна на професорите, прв и најголем проблем е фактот што лесно може да се киксне, но поеднакво лесно може да се препише, без разлика дали тестаторот дозволил или ученикот успешно препишал.

 

Да се потсетиме само - кога се појави екстерното, муабетот беше „Ќе служи само за проверка на професорите“. После, кога се воведе, беше „Океј де, и учениците ќе добиваат оцени, ама нема да влијаат на просекот“. После беше „Знаеш, више кога ги добиле, дај да ги ставиме и у свидителства, нек’ има“, за на крај и тие оцени од екстерното да влезат во просекот.

Од основната замисла да се провери непристасноста и обејктивноста на наставниците, на крај испадна нешто сосема друго.

Патем, проверката на наставниците не е некоја револуционерна идеја која Гоце Делчев им ја шепнал на сон на Груевски и Тодоров - тоа отсекогаш го имало и постоело. Имаше просветни инспектори кои доаѓаа најмалку еднаш годишно у секое школо и присуствуваа и на предавања и на испрашувања на рандом предмети баш од таа причина - за да се провери непристасноста и обејктивноста на наставниците.

За оние пак што го бранат екстерното и викаат дека само оние што незаслужено добиле оцени се плашат од него, да расчистиме неколку работи:

Прво, да можела програмата по секој предмет за целата година да се совлада, научи и да се провери тоа знаење одеднаш, така и ќе била концепирана наставата. Апсурдно е материјалот од целата година да се сведе на 30-ина прашања и оцената од тоа тестирање да биде меродавна или на исто ниво со оцената која ученикот ја добил преку континуирана настава, активност, испрашување и тестирање од целата година.

Второ, сте се запрашале ли колку се соодветни прашањата кои се даваат на екстерното тестирање? Наместо најопштите и најпотребните ствари од годината, кои учениците реално би имале шанси да ги запомнат, се бараат ситници, детали, фусноти и бесмислености - кои човек може да ги знае само ако претходно ги научил на памет. И кои, нормално, ќе ги заборави 3 дена после тестирањето.

Трето, школото служи за да ги научи децата како да учат, разбираат и помнат работи, како и некои најосновни и најопшти работи кои би требало да ги запомнат до крајот на животот. Се’ останато се факти кои се учат на памет и, ако не се повторуваат и користат редовно, се забораваат.

Најголемиот апсурд е што најголемите „бранители“ на екстерното тестирање се ликови за кои верувам дека заборавиле и најосновни ствари од своето образование - како се решава квадратна равенка и како се пресметува површина и волумен на тела, на пример - ама затоа од денешните ученици очекуваат дека треба целото знаење од школувањето да го имаат во глава, за да кога на некој полуписмен политичар-реформатор ќе му прдне на памет некоја идеја, тие да можат да си ја оправдаат оцената од претходната година и да ја знаат површината на Боцвана на памет.

 

Да, не е тешко ама ако бубаш на памет. Еве јас учам со разбирање и доста ми беше сама да си ги одговарам прашањата и 1-2 пати да ги прочитам за повеќето да ги знам. Ама НИКОЈ не е компјутер сите до едно да ги знае. А три да незнаеш и баш тие три да ти се паднат ти губиш оценка, ако цела година континуирано си учел. А за македонски јазик па ако сите книги и лектири си ги читал континуирано и раскажувал низ целата година за на крајот екстерното да ти го наруши вкупниот просек и оценката која баш со сиот труд си ја добил, е греота е и жално. И после да имаат учениците желба за учење, епа ќе немаат. Затоа што трудот од целата година ти пропаднал за 60 минути и заради 3,4 прашања кои немаат врска со материјалот што го учиш како и повеќето од нив.

 

Значи според оваа логика, тие што имаат петки на крај реално ништо не знаат бидејќи учат напамет, а тие што имаат двојки знаат бидејќи „запамтиле нешто од часот“.
И на првиве оценките им се подарени, а на вториве им се реални. Значи сумирано, според тебе, од сите што полагаат екстерно, од четврто до трета година, 90% не знаат повеќе од двојка.
Од која причина мислиш дека новите генерации се глупави и неспособни?