Хомофобија и трансфобија

За болдираното, зошто?
Зошто да игнорираш на пример трансродови лица? Мислиш дека нема да имате заеднички теми на муабет, мислиш дека немаат доволно капацитет да те сфатат, дека имаат некаква пречка или дека тебе ќе те убедуваат дека и ти треба да си смениш пол? Што е тоа што те тера да ги игнорираш?

Ништо не би направил да се спречи, но излегуваш на контра парада.

Што значи контра парада? Парада против нешто, против некоја првично организирана парада.
Зошто инаку да се организира таа поддршка и за традиционалните семејства во исто време со ЛГБТИ парадата? Зошто да организираат парада? Кои права им се ускратени? Дали се вршела некогаш обструкција на нивното право за брак на пример?
Одговори си ги овие прашања и можеби ќе ја сфатиш вистинската цел и замисла зад контра парадата.

Првин морам да те прашам на какви виши политики мислиш? Дека некој со сила им налага на луѓето да менуваат пол или дека со сила им налага да се заљубуваат и сексуално да ги привлекува истиот пол?
Ако мислиш дека е така, не воопшто не е.

Друго, ти значи се залагаш за оформување семејство и зголемување на наталитетот.
Супер. Тоа право тебе никој не ти го ускратува. Најди си партнерка спроти себе, со истите желби за деца како тебе и можете да имате и четири деца штом толку сте загрижени.
Но во никој случај не можеш да налагаш некој да го прави истото како и тебе. Не заборавај дека немаш таква моќ да одлучуваш за туѓи животи и туѓа иднина.
За оние од ЛГБТИ заедницата тие ќе си одлучат што е најдобро за нив.
Колку многу деца чекаат да бидат посвоени, колку многу деца се оставени од токму такви лица кои ти ги сметаш за нормални (стрејт лица), колку многу деца би биле среќни да растат во едно хармонично семејство покрај две истополови индивидуи наместо во едно дисхармонично семејство покрај две различно полови лица.
Нема правило за тоа кој може да не направи среќни Кијану. А земање на преголемо право е обидот за попречување на туѓата љубов со една контра парада без никаква основа и логика во истата.

Како може да не ги поддржуваш кога истите се борат против хомофобите?
Ова навистина не можам да го разберам.

 

Мислење на ниво, тоа се бара.
Може утре да продолжиме? Дел по дел, само со тебе. Без огромни текстови.

 

Малку ќе ја однесам темата во друга насока, да продискутираме еден друг аспект.

Пред се, сметам дека апсолутно на геј и трансродови лице треба да им биде загарантирана безбедноста и спречена дискриминацијата на работното место. Треба да ги имаат сите услови за пристоен живот како и било кој стрејт човек.

Немам ништо против геј или трансродови лица. Напротив, познавам и професионално соработувам со неколку такви лица со кои имам одлична соработка и комуникација. И нивниот стил на живот искрено не ме интересира, бидејќи е надвор од нашата соработка.

Меѓутоа, бидејќи ме интересира психологија, особено развојна (детска) психологија, сметам дека се наметнува потенцијално опасен тренд на воспитување на деца како полово неутрални. Кај нас веројатно не уште, но од тоа што гледам, во странство многу се форсира. Оттаму, деца на 4-5 години кои пројавуваат трансродови тенденции почнуваат да транзитираат уште тогаш. Можете да замислите кои се психо-физичките последици на дете кое не е уште секундарно полово оформено. Статистиките се катастрофални за лица кои рано почнале да транзитираат кон другот пол. Голем е процентот на оние кои во текот на животот сфаќаат дека веќе не се чувствуваат како променетиот пол.

Мислам дека сосема погрешно се гледа на полот како социолошка, а не биолошка категорија. Полот е неприкосновено биолошка категорија. И не се сведува само на полов орган, туку и на комплекс на физиолошки процеси и хормони. На тој начин, сепак има одреден лимит на тоа што би требало да биде дозволено, а што не. Сметам дека нема основа да се почне со хормонална и психолошка терапија за дете кое денес дошло од градинка и рекол ама јас сакам да сум момче/девојче, кога децата на таа возраст немаат ни јасно дефинирана претстава за пол. Дури и ако зборуваме за тинејџерски години, најголем дел од истражувањата покажуваат дека хормоналната терапија може да направи штета на психо-физичкиот развој.

Затоа мислам дека сепак се потребни одредени "правила" за тоа што е дозволено за малолетни лица. Други мислења?

