Црна хроника

Државата не им е виновна за ништо. Најлесно е така, вината да се префрли на друг. Ако јас утре немам никакви услови за живот, за тоа виновна ќе сум само јас, што не сум направила ништо за себе. Работа има, за тие што сакаат да работат и да живеат барем пристоен живот. Работоспособни луѓе, тројца, и пак ништо од нив. Епа не е до државата. Животот е борба и се граба од животот, од небо не паѓа ништо.

 

Се сеќавате на случајот од скоро, еден татко бараше помош во фб групите и на телевизија... Бебето беше изгладнето, немале услови за да го прехранат... Собираа луѓе донации, реагираше и државата и му најдоа работа, која на господинот не му одговараше, на крај испадна дека целта му е само да собере пари преку кутрото дете
Е и со овие не верувам дека е нешто поинаку
Најлесно е друг да обвиниш за своите грешки

 

Да, и јас истотот го помислив. Кукаа зошто куќата што ја граделе 4 години им изгорела.
Обвинуваа дека пожарот им е подметнат.
Чудни суштетства...

 

Државата не им е крива што они дома оставиле деца од 1, 2 и 4 год. сами .

 

Јас се запрепастив кога ги видов родителите на тв. Човече, три деца им иозгореле а они мирно стојат и даваат интервју. Значи и овој господ не знае што прави, дава деца таму каде што не треба а не дава таму каде што треба. Или ние сме премногу глупи па неможеме да го разбереме или очигледно и тој не е безгрешен. Потоа следен прилог, исто една се жали дека немала услови бара помош, околу неа куп деца и стомак до заби. Па добро мајку му стара, како неможат да се фатат за работа а можат да се сексаат.
Искрено жал ми е за децата кои живеат во ужасни услови ни криви ни должни, не џабе рекле, пријатели можеш да бираш ама родители не.

 

Крива е државата, т.е. социјалните служби што дозволиле децата да живејат во такви услови. Да имавме нормален систем дечињата ќе живееја во дом, а не во една соба без струја и вода на рид.

 

Тоа е друга тема. Никој друг не им е крив што тројца возрасни заедно отишле на продавница, а оставиле 2 мали деца дома сами.

 

Најмалото немало ни една полна годинка, изроди од луѓе.
Во друга држава да беа до сега во затвор ќе беа, немаше да кукаат за куќата по Тв.

 

Несовесен родител како што може од пети да ме извади ништо на светов не може! Абе после некој ќе рече сурово е да се забрани секој да има дете ама не може бе секој дете да има алооо не можее тоа право да го имаш без да поминеш психолошки тест за здраворазумна личност и додека не си финансиски незавсисна личност не ти давам дете да имаш бее!!! Како бе нема ваков закон?!
Многу жално за дечињата..

 

Родителите на трите дечиња кои вчера изгореа во страотен пожар во нивниот дом во Велес, уште минатата година се обратиле до Центарот за социјална работа во Велес и побарале кров над главата. Таткото поднел барање до комисијата за станбени прашања минатата година, но наводно биле одбиени бидејќи тој имал имот од неговата мајка, јавува Фокус.

Азиза Буши, директорка на Центарот за социјални работи Велес, потврдила дека семејството имало проблем со сместувањето.

– Уште лани родителите бараа помош од нас, бидејќи сакаа да се преселат од тогашното живеалиште во социјален стан. Ни кажаа дека имале проблеми со поранешниот сопруг на Марина. Ние им доделивме еднократна парична помош, а тие користат социјална помош од некаде кон крајот на минатата година. Информирани сме дека поднеле барање до комисијата за станбени прашања, но таткото ни кажа дека биле одбиени оти имал некој наследен имот од неговата мајка која е почината. Им понудивме помош во храна, во народната кујна, но одбија, ни кажаа дека сакаат единствено кров над главата, раскажaлa Буши.

 

Сега треба да добијат кров над глава. Во затвор. Жално и тажно но некој треба да одговара за хороров.

