Добар фризер за балајаж? Ама за карамел балајаж. Кај што идам за шишање не ги бива баш со бои, сите исто ги прават, башка им ја горат косата, колку пати сум чекала, гледам малце ги забораваат со бланш на коса, повеќе од пола час дремат со фолии на глава. Јас не сакам да седам пола час, доволно ми е десет минути, кога фарба ми фаќа за десет минути. Значи некој со сенс за бои, се мислев за Лили Равњанска.
Мој добронамерен совет, никако кај Лили! Одев редовно кај Мики ексклузив и по препораки во Женски домаќински муабети отидов кај неа. Косата ми ја спржи буквално, бојата беше некоја сребрена што врска немаше со тонот на мојата коса и кога почна да расте косата буквално имаше права линија како пресек. Згора на тоа ми наплати ако добро се сеќавам 6 и пол илјади, бидејќи користела не знам ти какви бои. Сите што ме видоа ме прашаа зошто ми е таква косата и коментарот беше Ај може ќе ти падне бојата. Кога и се јавив наредниот ден да и кажам дека не ми се допаѓа, ми рече Ама од преливот е тоа, ќе ти падне и ќе биде како што сакаш. Не само што не падна, туку косата ми се кинеше на секое чешлање и беше како метла. Издржав два месеци некако, ја носев собрана 99% од времето и после отидов кај Мики да ме среди. Ми го поправи преминот за да е поприродно и од тогаш само таму се правам.
Баш во друга тема го поставив прашањето. Значи со оваа техника многу се гори косата да не си правам играчки. Имам здрава коса која иако ми е фарбана последно во септември,се плашам да не ја направам лом. Станува ептен сува и се кине? Вака на слики ептен убаво изгледа.
На слики убаво изгледа и сите ми ја пофалија косата, но од друга страна сега ми е 10цм пократка бидејќи се кине. Коренот се гледа дека расте, а должината иста. Користам се и сешто, ја шишам редовно и џабе. Мора доста да и се посветиш ако сакаш да изгледа здраво.