 

Како либерална личност која е сосема и против трансфобија како и хомофобија, со ова сепак се согласувам потполно.


Апсолутно да за на децата во претшколска и рана школска возраст да им се дозволува љубопитно и безгрижно да се запознаат и играат со сѐ што самите ќе посакаат, а според традиционалните норми е „несоодветно“ за нивниот пол (на пример - девојчиња кои сакаат да си играат само со коли, се интересираат за типично „машки“ спортови, се чувствуваат удобно во машка облека; или момче кое сака шминка, лакирани нокти, па дури и женска облека). Но, не за автоматско прогласување на тие деца за трансродови поради таа детска љубопитност и експериментирање, уште повеќе за налагање да се подложат на медицинска терапија на таа премала возраст.
Впрочем, прогласувањето на едно дете дека по дифолт припаѓа на спротивниот пол поради интерес за облека, играчки и области типични за спротивниот пол, е и малку противречно на самата борба против родовите стереотипи.
Затоа, за хормонски третмани и конечно операција за промена на пол (кои секако поддржувам да бидат достапни како дел од секој здравствен систем), се слагам дека треба да има возрасна граница одредена од стручни и објективни психијатри, кои претходно ќе проценат родова дисфорија кај личноста.


А и надвор од ова најчувствителното со децата, кој малце се задлабочил, знае дека специфично транс активизмот има свои радикални индивидуи со навистина ниска толеранција кон било каква дебата и истражување на некоја реално дискутабилна проблематика од која се засегнати. Со guilt by association, "cancelling" и на луѓе што се пријатели со некој што рекол нешто *проблематично*, дури и кога се работи за искрени allies со претходна историја на растурање хомофоби и трансфоби со нивните религиозни/политички аргументи за bigotry. Неодамна налетав на таква јутјуб драма, имаше озбилно нефер и вознемирувачки булинг на јутјуберка која имам спомнато дека ја обожавам, сѐ тоа околу видео за прашањето за транс луѓе во спортот од друг јутјубер што ѝ е пријател (да не навлагам повеќе)...
Друга дебата што повремено се разгорува е за луѓе кои исклучиво не би биле во врска (никаква друга дискриминација) со транс лице заради лична сексуална преференција на гениталии, и тоа од некои се смета за трансфобија. Mind you, тука спаѓаат и геј луѓе кои не би биле со транс маж, и лезбејки кои не би биле со транс жена (некои дури и со трауми од обиди за преобраќање со половиот орган од спротивниот пол). Овој притисок исто така сметам дека не е во ред кон никого, и личните преференци не може да бидат „фобични“.

За среќа, во овие ситуации сум видела многу повеќе луѓе во самата ЛГБТ заедница, па и меѓу самите транс луѓе - кои се глас на разумот и се спротивставуваат на овие радикалности, апелирајќи да не се земаат такви примери како репрезентација за нивното мислење. И затоа треба да се разграничи сето ова од трансфобија, а и да не се дозволи овие работи да бидат слика за транс луѓето воопшто.

 

Многу мразам кога ке сретнам некој да шири омраза и да спушта некого за сам да се издигне такви личности ми се бљак сите сме исти и имаме право на избор. Религијата е една главна пречка за луѓето да станат хомофоби и да делат машко и женско некого да возвишуваат а некого да спуштаат за жал луѓето ја многу погрешно сваќаат религијата баш како што нив им одговара... Мислам дека хомофоби се највеке религиозно и тоа болно религиозни луѓе што уште мислат дека жената е направена од ребро и дека украла јаболко и според тоа се водат цел живот и имаат предрасуди мислам ај кју 20 и што кажуваат некој нивен лажен морал. (Неам ништо против за религијата и религиозните луѓе и јас колку толку верувам ама тоа е да ширеш љубов а не омраза кој каков е дали е педер или е обратен...)

Нека не ти биде фокусот цел живот во пи.... дали тој човек што имал доле мисли за него според степенот на интелигенција, почитта што ти ја дава и др а не цел живот размислувате со долната глава,,

 

Ако де, игонрирај ги..
И јас игнорирам луѓе кои не ми се допаѓаат, а ме викаат на кафе.

Јас сум мајка, и бискескуалка, и бев на геј парадата.
И сеа?
Ако си би или геј, или транс, не значи дека си стерилен.. Може да имаш деца.

Иначе.. бројот на ЛГБТ популацијата, не е сменат откако се води таквата евиденција..
Односно, 5%-10% од светската популација припаѓа на таа заедница.

