Хемотерапија или алтернативна медицина?

И на крај секој за себе си одлучува. Темава е за кој сака мислење да си каже, а не да се расправаме и контрираме.

 

Белким ќе се излечи, дај боже.
Мајка ми имаше цел перитонеум метастази кои биле толку ситни и многу што личело на саќе,тумур голем колку рака под попокот со фиксирана кожа(можеше да се опипа од надвор) плус асцит.Откако почна да ја прима хемотерапијата, после 3-4 циклуси го снема асцитот.После година КТ на абдомен не покажуваше малигни клетки и тумур маркерите беа во граници на нормала.По три месеци пауза и се влошија нагло тумурмаркерите.Пак хемотерапија,ама крвта почна да и слабее(а имаше хемоглобин над 140 ем со цитостатици).Секој месец се послаба,па почнаа и сменија цитостатици послаби 2, за на крај да остане на еден слаб цитостатик.Најжалосно е што секој следен компјутер беше чист,немаше асцит и големиот тумур под попокот беше чист и кожата не фиксирана чиста.Едиствено што не беше во ред беа тумурмаркерите.На крај почна да не јаде и пие, а повраќа црна течност и тоа беше крајот.
Не ми е целта да сум негативна, ама никогаш не се знае со сигурност дали си излечен или само е период на ремисија.Баба ми беше добра 3-4 години, ракот пак се врати и умре.
Тетка ми прима цитостатици само и зрачење, не оперирана(исто неоперабилен), па фала богу минаа 3 години и се е во ред.
Се зависи до типот на ракот и сите луѓе се различни.

 

Девојче не е ова тема кај што се бара нечие лаичко мислење или став. Не ова тема кај што се диксутира кој каква козметика користи или кај купува градероба. Ова е тема кај што ќе дојде некој што заболел или има близок што заболел од рак. И најмалце што му треба е да прочита нечии „мислења“. Ти ако не си медицинско лице немаш право да „мислиш“ на оваа тема. Ако имаш искуство лично или на некој близок во ред е да споделиш ифнормации ама не смееш да тврдиш и да гарантираш. Затоа што освестете се, можете на некој да му го скратите животот со вакви невнимателни коментари:

Дотичнава треба да ја судат за измама да не претерам и речам за убиства. Не сум сигурна и дека е вистинска докторка.



Ако имаше лек за ракот (кој го кријат) немаше да изумрат сите оние славни личности кои имаат баснословни суми да фрлат на лекови. Лек нема. Хемотерапијата е лоша ама нема подобар избор. Далеку е светот од пронаоѓање на лек и се што може да направиме е да се грижиме за себе и да си помогнеме да не дојде до болеста. Ако веќе дојде, џабе е се. Секој со својата судбина, некој ќе се излечи, повеќето нема.
Мене срце ми се кине кога ги гледам оние барања за донации за третмани по Кина и усвет зашто знам дека кога стигнало до таму колкави се шансите.

 

ОК, @Sawyer, пред да реплицирам, да расчистиме неколку работи.

Прво, секој има право на свое мислење и треба да го почитува туѓото, но ова не важи буквално за секоја тема. Можеме да имаме различно мислење за субјективни работи – на пример, ти можеш да мислиш дека U2 се добар бенд, а јас дека не ги бива, или јас да мислам дека сликите на Пикасо се убави, а ти не. И тоа е сосема во ред. Но, кога се работи за научни факти и вистини, нема простор за лични ставови. Нешто или е така или не. Простор за лично мислење во научни дискусии може да има само на теми кои не се дефинитивно разрешени и истражени, на пример, може да имаме различни ставови за тоа дали има живот на други места во вселената или не.

Второ, ако веќе имаш сопствено мислење на некоја тема, претпоставувам дека на некој начин си дошол до него. И ти не образложи зошто мислиш дека хемотерапијата е повеќе штетна отколку корисна, наспроти огромниот број на медицински истражувања и случаи од праксата кои со факти ја потврдуваат нејзината делотворнос, или пак зошто сметаш дека само со здрава храна може да се излекува ракот, кога нема никакви научни докази кои го потврдуваат тоа.

Во една друга, неврзана тема кажав, но истото важи и за овој случај – Кога некој изнесува некое неверојатно тврдење (како ти и @copacabana во случајов со храната и ракот), тој некој треба да го образложи и докаже тоа тврдење, а не некој друг да го оспори.

