Шампон и регенератор

Искуство дали некоја го има користено шампонов од Tiande?
И дали делува на оштетена коса.

 

Јас го немам користено ама ако ми оставиш декларација ќе можам да ти кажам нешто повеќе

 

@beautys20 моментално го користам,за волумен немам нешто приметено дека прави ама убаво мириса, нежен е, убаво ја мие косата ама секако ќе ти треба да ставиш регенератор или маска после тоа. Од овие алверде шампониве косата ми расте како луда скоро од сите сум задоволна освен од тој со кокос не пени баш.
@Biodevojka што мислиш за регенераторов на Балеа? Во ред ли е составов? Го купив ставив еднаш и убав е ама ме интересира составот

 

Убава е декларацијата. Бехетримониум хлорид иако не е комплетно природен јас го сакам не е штетен и прекрасно ја омекнува косата, потоа има пантенол, масло од арган, кератин и што е најважно системот на конзерванси е природен....Навистина ми се допаѓа. Ова е на Балеа? Не сум го забележала.

 

Да, овој е 99 ден. Инаку ти благодарам многу

 

Го ставам на листа на балсами за препорака, а може да го земам и за проба. Фала ти многу што ми го покажа.

 

Vidi go i toj na Balea so vanila i bademovo maslo

 

Шампони на пантен, да или не? Земав од алверде воопшто не пенат, мислам дека цел ќе го потрошам до десетото миење.. И балзамот од алверде не ми ја омекнува доволно.. Барам шампон неколку месеци никако да си најдам

 

@Biodevojka
Би сакала да се консултирам,фарбана ми е косата,сега е израснато фарбаното останато е малку на краевите и сакам да ја пуштам мојата коса,моментално ми е сува и без сјај. Кој од овие 2 шампони е подобар? До сега ја миев со хед анд шолдерс ама сакам да поминам на чист состав. Благодарам

Сега прочитав дека и на Уртекрам ги фалат многу шампоните за сува коса.. можеби таков ке земам..

 

Здраво драга мене лично и двата ми се допаѓаат. Можеби за нијанса повеќе Др. Конопка. Како марка генерално ја обожавам. Точно е и на уртекрам се прекрасни особено оној детокс со зелен чај. Тој ми е фаворит.

 

@Biodevojka
Ќе може една препорака за мене?
Имам многу густа коса, не ми е ни сува ни мрсна нормална е, барам шампон да ми ја направи сјајна и мека, ама не до степен да ми е сплескана, туку сакам и волумен. Глисс жолт на пример ми ја прави убава, ама барам некој природен, цена до кај 500ден.

 

Здраво драга секако дека може.
1. шампон со нордиски бобинки на Уртекрам го користев лани и бев доста задоволна има убав ефект врз косата. Околу 400 мкд горе долу.

Ја имам тенко влакно и не користам многу балсами па еве го ефектот од шампонов кај мене (на времето кога бев плавуша)


2. Ома гертруде шампон го користев пред две години и ми се допаѓаше ефектот врз косата. Иако пишува за сува може слободно да го земеш затоа што храни и дава убав сјај. Околу 260 или 270 мкд.



еве го ефектот од овој шампон кај другарка ми (заедно се шлакавме со маски и што се не во Рим)



3. Алверде шампон за волумен со бамбус



Од овој за жал немам слика од ефектот, ама мора да кажам дека генерално алверде се убаво формулирани. Ја оставаат косата мека и убава. Ито така и тој со кафеин даваше многу убав волумен еве за кој станува збор



Алверде се некаде околу 150 или 160 мкд.

Еве пробај некој од овие четири секако одбери ти самата што најмногу ти се допаѓа. Намерно ставив и слики од употребата на шампоните за да видиш горе долу каков е ефектот. Секако сите сме различни, па се надевам дека она што ќе го одбереш ќе ти биде баш по мерка.

 

Изгледа само мене алверде не ми одговара шампонот тешко пени, морам да ставам дури 3 пати на секое миење, а балзамот воопшто не ми ја омекнува.. Да пробам со друг балзам?

 

Кој го користиш на Алверде? Смени го не помагаат баш многу

 

Индивидуално е секако ако не ти одговара смени. Многу е важно и како ја миеш косата. Најправилно е шампонот да не се нанесува директно на темето на главата туку претходно малку да се раствори во една чашка. Стави мала количина од шампонот (онаа што би ја користела кога би ја миела косата) и додади малку вода околу 2 до 3 прста вода. Убаво измешај и ова се нанесува на влажна коса. На овој начин прво шампонот е поблаг бидејќи е малку растворен и е подобро за темето на косата, а второ пенливоста е подобра бидејќи веќе во контакт со водата пени. Ако сакаш има многу други убави шампони кои може да ги пробаш и кои не се премногу скапи на пример оние кои веќе ги напоменав на Ома гертруд270 мкд , Уртекрам околу 400, Др. Конопка 380 мкд...не мора да биде алверде секако. Кај мене на блог за поголем дел од нив ќе најдеш рецензии о објанување на декларацијата со слики од ефектот секако. Пробај, смени можеби ќе ти биде подобро. Поздрав.

 

Со кофеин, овде прочитав убави препораки ама ништо.. Се мислам на пантен да земам да пробам

 

Мислев балзам користиш на алверде дека тие стварно не помагаат а шампоните мене ми се ок.
Од Алверде најдобри шампони според мене се од авокадо и кива. Но ете можеби не ти одговараат. За пантен имам читано дека многу им паѓала косата и дека се доста агресивни. Ако сакаш нешто по природно пробај ги и на Балеа шампоните јас користев еден со алое вера воопшто не беше лош. Мене лично шампони со силикони не ми одговараат затоа што косата брзо ми се мрси во корен а надоле ми е сува и безживотна, тешка и брзо ми се заситува и ги избегнувам.

 

И јас тврдам за алверде авокадо...најдобар од целата нивна линија.
Балеа шампоните според мене се идеални како преодна козметика. Кога сте подготвени да од комерцијална козметика преминете на природна и органска без да ве фати депресија кога ќе ја видите косата откако ќе ги исчистите силиконите. Балеа не се комплетно природни, ама што е најважно немаат силикони и ми се допаѓа системот на конзервирање. А гледам дека во последно време ги прилагодуваат формулите кон што поприродно. Една членка на форумот ми покажа балсам од Балеа (не ми текнува која девојка беше) и да ви кажам преубав состав со одлично омекнувачко дејство.
Инаку драга секоја чест го опиша точно дејството на силиконите врз косата...

 

Значи следно купувам балеа фала ви, ќе пишам како ќе ми одговара

 

Балеа Профешнл, во туба што се земи. Другите се ужас