А порано повеќе се женеле/мажеле, не оти помалку имало геј луѓе, туку оти повеќе се криеле..
Дада да ти кажи.. Сеуште си се плескаат со партнери од ист пол.. и сеуште си се геј.. само што браковите и децата им се параван.

 

Здраво @Purplelilac, може дискусија но дел по дел, коментарот од синоќа е премногу за да вадиме делови од него.

 

@Keanu_R.Wick

Океј, еве ќе ти поставам три клучни прашања.
Ќе го изоставам делот зошто не би се дружел со ЛГБТ лица. Небитно, ете не мораш да контактираш ако не сакаш.

Прво, зошто мислиш дека контра парадата беше организирана истовремено со лгбт парадата?

Второ, дали мислиш дека има логика некој да излегува на парада кога не е лишен од ниту едно право (ниту исмеван и психички малтретиран поради еден личен избор), а особено не од правото да избира самиот што ќе прави со сопственото тело?

Трето, дали имаш друга идеја како да се победат хомофобијата и трансфобијата кај мнозинството освен да се говори гласно против истите? Како лгбт да не бидат тепани, омаловажувани, исмевани, покажувани со прст само и единствено затоа што направиле еден избор во животот кој не ги засега другите, а сепак се казнувани поради истиот?

 

https://news.sky.com/story/hundreds...eking-help-to-return-to-original-sex-11827740

Имаш куп приказни од млади луѓе, најмногу млади жени, кои почнале транзиција и сфатиле дека тоа не е решението. Ако сакаш линкови и извори за читање и гледање - кажи (знам дека не сакаш) Хормони овие жени успеале да земат за еден ден, во клиники кои се бават со тоа. За само еден ден!!!! Одиш, викаш ми требаат хормони, јас сум дисфорична и ги добиваш.
Го потценуваш капитализмот и желбата за профит на фармакоиндустријата.
Плус, сега веќе и научно е докажано дека puberty blockers не дозволуваат правилно развивање на мозокот.

 

1-Почнувам да се плашам од свое мислење мислам дека беше организирана за да се потисне обидот за охрабрување на "скриените" геј и лезбо луѓе;

2-Има логика, во случајот, алибито беше "имам деца и семејство и се гордеам што не сум геј (претпоставувам дека некоја мала бројка и во нив има со хормонален дисбаланс)". Исто претпоставувам дека следно од хетеро семејствата е слична стратегија како лгбт, а тоа е "мој живот мој избор" и такви појави;

3-Имам многу едноставна идеја. Да замислиме само колку доктор(к)и, пожарникар(к)и, полицајци/ки и останати службеници, помогнале на еден или повеќе луѓе во разни ситуации. Потоа, иноватори, хуманитарци, па и научници, кои би се изјасниле дека припаѓаат на лгбт, би се намалила опасноста од насилство, во рок од денови, не месеци.
На пример, кардиолог кој спасил над петстотини луѓе, или, пожарникар/ка кој/а спасил/а над сто куќи и семејства, ако се изјаснат што се и во каков свет сакаат да живеат во иднина, а припаѓаат на лгбт, многу работи ќе се сменат. Само едно ќе остане: нијанси на неподрршка од страна на стрејт населението. Најголемата грешка според мене кај лгбт популацијата е кога ќе се додворуваат на стрејт популација.
Сепак, јас стојам зад тоа "дај придонес - твојот избор си е твој" кон општеството, со што мислам дека е првиот доказ дека не сум хомофоб. Што побогу, ако сум во животна опасност и спасувачите се припадници на лгбт, би ги спречил да ме спасат?
Сѐ е во рацете на учените, од нив зависи остатокот од граѓаните.

 

Ама ова се случува, не се хорор приказни, ни па тоа ми беше намерата да плашам некого. Сега се случува. Конкретно последно во Канада. И отиде дотаму да се размислува за одземање на родителски права на родители кои нема да почнат психо терапија во најмала рака кај деца кои покажуваат дисфорија, што сметам дека е претерано.
Но сфаќам зошто ти звучи како хорор филм Не е пријатно во најмала рака.

 

Транзицијата не ја намалува самоубиственоста кај трансрофовите лица. И за тоа имам истражувања да ти пратам, ама ти сама се изјасни дека не те интересира читање и дека радо би си останала во твојот затворен свет. Затоа тука завршувам било каква дискусија со тебе.
Ако сакаш да дискутираш за нешто, потребно е да ги знаеш и познаваш и двете страни на дискусијата, а не да се симнуваш на ниво на култист.
Јасно ти е дека твоето однесување не е ништо поразлично од она на Евангелос и екстра индоктринираните религиозни потролчиња на форумот?
Која ароганција, човече.