Од друга страна, работите кои јас ги кажав се општопознати и прифатени, односно – не измислив топла вода со ништо што кажав. Можам, секако да ставам цитати или линкови до релевантни извори кои тоа го потврдуваат – но, тогаш темава ќе треба да се прекрсти во нешто како „Факти за ракот и неговото лекување“.

Ама, еве – ќе пробам да ти дадам задоволителен и аргументиран одговор.

На почеток, да расчистиме со тоа што всушност е рак – ракот претставува малиген тумор или неоплазма, односно абнормален клеточен раст кој има можност да се прошири и низ други делови од телото. Инаку, постојат повеќе од 100 различни типови на рак од кои заболуваат луѓето, Така да, ракот не треба да сметаме како една, туку како група на болести. (http://www.cancer.gov/about-cancer/what-is-cancer)

Во однос на причинителите на ракот – во 22% од случаите се јавува како резултат на консумирање тутун, 20% се предизвикани од инфекции како хепатитис и ХПВ, 5-10% се поради наследни генетски дефекти, додека само 10% отпаѓаат на причини како лоша исхрана, гојазност, недостаток од физичка активност и консумација на алкохол. (http://www.cancer.org/research/cancerfactsstatistics/index)

Што значи, ставот дека храната е одговорна за целиот рак на светов, не држи вода. Појавата на одредени типови на рак може да се превенира со водење здрав живот – непушење и претерано пиење, здрава храна и физичка активност, но не може да се излекуваат со истото.

Еве, ќе елаборирам малце и за теоријата која ја изнесе за „киселоста“ на организмот која предизвикува појава на рак.

Прво, човековиот организам е многу сложена машинерија, која пред се, е саморегулирачка. Во однос на „киселоста“ и „базноста“ – организмот како целина не може да биде ниту кисел, ниту базен. Различни делови од телото имаат различна pH – на пример, средината во желудникот е кисела, додека крвта е само малку базна - 7.4 (7 е неутрална вредност). И овие вредности се одржуваат константни од страна на самиот организам. Идејата дека со внесување на ваква или онаква храна може да се влијае на pH вредноста на организмот е повеќе од смешна. Може да се влијае само на pH на урината, која варира во однос на тоа што сме јаделе или пиеле во текот на денот. Но, урината е отпаден продукт и не се задржува во организмот. (https://en.wikipedia.org/wiki/PH#Living_systems, https://sciencebasedpharmacy.wordpr...o-your-body-ph-balancing-a-failed-hypothesis/)

Во однос на туморите – во средина без кислород не може ништо да живее – најосновно, такво нешто постои само во вселената, а дефинитивно не во самиот човеков организам. Друго, туморите не се јавуваат во кисела средина. Точно е дека непосредната микросредина на туморот може да има нешто помала pH, но тоа е резултат од различната брзина на консумација на кислород помеѓу клетките на туморот и здравите клетки. Што значи, зголемената киселост е резултат на постоењето на туморот, а не предизвикувач. (https://en.wikipedia.org/wiki/Tumor_hypoxia)

Останатите мислења ти беа на тема здрава храна и против тоа немам ништо, како што веќе реков.

@copacabana, немам ништо против читање и пишување на форуми – еве, гледаш, и самиот читам и пишувам на форум. Ама ако тебе ти е доволно само да прочиташ на форум дека B17 им помогнал на 10 од 15 луѓе за да го купиш и почнеш да го пиеш или да го препорачуваш како лек за рак, тоа за мене е загрижувачки.

Ако прочиташ такво нешто, прво треба да пробаш да се информираш од повеќе места – релевантни научни веб-страни, стручни статии и истражувања направени за ефикасноста на B17 како лек, или пак да се консултираш со стручно лице.

Да си направела било што од ова, ќе знеше дека витамин B17 не постои – супстанцата која се нарекува B17 е всушност амигдалин, кој претставува цијаноген гликозид, и нема никаква врска со витамините. Исто така, ќе си дознаела дека нема ниту едно научно истражување кое ги поддржува тврдењата дека оваа супстанца е успешна во лекување на ракот, а поддржувачите на овој „лек“ не даваат никакво научно објаснување за принципот на неговото дејство. (https://en.wikipedia.org/wiki/Amygdalin, http://www.ncbi.nlm.nih.gov/pubmed/7033783)

Освен тоа, со консумирање на ваков „лек“ лесно може да дојде до труење со цијанид и смрт. Така да, како што гледаш, неиформираното читање по форуми може и те како да биде опасно.