 

Службите требало да им ги одземат тие деца, ете за тоа им се криви.
Јас како што мразам бесчувствителност, се згрозив уште повеќе кога го видов видеото. Па нормални луѓе после обичен грабеж изгледаат попотресено од „татково“! А има ли поголема трагедија од вакво нешто?
Само и само децата се жртви и ми е премногу жал само за нив А родителиве си ги убиле, дали од несовесност или се такви монструми за намерно да ги затворат - тоа МВР треба да истражи, а не Царовска.

 

Не може да им бидат одземени децата, само поради тоа што се сиромашни. Не претерувајте.
Деца се одземаат доколку се запоставени или малтретирани, а не оти родителите немале пари.

И мора да почекаме МВР и обвинителството, да ја завршат истрагата.
Глупаво е вака да судиме без увид во доказите, ако воопшто има доказ за кривично дело.
Секој е невин, додека не се докаже спротивното - тоа е основа на правниот систем.

 

Не мора намерно да е за да одговараат. Нека е и од немарност, криви се. Камо сами да си пресудат, вид морална оставка од функцијата -родител?

 

Абе не сме ние ни полиција, ни обвинителство, ни судии, ни џелати.
Оставете институциите да си ја вршат работата.

 

Штом при тројца возрасни оставиле едногодишно бебе со двегодишно и четиригодишно дете не тешко да се помисли дека децата можеби биле запоставувани.

Не можат да се одземат деца поради сиромаштија, ама можат поради пречки во развојот, неухранетост, запоставеност.
Не знам искрено, постојат социолози, педагози, психолози, педијатри што треба да го следат развојот на сите деца, особено на ранливите случаи и да интервенираат ако има потреба.

Не мора одма да се земаат децата, доволно е да се почне со опомена и нудење советувалиште и помош. Ете општината им понудила храна во народна кујна. Имаат предност за стипендии и за факултет. Можеби нема многу но сепак постојат програми за загрозени семејства.

Можеби сум грешка, можеби родителите добро ги одгледувале децата и немало потреба од мешање на државата. Но знаејќи како функционира државава, не ми е верно.

Сега веќе е касно за дечињата, но не е касно службите да се освестат и да реагираат за многуте деца што живеат гладни, на улица, во насилни семејства и слично.

 

Вајлдке, јас сум и за тоа дека не се раѓаат и растат четири деца во ваква дупка. Не ги оправдувам таквите родители и секогаш најмногу ми е жал за децата во такви семејства.
Се согласувам, не се одземаат деца поради ова, но тука очигледно не била само сиромаштијата. Можеби далеку од сјајно ќе им било и во некој дом за згрижување, ама ќе се избегнела ваква трагедија...
И да, невини не се во никој случај, и за самото тоа што ги оставиле сами треба да одговараат.

 

Ви го разбирам револтот, и мене ме обзедоа најразлични чувства.
Одговорност (вака, одокативно), лежи и кај родителите и кај службите.

Во право си @Joi , дека треба во иднина да се спречат вакви трагедии.
Само сакав да речам, да не судиме пред време.

 

Уште една работа ме чуди, зошто пластиката која ја собирале била во собата? Зошто не ја чувале надвор имале неограничен простор, хартија не е па да не се натопи. За да дојде до пожар мора да имало во близина запалки кибрит, а такви работи не се оставаат на дофат на толку мали деца. Сите знаеме дека во тие години во кој што биле дечињата се многу љубопитни и се сакаат да видат да пипнат. Многу лесно доаѓа до пожар во кој има пластика во близина. Пластика кога ќе се запали многу тешко се гасне и многу брзо се шири огнот.

 

Страшно ми е жал за дечињата, огромна трагедија. Не знам какви родители се тие луѓе, но мои роднини, кои ги запознале таткото и синот, ми кажаа дека се вредни, работливи, културни, не бираат работа и земаат колку ќе им платиш.
А за структурата на градот и (не)пристапноста на пожарната
Постои ли градски архитект? Со сите оние доградени балкони на секоја зграда и на главна улица нема да можат да изгаснат пожар! (извинете за оф топик)