 

Би рекла дека овие настани се само последица откако либералната влада на Justin Trudeau во 2016 година го донесе Bill C-16, а истиот и помина in the House of Commons, и истиот додава родово изразување и идентитет како заштитена основа на Канадскиот закон за човекови права, како и одредбите на Кривичниот законик кои се однесуваат на пропаганда на омраза, поттикнување на геноцид и отежнувачки фактори при изрекувањето на казната.

Резимето на овој предлог-закон има една цел, а тоа е да ги заштити поединците од дискриминација во сферата на сојузната јурисдикција и да бидат цели на пропаганда на омраза, како последица на нивниот родов идентитет или нивниот родов израз.

Поради ова, при еден случај, Канадски судија дозволи да се преземаат вакви интервенции и покрај тоа што таткото на 14-годишното дете се спротиставуваше на ова. Следствено на ова, не ми се допаѓа многу тоа што од истиот судија било одлучено дека ако на детето му се обратиш со погрешната заменка, истото ќе се смета за child abuse според одредбите во Семејно Право, што ми звучи малку екстремно.

https://www.nationalreview.com/corner/canadian-judge-strips-transgender-childs-parents-of-rights/

Многу Канадски државјани ова го сметаат како форма на нарушување на слобода на говор, бидејќи се плашат да не бидат кривично гонети во сопствената држава, а и самите можете да претпоставите колку високи се трошоците за судски постапки, дури и според Канадски стандарди.

Особено во стејтот каде што живеам, по донесувањето на Bill C-16 сум забележала колку само е пораснат бројот на психолози кои нудат Transgender Therapy and Counseling.

 

Мислам дека црно-бели ги гледаш нештата. Јас лично мислам дека е покомплексно од тоа. Има начин да се биде од поддршка за децата ии адолесцентите, без тие да почнуваат со конкретен процес на транзитирање, особено во млада возраст, додека не бидат сосема сигурни дека тоа е тоа што го сакаат. Добро ти пишаа погоре, истражувањата покажуваат дека самата транзиција не е директно поврзана со стапката на самоубиства, за жал.

Па и не е далеку од вистината. Ми се случило професионално да се запознам со транс лице за кое не беше очигледно физички дали е маж или жена. Името со кое се претстави беше unisex.
И искрено не знаев како да се обратам, особено што требаше да искористам his/her дури зборував. Како би знаела јас како ќе бидам сфатена? Не велам дека имав проблем со конкретната личност, ниту имам до ден денес, но се надевам ми ја сфаќате поентата.

 

@Briar Rose дап, и цела Канада е лута на Трудо затоа што не направи ништо за никого освен фамозниот Bill C-16, а и да не зборувам за blackface скандалот што го стресе во средина на кампања.

 

Не ги прочитав сите мислења до крај , ќе ги, но не знам за какво одржување на наталитет збори Киану. Планетата Земја нема проблем со наталитет или морталитет или морбидитет на луге, има со ресурси.
Зашо би раѓала 2,1 деца во хетеро брак кога не сакам? И геевите се излезени од такви врски , и не , не се отпадок.
А му се грози кафе дека мисли дека ќе го стартуваат и дека ќе му се допадне.
Нај нај нај хомофобните деснокрилни политичари се геј ин дизгајс често, или обожаватели на проститутки или дефинитивно имаат таен живот контра од прокламираниот. Хомофобите се плашат дека хомосексуалноста е заразна.
За трансформација на транс деца не сум сигурна за мојот став, иако во друга тема пишав 2 примери на мајки со транс деца. И двете не го избрале тоа за нивните деца, но ги прифатиле и им се поткрепа. Тоа е вистинска мајка. Не мајка шо ќе мафта со господ, кој не постои ама и да постоеше баш ќе го бригаше дали Чарли сака да носи фустани оти да му беше гајле, ке го направеше Чарли да не сака фустани или со гром ќе го спржеше.
Не сум хомофоб, сум глупакофоб. Оти глупи луге се поголем проблем за светот од неколку проценти транс и хомо кои се исто толку проблем колку и ние хетеро или би. Стварно, ама стварно сум среќна што не живеам веќе во мк, каде Стојна наставничката ќе диктира што е пожелно и кого треба да бесиме. Фуј простото која треба да едуцира...