Фемина готвач - Тема: Mесо во сос

Ова ми е од архива,има и нешто од зеленчук
Ако не се важи игнорирајте ме

Се вари брокула! морков и пилешко во едно тенџерче,макарони ви друго
Во тава на масло се пржи кратко една главица кромид и се додава зеленчукот и пилешкото
Некои 5 мин се доволни па се додаваат и предходно сварените макарони
Се зачинува по желба,овде ставив вагета,сушено лукче,магданос,црн и црвен пипер

 

@duffi , Дафи ќе те утепам ,на сват ти очи му истекоа
Ми отвори работа за вечера.
Можело и без кременадли

 

Баш сакав да прикачам во инстаграмот и гледам, денешниов ручек новата тема да ти бил

Турлитава



Рецепт
300 грама пилешки стек го исецкав на коцки, зачинив со сенф, сол, вегета, оригано, масло и оставив 2 саати во фрижидер. Во зовриена вода бланширав 100тина грама бамја.Го пропржив стекот да се зарумени.
Запржив кромид, додадов 3 рендани домати, 2 моркови на кругчиња, пиперка на ленти, вода да прелее се и се крчкаше кратко, па во загреана рерна го потпеков во земјено тавче.

 

И моево е од архива, ако не смее, бришете.

Булгур со зеленчук

Прво го правам булгурот сооднос 1:2.5. Ставам зачини сол, куркума, семе од коприва, сушен босилек и сѐ што ќе ми дојде при рака, значи може по вкус вие што сакате. Булгурот најдобро правете го по упатство. Готов е кога ќе ја упие целата вода.
Зеленчук:
Најпрво пропржувам малку кромид, моркови и шампињони, сето тоа наеднаш. Потоа додавам тиквички и модар патлиџан и зачинувам со истите зачини кои ги ставив во булгурот, ама помалку. Оставам убаво да се пропржи и на крај додавам брокула и малку хопла за готвење. Оставам да крчка уште 5-7 мин., не сакам кога е преварена брокулата. Ама вие ако ја сакате помека, оставете подолго. Скроз на крај ставам малку маслиново масло и промешувам. Зеленчукот може да го сечкате по ваш избор. Јас некогаш го сечкам на парчиња, некогаш на ленти. Се сервира прво булгурот и врз него го истурам зеленчукот. Ова е лесна вегетаријанска варијанта. Ако сакате нешто "помрсно", одлично е и со пилешко месо. Место булгур може да го направите и со било која тестенина, пробано е и така и исто е вкусно.

 

на ова би му влегла и тоа без прибор за јадење...

 

И јас би Бубче без месо ама кај сватот не поминува тоа.
Морам вака да го подвалам зеленчукот.
Ајде на ручек кај сватовите, има за сите.

 

Ајде

Јас вака месото го подвалувам .
Ама не ми успева секогаш ,па морам јас да си го лапкам сама

 

Ќе ти пратам една џамбо порција, па ти како сакаш јади

 

Полнет модар доамат

1 голем модар домат се сече на пола и се длабат двете половини, месото се срцка на коцки.
Се запржува кромид со мелено месо (200-300 гр) се зачинува со куркума, сол и бибер, се додава една ситно сецкана пиперка и една рака ориз. Во тава со капак се ставаат двете половини од модриот домат и се полнат со содржината. Се става два прста вода и се покрива тавата. Се вари 45 минути на средна тт.

 

Леле, и мојата беше речиси иста ваква, со кременадла. Само што јас ги спремив со кромидот, лукот и морковот во полуекспрес лонец како гулаш, па после ги ставив во тавче да се печат со другиот зеленчук, а при крај додадов и една рака ориз и малку магдонос!

 

Летна манџа
Се пржат ситно сецкани пиперки, при крајот се додаваат сецкани домати без лушпа и неколку чешниња лук и малку сол, да прокрчка .

 

Турлитава во бел сос и кашкавал



Состојки: микс од зеленчуци - кромид, лук, моркови, грашок, црвена пиперка, боранија (замрзнат кинески и балкански микс ќе да беа) .... + компир, млеко, павлака, кашкавал и зачини (босилек, лук во прав, вегета,копар).
Се запржува кромидот, се додаваат морковите, потоа и миксот се' и сешто. Се зачинува, става малку брашно да се запржи со зеленчукот па се налева млеко - зависно за колку луѓе и колку зеленчук спремате,толкуз и млеко. Компирот претходно го сварив малку за да не печам долго во рерна...таков го додадов во миксот со зеленчук и млеко...прокрчка малку на рингла, додадов неколку лажици павлака и изрендан кашкавал, онда сето во земјена тава и на печење на најакото. Во миксот можете и месо. Јас месото посебно го пржев. И толкуз. Еми, да ви е слатко.

 

Оти не видов порано, ќе ве смачкав со ручекот денес...
А само што ставив турли тава без месо, ама целата е распрталена како мачка да ја претала. Плус не е во земјено тавче...


За готвење кога е, полна сум еготрипови Поарно да не учествувам.

 

Замрзнат микс од зеленчук,додадов и малку ориз,сол,црвен пипер и црн бибер.Го готвев во тафче во рерна,исто и филетите ги печев.Филетите се рибини.

 

Пинџур
Со кромид, домати и пиперки.

 

ммм пинџурче.И јас сакав тоа да правам ама скоро јадевме

 

Зеленчук со пилешко во слатко- кисел сос

Spoiler: Рецепт

Во сад се става 3 лажици брашно, 2 лажици нишесте, околу 2-3 лажици соја сос и вода за се тоа да се соедини. Две парчиња стек се сецкаат и се ставаат во претходно приготвената смеса. Убаво би било месото да отстои во маринадата барем еден час.
Стекот се пржи во нелепливо тавче со голема количина на многу врел зејтин и се трга на страна. Доколку немате добро тавче најдобро е да ја избегнете маринадата и да го испржите стекот дирекно, затоа што лепи многу.
Се сецкаат тиквичка и морков на лентички, пиперка и кромид на кругчиња, а брокулата се дели на мали цветчиња. Конкретно сега тоа имав ставено, а може да се додаде зелка, модар патлиџан, ананас...
Се пржи зеленчукот на малку масло. Се додава пола чаша вода да изврие. Потоа се ставам 4-5 лажици кечап (не доматно салце), малку соја сос, еден прстофат сол и уште пола чаша вода. Се тоа се крчка додека водата не се редуцира, а потоа се става пржениот стек и се заедно се крчка околу 2-3 мин.

Bon appetit

 

Анкетата е поставена. Еден фали, ја имаше сликата во ФИ
Можете да гласате
https://forum.femina.mk/threads/Фемина-готвач-Рецепти-и-гласање.27360/page-4#post-4048975

 

За @duffi

Сите до едно изгледаат вкусни

 

Гласав за @Avery
Многу вкусно и примамливо изгледа