Што се однесува до искуството и познавањата, верувам дека имаш лично искуство со некој заболен од рак (а не знам што те наведе да мислиш дека јас немам), ама во однос на познавањата, искрено се сомневам дека имаш поголеми познавања од мене, а дури и дека имаш основни познавања.

Што се однесува до правилната исхрана, веќе реков дека сметам дека е важна и корисна – но, консумирањето B17, гасена вар, газија, сода бикарбона, гравиола и др., не само што не е докажано дека има некаков позитивен ефект врз третманот на ракот, туку може да има и многу штетни последици врз организмот. (https://en.wikipedia.org/wiki/List_of_unproven_and_disproven_cancer_treatments)

Што се однесува до „д-р“ Велков и некои други лекари кои протежираат алтернативни терапии, можеш да бидеш сигурна дека тоа го прават за своја лична корист и профит. И дали тоа што некој е доктор по медицина значи дека по автоматизам треба да му веруваме? Секако дека не. Но, фактот што многу мал број на лекари го поддржуваат овие алтернативни терапии, наспроти милиони други медицински лица и научни истражувања треба нешто да ги кажува. Како што фармацијата е индустрија и бизнис, и алтернативните терапии, витамини, бустери на имунитетот и други суплементи се исто така мултимилионска индустрија – разликата е само во тоа што фармацевтската индустрија е строго контролирана со закони и прописи, додека индустријата на суплементи и алтернативни лекови нема речиси никаква контрола, па проиводителите на овие производи можат на нив да наведат разно-разни тврдења и здравствен бенефити, без кривично да одговараат во случај да се покаже дека се лажни. Но, ова е веќе тема на друга дискусија.

Самиот поим „алтернативна медицина“ доведува до заблуда – испаѓа дека и ова е некаква медицина, соодветен пандан на научно прифатената медицина, па дури и дека е некаква нејзина алтернатива. Вистината е дека алтернатива на медицината нема – се што научно се докажало дека е корисно за здравјето или лечењето на некоја болест е прифатено од медицината, како лек или третман. Она што се нарекува „алтернативна медицина“, не е ниту алтернатива, ниту има врска со медицината. Тоа се „лекови“ за кои нема никаква научна основа, а за нивната „делотворност“ постојат само рекла-казала муабети и прикаски од типот „Една жена пиела газија и се излечила од рак“.

За крај, еве еден интересен и лесно разбирлив текст за 10-те најчести заблуди во однос на ракот и можностите за негово лекување:

http://scienceblog.cancerresearchuk...the-hype-10-persistent-cancer-myths-debunked/

 

Mnogu e doolgo mislenjevoo I nena da go citam celo, samo ke ti kazam deka razlikata e vo toa sto jas na nikomu ne mu vikam.si vo totalna zabluda, sto znaci bez razllika na nacinit na koj sum doznal nesto ili e moe mislenje, nemora da iznesuvam fakti, zosto ne demantiram nekogo, nitu pak ubeduvam.vo nesto, a najmalce od se rekov deka e se taka kaako sto rekov, samo rekov deka veruvam vo hranata I zatoa rekov, koga vekje.me.demantiras potkrepi go toa so fakti I mozebi ke mi gi "otvoris" ocite I ke.me naucis na nesto sto ne znam, otvoren sum za novi informacii, ali neka se potkrepeni so fakti demantite, toa samo go rekov I drugo, naukata znaeme deka cesto znae da se menuva so novi otkritija I soznanija.....taka da za osven.nekkoi univerzalni zakkoni, se drugoo e vistina do momentot dodeka ne bide.demantirano od drugi naucni soznanija

 

Од месо се јаде само пилешко мислам ама малку и друго месо никакво само риба.Сувомеснато не млечни производи незнам тоа.Леб никако исто и газран сок не , треба многу зеленчук и овошје и се прават разни напивки за пиење за имунитет.За оние кои се примале хемотерапија.Ако е пишано да не фати ке не фати без разлика дали се храниме здраво или не.Ако реши да не убие ке не скине.Зависи до организмот кај секого различно.

