Разочарана сум од сите шампони до сега што сум ги користела (женскиве што се). Затоа веќе подолго време ја користам машката Nivea против првут, со ментол. Бидејќи имам мрсна коса, одлично ми делува, многу подобро од било кој женски шампон. Поради тоа што косата ми е долга (и долго време нешишана), лесно ми се плетка, па почнав да користам и регенератор. Си купувам од Nivea во последно време (за волумен или за опоравување на косата), а претходно користев Gliss со 7 масла и ме разочара, бидејќи во споредба со Nivea-ва е некако потечен, поредок и понеефикасен. Засега сум на ова, додека не наидам на нешто подобро.
Мишела, го купив регенераторот, само не ми беше испробан како што треба за да ти пишам коментар- еднаш имав ставено кокосово масло на косата, другиот пат веднаш ја фенирав, па немаше да бидат најрелевантни впечатоците за тоа колку навистина омекнува. На изглед нема некоја конзистенција, не е ни со таков свиленкаст изглед како некои регенератори, баш е обичен. Ја отплеткува косата, мека е, ама не можам да кажам дека прави некакви чуда. Онака, нормален регенератор. До душа јас не го држам 3 минути како што пишува на упатството, морам да кажам. Пробајте го, да не се повторувам ама рецензиите за овие работи се доста субјективни, а цената компензира доколку евентуално не ви се погоди.
За нормална коса е плавиот, ама мислам дека нема да згрешиш да го купиш и зелениот. Веќе повеќе од 1 година го користам, немам ни една замерка. Прекрасен е!
@sesilija, ти благодарам за одговорот. Патем, не знам дали знаеш, во Тинекс имаат намаление на шампоните, по 99 денари се. Јас си го зедов оној за нормална до масна коса, многу ми се допадна цитрусниот мирис, ме потсеќа на мохито и ми се допаѓа како ми ја прави косата. Да го дотрошам регенераторот што го имам во моментов, ќе си одберам некој од нивните, најверојатно тој за оштетена коса, ама ќе видам до тогаш.
Косава ми се мрси 3-4 дена после миење(ок 4 е веќе убаво измрсена).А и би сакала малце повеќе волумен...Препорака за шампон? Го користев тој со мед на Гарниер и почна прша да ми прави,а Head & Shoulders ми е јак...
Јас најмногу волумен добивам од детските шампони, еве пробај го Бекутан со камилица да видиш како ќе ти одговара.
Мишела ме интересира дали шампонот ја суши косата или и дава хидратација? Јас го имав од Субрина шампонот за оштетена коса, немав некој посебни замерки, но почна да ми пречи јакиот мирис и го сменив. Исто ме интересира дали ти прави проблеми со скалпот, односно дали е агресивен. Би сакала да слушнам коментар, иако сум скоро решена деновиве да тркнам до Тинeкс и да го купам
Мојата коса е склона кон брзо мастење, никогаш не сум имала проблем со сува коса, а конкретно овој шампон ми изгледа доста благ и погоден за секојдневна употреба, така да, за 99 денари и да не ти се погоди, лесно ќе прежалиш. Навистина прекрасно мириса и уште мирисам на мохито, а коса миев вчера. За другите ефекти не би можела да кажам ништо друго, како за прво миење баш ми се допаѓа како ми ја направи косата - лелеава ми е, не ми е сплескана кај корените и изгледа свежо. Имам природно волуменозна коса, не сум баш некој фактор по кој би можела да се ориентираш во однос на ова прашање. Да го употребам уште неколку пати мислам дека ќе можам да напишам поубаво мислење од добиениот впечаток. Вака на прво користење, навистина ми се допаѓа, па ќе видиме како ќе се покаже понатаму.
Готово, го купувам Ме освои делот дека мириса свежо на мохито, таман како за летово Исто прочитав дека има екстракт од маточина кој го смирува и негува скалпот, токму тоа и ми треба Ќе споделам и јас впечатоци после одреден период на користење
Не ја прочитав убаво декларацијата, мене ме примами делот со екстрактот од лимон, зашто обожавам цитрусни мириси. Инаку навистина не приметив проблем со скалпот, имам многу осетлив скалп и обично уште на почеток ми покажува дали шампонот ми одговара или не, така да, тоа со маточината можеби има смисол и влијание. Ќе го користам одреден период, па ќе споделам мислење повторно, ама типувам дека ќе бидам задоволна.
Девојки, мора да споделам нешто со вас. Пред недела дена го купив најновиот шампон на Алверде со маслиново масло и кна...и што да кажам фантастичен е, просто неверојатно!!! Формулата на самиот шампон е многу слична на оној од авокадо за кој ви зборував дека ми беше омилен, ама овој е многу подобар затоа што има прекрасен цитрусен мирис поради етеричното масло од лимон кое и дава огромен сјај на косата, перфектно го чисти скалпот благодарение на кната (секако за безбојна кна станува збор, која е фантастична дури и за масна коса) и храни благодарение на маслиновото масло. Косата ја прави некако поцврста, а сепак мека и прекрасно сјајна. Наменет е за сите ѕипови на коса особено онаа тенка без волумен. Еве веќе два пати го нанесов и неможам да поверувам колку прекрасни резултати дава. Во случај некоја од вас да треба да купи шампон или се мисли еве ви предлог чиста 10/ка!!! Цената му е 143 денари. Наскоро ќе направам комплетна рецензија со слики и ќе ви ја постирам овде!!! Поздрав и пријатна вечер!
