Чешање на кожата после капење

Дали има некоја од вас ваков проблем? Кожата секогаш ме чеша после капење а колку,зависи од тоа што користам. Ако користам сапун, полудувам од чешање подолго време, а со гелови за туширање тоа трае неколку минути. Имате некое решение?

 

имаш алергија сигурно од сапуните или од геловите?
Оди на дерматолог тој ќе ти каже, нема шала со вакви работи!
што сапун корситиш??

 

Пробај со бебешки купки, Бекутан или нешто слично.
Мене многу ми одговара гелот за интимна нега од Авон, па го користам за цело тело затоа што имам сува кожа и ми пука.

 

И јас го имам овој проблем, само во пределот кај деколтето. Значи немам црвенило, само чешање. Претходно се капев со купки, а откако почнав да користав Dove сапун престана да ме чеша и избегнувам подлого задржување на тушот со топла вода во тој дел.

 

Не знам точно од што може да чеша, меѓутоа избегнувај да се капиш со многу жешка вода, нека биде помлака.
Јас никако не можам да ја тргнам оваа навика, се капам со прежешка вода и после знае да ме чеша кожата.

 

Исто како што и претходно имаат кажано, туширај се со Бекутан пример, бебешки производи, а што во основа би било добро да ги користат и возрасни, бидејки чим е за бебе производот,нормално дека нема да биде штетен.Има и други, освен Бекутан, можеш и друг гел за туширање да користиш, чим има таква реакција кожата, ако од еден производ има негативен ефект.Но, доколку тоа е константно, без разлика на гелот за туширање, кој и да е, тогаш би било добро да отидеш на доктор, обавезно, во зависност од тоа каква е ситуацијата.

 

Бидејќи сум алергична на ладно и мене кожата ме чеша после капење, миење раце, лице. Освен ако се измијам со претопла вода, па не ми е ништо ама па лошо е со претопла вода да се мијам. Проблемот го решавам со пиење апчиња пред миење, капење или пак после тоа веднаш се мачкам со крема за лице,млеко за тело итн. Сепак оди на лекар.

 

Тоа чешање се јавува како резултат на дисбаланс на ПХ вредноста на кожата. Значи тој сапун, купка или што и да е не ти одговара на кожата. Затоа се препорачуваат поблаги средства за капење или оние кои во себе содржат крема како на пр. Дове.

 

Постојано се туширам со ептен топла вода, да не речам жешка, и секогаш ме чеша кожата после тоа. Дури и црвенило ми се појавува. Значи било каков гел за туширање да користам, истиот проблем го имам... И така заклучив дека ми е од жешката вода, ама лоша навика ми е од која никако неможам да се одвикнам...

 

Најверојатно имаш сува кожа, тоа посебно доаѓа до израз во зима. Не туширај се со жешка вода и обавезно мачкај се со хидратантно млеко после туширање.

 

Јас го имам долго време проблемот и ќе ти кажам дека не е ништо страшно, зборував со матичниот.

Значи јас се туширам со многу топла вода, со млака едноставно не можам, џабе, не би требало пресуден да е сапунот или па купката, иако има удел, сепак најдобри се детските производи, но главниот виновник за чешањето на кожата по туширање, е сувата кожа пред се, и жешката вода.

Доколку се навикнеме на млака вода, кожата нема да ги трпи тие тортути и црвенилото и чешањето ќе се минимални.

Немој да ставаш хидратантни лосиони зашто тие лосиони се скоро 80 проценти со вода и иако имаш чувство дека кожата ја смируваат и дека и ја даваш потребната нега, воопшто не е така.
За сува кожа најдобри се лосиони и кремите за лице што се на витаминска база, на пример кремот за лице на Гарниер, мене ми го препорачаа и одма се забележуваат сјајни резултати.

 

Јас приметувам последни два пати во ПМС или кога сум во циклус, додека се туширам посебно со топла вода ме чеша кожата посебно на градите, под, позади грбот и се појавува црвенило ... Едно е нели дека намален е тогаш имунитетот и плус крвта тогаш се менува нормално е да се јават алергиски реакции. Но и топлата вода создава таква реакција. Затоа најдобро со млака вода и на крај веќе со поладна да се исплакнете.
Не е лошо после ваква алергиска реакција да се исцеди лимон чисто така или како лимонада да се напиете или таблетка витамин Ц. Поминува.

 

после секое туширање ,капење јас се убивам од чешање , и тоа користам ислучиво бебешки сапунчиња,а имам користено и купки вакви онакви и од се имам чешање , ама со прежешка вода се капам затоа изгледа

 

Незнам,сменав на Dоve гел за туширање... уште ме чеша ама минимално

 

И мене ме чеша кожата после капење..исто ме чеша и кога ќе се испотам..што треба да направам за да не ме чеши ?

 

Па што се однесува за после капење веројатно не ти одговара гелот за туширање, тоа смени го.
А кога ќе се испотиш те чеша знојта/зноењето и затоа ти треба туширање.

 

Се капев со прежешка вода, дури не поцрвенев како рак не излегував од под туш.
Не можев да разберам зошто ми е толку сува кожата, иако ставав хидратантни млека и лосиони после капење.
Во една прилика, кога бев на депилација, козметичарката ме праша дали се капам со прежешка вода и ми кажа да престанам затоа што дополнително ја суши кожата.
Оттогаш се капам со млака вода и забележувам огромна разлика.
Тешко е дури да се навикнеш, но не е невозможно. Пробај.
Ако и понатаму го чувствуваш истото, обрати се на дерматолог.

П.С. ММ не сакаше да се тушира со мене затоа што не трпи жешка вода, и секогаш се жалеше.



Сега е подруго.

 

@ЈеленаЏиш
И јас имам сува кожа,можно е да е од тоа дека секогаш се бањам со жешка вода? Мислам дека нема шанси да се бањам со млака

 

Не знам, пробај @sugarlips.
Јас забележав значителна разлика, и сега веќе само со млака вода се капам.

 

Ај помош, телото ме чеша после капење
Пробав различни гелови за туширање - пак чеша
Пробав со шампон на телото - пак чеша
Пробав и да не ставам ништо, само плакнење со вода, пак чеша
Што може да е работава?