 

И те демантираа и го поткрепија тоа со факти, а ти викаш: "многу е долго мислењето, нема цело да го читам, јас ти барам факти, бла бла..." Браво! Па прочитај го мислењето, можеби навистина ќе ти ги отвори очите!

 

Види, прво тоа нема да го читам до крај го реков зошто после првиот дел не бев јас цитиран и мислев дека нема одговор на тоа што јас прашав, а и не бев во можност во моментот да го прочитам цело, сега го прочитав.
Второ, јас кога ја правев дипломската пред брзо време на факултет, знаеш што ми рече професорот ? Гледај колега да има повеќе извори, зошто можеш да најдеш и на википедиа и се да преведеш и готово, ма да не е препорачливо, зошто таму може и секој да вметнува. Не викам јас дека сум читал на форуми или на други глупости, али тој рече ко демек "сте читале на форуми и слични места и мислите дека знаете", а ми праќа линкови од википедиа, отиди после и ти можеш да напишеш уште нешто во врска со која и да сакаш тема на википедиа и да корегираш. А другите извори кои ги ставил нема да ги коментирам, зошто незнам колкава е нивната веродостојност, меѓутоа сите интернет страни имаат комплетна слобода во тоа што ќе го издадат, така да и на тоа неможе комплетно да се потпреме.
И друго, да не испаднам дека сум ко и секој политичар и гледам да се извадам од секоја ситуација само за да испаднам дека не сум бил во криво, само ќе кажам дека не реков нигде со сигурност дека хемотерапијата е бесполезна и не треба никој да ја користи, се што кажав имаше префикс, "МИСЛАМ", а вие излеговте со малце контрадикторна изјава дека на вакви теми "не треба да се мисли зошто можело луѓето да се наведат на погрешни работи" од една страна и друга викате, "вие сте во голема заблуда зошто знаењето ви е исцрпено од форуми", сега ако гледаме така и знаењето не треба да се базира на форуми во кои сите пишуваат, зошто некој би се потпрел на нашето мислење тука и би бил наведен на погрешни чекори.
И последно, убавиот збор железни врати отвара, доколку малце подобро се обидевте да покажете дека мислите дека некој греши, зошто никој од нас не е нели доктор специјалист кој е најкомпетентен на ова тема, и не настапевте со типот "вие сте во тотална заблуда", зошто малце е дрско некој да ти кажува какви се работите, а да не е некој кој е ептен компетентен на таа тема, тогаш немаше толку да се натегаме.

 

Bender,
Јас немам намера да се контрирам со тебе цело време, и стварно незнам како на се ти наоѓаш незнам си каков одговор.
Ама еве, ми привлече внимание со твојов последен одговор .
Ова што го пиша:

-во средина без кислород живеат анаеробни бактерии, повели прочитај:
https://en.wikipedia.org/wiki/Anaerobic_organism

Да, ама амигдалинот се внесува и преку храната т.е по природен пат и стварно незнам што сакаш да докажеш со ова??????????????????

Па нормално дека може, ама сегде можеш да прочиташ колку е препорачана дневна доза. И како опишуваш ти сега, демек само од амигдалин се умира. Бог да чува. На кој му треба има начин да најде колку треба да конзумира. Веќе имам чуство дека сите ги третираш ко идиоти што незнаат да прашаат или да се информираат за тоа што им треба.

Ете така, убаво си пиша тука.
Само прочита ли негде КОЛКУ ШТЕТНИ ПОСЛЕДИЦИ ХЕМОТЕРАПИЈАТА ИМА ВРЗ ОРГАНИЗМОТ? Или и ова не е научно докажано?
Научно докажано е дека некој умрел од сода бикарбона? Дај ти се молам.
Луѓе со години ја пијат и еве никој не умре до сега од неа.

За тебе Велков, Бројс итн. не се доволно добри, а овие докториве што секој заболен го праќаат на хемотерапија без разлика дали ќе можат да ја издржат луѓето или не, се супер за тебе.
Значи јас кога бев кај онкологот, тој ми рече ракот се суши ама не кажа дека телото нема да ја издржи хемотерапијата.
Каков е тој доктор што ги праќа пациентите во смрт?
Па сеа кажи ми ти што добив јас што ракот почнал да се суши а сите органи откажаа? Да повторам, ОД ХЕМОТЕРАПИЈАТА.

И немораш за се да бараш научно докажување (може 200 пати го прочитав ова кај тебе).
Ниту јас, ниту ти, незнаеме дали е научно докажано дека алтернативната медицина е успешна против ракот ок? Можеби е докажано ама не е пуштено во јавност, пак со цел да се продаваат тие поскапи неефективни лекови.

 

@Sawyer, сакав ова да го пишам, ама некој ме претркал:

Прво, да те корегирам - на Википедија не може секој да пишува што сака, особено не за општопознати и научни теми. Пробај, зачлени се и корегирај дека храната е лек за рак на темата Cancer на Википедија, да те видам. Се селектираат членовите кои пишуваат, врз основа на своите познавања, бројот на мислења, корекции на други теми и сл. На некои позабутани теми е поинаку. Но, затоа на крајот од секоја тема на Википедија имаш нешто што се вика references - и по тоа можеш да заклучиш колку е релевантно нешто. Ако има повеќе од 100 цитати, од кои 99% се научни трудови, книги и истражувања, можеш да бидеш сигурен дека тоа што го читаш е точно. А многу од референците се со директни линкови до изворите, па можеш и директно да се увериш.

Еве, ја ќе ти ги искоментирам:

http://www.cancer.gov/about-cancer/what-is-cancer Ова е националниот институт за рак на САД
http://www.cancer.org/research/cancerfactsstatistics/index Ова е Американското здружение за канцер
http://scienceblog.cancerresearchuk...the-hype-10-persistent-cancer-myths-debunked/ Ова е Институт за истражување на канцер на Велика Британија

Оставам на тебе да оцениш дали се релевантни или не.

Реков и стојам на тоа - кога се работи со факти и докази, простор за лично мислење и став - нема!

Ова твоево е барање влакно у јајце. Инаку, да те потсетам што сум пишал во првото мое мислење:
Инаку, прво, во човековиот организам нема средина без кислород, а второ, ништо не може да живее во средина без кислород - со исклучок на, можеби, некои вируси и бактерии кои формираат спори, но тие не живеат, туку само опстујуваат во еден вид хибернација.

И те молам, просветли ме - дали туморите се анаеробни бактерии или човековиот организам средина без кислород, за да разберам како е твојов цитат релевантен у дискусијава? Или можеби сакаше да ми покажеш колку не знам?

Човековиот организам нема никаква потреба од внес на амигдалин. Башка, не е витамин. Сакав да кажам дека тие што пишуваат за ова немаат благе везе ни што се витамини, ни што е амигдалин.

Нема препорачана дневна доза за амигдалин, бидејќи воопшто не е потребен за функционирање на човековиот организам.

Види, ја не реков дека единствениот избор е или квази-надри-лекар од типот на Велков или некое уобразено говедо од Државна. Однесувањето и знаењето на некои наши доктори е запрепастувачко, но тоа е веќе тема на друга дискусија. Но, тоа што тебе ти се погодил никаков лекар, не значи дека хемотерапијата не функционира. Далеку од најдобро и совршено решение е, но во некои случаи е неопходна, а тогаш - таа е најдобриот (и единствениот) избор. Инаку, најдобар третман за ракот сеуште е хируршкото отстранување.

За научни теми, морам и ќе барам научно објаснување. Јас знам дека не е научно докажано дека било која алтернативна терапија за рак функционира. Да беше, ќе беше дел од стандардната медицинска терапија - операција, радијација, хемотерапија и ќе беше плус и „витамин“ B17. Ама не е.

Да не почнуваме со теории на заговори сеа - дека некој го крие лекот за да продава фармацевтски терапии. Ако се открие лек за некој од облиците на ракот, тоа нема да може да се скрие. А иначе, мене ми е поверојатно дека алтернативната терапија е теорија на заговор - за да може некој да ти продава нешто што во суштина е цијанид, т.е. екстракт од семки од овошје, по баснословни цени и да се богати на твоето незнаење и лажната надеж која ти ја влеал некојси форум или квази-стручњак.

 

Ама ти се знаеш изгледа?

Еве пак ти си знаеш се, па дури и лекарот сега.
А да те прашам, сите вакви случаи што починале од јака хемотерапија кај истиов доктор се погодиле или?

Го имаш видено ова?
http://www.eden.com.mk/health/224-chemotherapy-deception.html

Јас го видов секој симптом напишан тука.

Еве уште еден пример да ти кажам,
Друг член од моја фамилија имаше рак, со операција и цитостатици се отстрани ракот, по 4-5 години се врати. Па следуваше втора операција, и после опоравувањето сменивме начин на исхрана и еве ден денешен живи и здрави сме. Жалам што неможам научно да го докажам ова.

Оваа цена ја платив поевтино од цената на 1 хемотерапија ок?
Ама и ова неможам научно да го докажам, па гарант не е прифатливо за тебе.

А ова научно е докажано или? Зошто цел свет пишува за ова, али батали ги врска нема никој од нив.
Ова личи на Bender против светот.

Баш напротив, лично мислење и став секогаш треба да се добредојдени (како на пример тие глупи форуми), а не мора да бидат прифатени.

Е ај и да те просветлам остана,
-туморите нормално не се анаеробни бактерии, но освен што опстојуваат тие и му штетат на организмот и можат да придонесат до потешки заболувања.
И ова неможам научно да го докажам ама имав проблем со анаеробни бактерии (почнав да гнојам) и морав да се оперирам. Докторот ми кажа среќа што се увиде што е, бидејќи тие бактерии можат да направат сериозни проблеми а не често се откриваат. Значи не само што опстојуваат туку и му штетат на организмот ок?

Ме чуди една работа кај тебе:
Во постовите погоре пишав неколку примери дека знам луѓе кои се излекувале успешно од рак без хемотерапија и операција, само со алтернативна медицина.
И ова е неприфатливо за тебе? Ништо не искоментира само зошто е спротивно на научните докажувања и факти или?

И пак ке повторам, секој со своите одлуки во животот. Јас веќе ги знам твоите, а ти ги знаеш моите.
Никој немора да земе предвид ничие размислување, секој си формира свое.
Сметам дека е ок човек да се информира од сите извори.

 

Не се, нормално, ама изгледа доста повеќе од тебе.

Тие што починале од хемотерапија секако ќе починеле од ракот, дури и да не биле третирани со хемотерапија. Знаеш ли ти на колку луѓе им го продолжила животот?
https://www.sciencebasedmedicine.org/chemotherapy-doesnt-work-not-so-fast-a-lesson-from-history/

Извориве што ги бираш ти се...

И ти, после 2 операции и примање цитостатици, плус промена на исхрана, заклучи дека се ова се должи само на исхраната?

Да, затоа што не функционира. Има неброени документирани студии за штетноста на амигдалинот:
http://www.cancer.gov/about-cancer/treatment/cam/hp/laetrile-pdq#section/_1
http://www.nejm.org/doi/full/10.1056/NEJM198201283060403
http://www.cancerresearchuk.org/abo.../complementary-alternative/therapies/laetrile

Изгледа живееме во различни светови. Во мојот свет, научно е докажано и е факт дека на луѓето не има треба амигдалин во ниедна доза:
http://www.drweil.com/drw/u/QAA400624/Do-You-Need-Vitamin-B17.html

Ние не се разбираме или не може да се разбереме. За нешто што е научно докажано, научна вистина или факт не може да се има сопствено и лично мислење.

Ако е као примерот кој го наведе погоре, не е. Операција, заедно со радијација и/или хемотерапија плус здрава храна или „B17“ или опаш од љиљак за мене не е доказ дека опашката била клучна у лекувањето. Инаку, постојат и документирани случаи кога ракот спонтано влегол во ремисија, без никаков третман. Или можеби Господ е одговорен во ваквите случаеви?

И јас исто, ама некако не ми личи дека ти се информираш од сите извори, туку само од оние кои се поклопуваат со твоето (погрешно и неосновано) мислење. Ако сметаш дека е ОК, ете во моите постови има доста релевантни линкови и референци, па повели, информирај се.

Е, ај и ја да те допросветлам тогаш, Не можеш да споредуваш анаеробна бактерија со (аеробна) човечка клетка - макар и да е туморна. На сите клетки во човекиот организам (да, и на туморите) им е потребен кислород за да растат и се размножуваат.

 

Жалам Bender,
Некако си ми ко со главата у зид цело време.
Тоа па тоа се повторува. Измеша и Господ и чуда сеа и се нешто навредуваш .
Очигледно твојот став не се менува, исто и мојот.
Немам и несакам повеќе ништо да додадам во врска со твоето напишано.
Фала за учеството во темата, и покрај се го почитувам твоето мислење ако е спротивно од моето.
Сега оставам простор и други да пишуваат доколку имаат нешто, а не да гледаат само контрирање наше и надмудрувања.

 

Барем за нешто се сложуваме - ред е некој друг да пише нешто во темава.

 

Јас мислам после дискусииве нема никој да пише, зошто темава доби пресериозни размери, а знаеме форумот е место каде што ни треба опуштање

 

За тежината на оваа болест најдобро знаат тие што се соочиле со неа.здравата храна е значаен фактор но не може да го излечи ракот.го подобрува само имунитетот за човек полесно да се справи со болеста.
за сега хемотерапијата е единствен излез колку и да е штетна.
ќе кажам само дека се зависи од човек.од неговиот имунитет колку е способен да се избори со болеста.
некој луѓе умираат затоа што не можат да ја поднесат хемотерапијата,на други пак им помага.се е индивидуално.
мое мислење хемотерапијата во склоп со здравата храна колку толку можат да помогнат затоа што за сега ова е единствениот начин на справување со болеста.
важен фактор е и видот на ракот во која стадија е и кога е откриен.

 

Хемотерапијата спречува создавање на нови клетки. Така спречува ширење на ракот, но во исто време уништува и здрави клетки. Поради тоа организмот слабее и станува поскон на инфекции.

Здравата исхрана секако има важна улога во одржувањето на здравјето и секој треба да ја применува, но се сложувам со оние кои рекоа дека таа не е лек за ракот. Можеби е фактор за дали ќе добиете рак, но има уште многу други фактори кои влијаат на тоа.

Ниту едно не е идеално решение, но јас лично би избрала хемотерапија затоа што ми има повеќе логика.

За учењата на Слаѓана Велков немам што да речам... Се снашла жената, неук народ нашла и пари си праи...

Пред да почнам да го пишам мислењево, размислував дали да го напишам ова или не. Сакам да ви кажам дека сум се излекувала од рак со пиење само на света вода и јадење само лисја од магдонос со маслиново масло 6 пати на ден во точно определено време.

Спојлер: Отвори, ако имаш храброст

Лага е, ама сакав да ви покажам колку е неразумно да се потпираш на мислење од форум.

На форум се може да не напише. Информациите здобиени тука не се многу доверливи.

 

Секогаш стојам зад медицината, освен кога станува збор за хемотерапија. Не познавам никој кој се излечил со истата, штетна е за организмот, исто како и цитостатиците. Ракот ја победува медицината. Не дај Боже некогаш да дознаам дека имам, само канабис.

 

Кога човек ќе се соочи со ваква болест нормално се препушта на лекарите. И покрај тоа што знаеме колку е тешка хемотерапијата сепак скоро сите подлегнуваат на истата, затоа што за жал неможеме многу да се потпреме на алтернативната медицина... Јас претпочитам да послушам доктор, не би ризикувала... Едноставно колку и да е штетна единствена надеж е за жал...
Интернетот е полн со алтернативни решенија, сода, вар, канабис, кубанска вакцина, ваква вакцина, оваа билка го убива ракот и слично... Ништо не е научно докажано, може само да се обидуваме, односно да ризикуваме, да губиме време... Незнам дали некој би ризикувал да не послуша лекар туку на своја иницијатива дапочне да се лечи со алтернативна медицина.

Конкретно од искуство на блиска личност која имаше рак на дојка, се оперираше, радиотерапија + хемотерапија помина и веќе 5 години е во одлична здравствена состојба. И падна косата да, изгледаше страшно но со исхрана и суплименти се подигна.

Татко ми се оперираше пред 8 месеци од рак на дебело црево, сега ги заврши хемотерапиите кои беа 6, а помина и зрачење еден месец. Фала му на Бога добро изгледа, ни коса, ни заби, ни ништо му нема паднато, изгледа скоро исто како и претходно само што е подослабен. Фала му на Бога добро ги издржа терапиите, цитостатици ќе пие уште една недела и готово со тие отрови. Се одржа така добро благодарение на јаки суплименти кои ги елиминираат негативните ефекти од хемотерапијата и зрачењето и ги обновуваат клетките, исхраната е комплетно сменета и пие напитоци за детоксикација на организмот.
Борбата продолжува.

Кога веќе се подлегнува на хемотерапијата терба јаки суплименти за да се одржува имунитетот и да се стимулира обновување на организмот...