Мое лично искуство и заклучок е дека сите шампони од познати компании, ми ја мрсат пррмногу и пребзо косата. Се што е најобично од камилица, бреза и корпива ми е најпогодено. Регенератор исклучиво од Балеа најквалитетни се и за пофалба, сите ги имам сменето и пробано ама они се нумеро уно.
Дефинитивно не ми одговараат истите шампони што се препорачувааат на форумот. Го купив овој заедно со регенераторот, затоа што моментално се секаде поефтинети. Затоа што многу го фалевте сакав да му дадам шанса....ама дефинитивно ќе оди во канта. Поужасен шампон немам ставено на главата. Ми ја направи косата мрсна, ужасно прилепена за главата и полна со првут. Регенераторот е просечен а со него а без него, не се прави разлика. Ова ми е втор пат да се прелажам за шампон на форумот. Ако сте го користеле gliss million shine и ако не ви одговарал, тогаш и овој нема да ви одговара. Потполно истото ми се случи и со Глисот. Дефинитивно не вреди ни за тие 90ден. Го давам гратис ако некој сака за проба
Mishela имам регенератор од Subrina. Не џабе регенераторите на овие простори уште ги викаат субрина Ја омекнува косата и ја прави лесна за расчешлување. Речиси и да немам купено козметички производ по втор пат, а регенераторот од Subrina е еден од ретките што го купив втор пат.
http://www.arganoil.mk/argan_oil_sampon.html Ги има некој пробано? @kolovoz тотално се согласум со тебе за Субрина никогаш не сум имала убаво мислење и сега тоа се потврди со катастрофалниот регенератор што го зедов незнам точно од што беше од некое масло наводно за сува и оштетена коса УЖАС,ни ја омекнува косата ни ја отплеткува НИШТО како нисто да не си ставил на коса,добро е што не се истрчав шампон да купам,долго време ништо немав земено од Субрина овај регенератор ми се виде ок па решив да го пробам ама жива катастрофа по лош регенератор немам ставено на коса...
Јас го сменив Орзенот за кратко, сакам летово нешто поинакво да користам. Се мислев да го земам тој со авокадо на Алверде, ама не знам зошто за овој се одлучив. Витализирачки шампон без силикони од Балеа, со екстракт од рузмарин и мелиса. Како што може да се види и од листата на состојките има и нане што одлично се уклопува со останатите билки. За лето е како измислен. На второто шампонирање дава многу убаво разладувачко чувство, осеќам како ми циркулира крвта на скалпот. Убаво пени, има фин мирис, но не се задржува долго како на Орзенот на пример. Со оглед на тоа што прв пат се одлучувам за шампон без силикони не се осудувам уште од одма да го пробам без регенератор, страв ми е да не стане многу крута да не можам да се исчешлам. Косата за почеток не е толку мека како што ми е кога ја мијам со Орзенот, но очекувам за некоја недела и тоа да се стабилизира откако ќе се одмие силиконот од влакното. Во однос на мрсењето, косата ми издржува свежа и чиста до 3 дена, како и со скоро сите останати шампони, тука не приметив некоја којзнае каква разлика. Цена околу 120-130 не ми текнува. Би го земала пак, иако и овој што го препорача Биодевојка ми делува одлично.
Морам да споделам нешто со вас. Пред некое време го купив овој шампон од Балеа: Досега го одбегнував кога ги разгледував шампоните на Балеа од проста причина што на декларацијата пишува дека е за масна коса. А бидејќи мојата вообичаено се мрси на 3 дена, а остатокот од косата ми е прилично сув, употребувам шампони за нормална, евентуално за оштетена коса. Е сега, кога читав на интернет рецензии за шампоните на Балеа, случајно во очи ми падна една рецензија за шампонов каде некој имаше пишано дека шампонов му го решил проблемот со чувствителноста на темето и пребрзото мастење на косата. Кога прогуглав малку поубаво, открив дека првичната намена на шампонов му е детално чистење на скалпот од силикони, како и од сите препарати за нега на косата кои ги употребуваме. Поради тоа, се препорачува да се употребува еднаш неделно, за темелно чистење на косата. Можам комотно да кажам дека се покажа подобро отколку што очекував, во последно време имав проблем со чувствителноста на темето и овој шампон тоа го реши. Верувам дека би помогнал и кај оние кои имаат првут, бидејќи има ментол во составот и за време на миење се чувствува огромна свежина на скалпот. Досега кога имав проблеми со скалпот купував шампони против првут, но сите имаа краткотрајно дејство, некои дури ја влошуваа сосојбата. Исто така, читав дека во Германија редовно си користат вакви шампони за детално чистење на косата, како превенција за проблеми со скалпот или претерано мастење на косата.Ќе беше убаво истово да го пишува на декларацијата, мислам на македонската, пошто на германската никаде не пишува дека е шампон за масна коса. Туку дека е наменет за темелно чистење на косата, плус содржи формула за побавно мастење на косата. Ама добро, среќна сум што и сама открив. Јас сум презадоволна, планирам редовно да го користам шампонов додека не го потрошам, бидејќи и покрај тоа што убаво чисти не е јак, ја прави мека косата и лесна за обликување. Потоа ќе земам некој шампон без силикони, но планирам да продолжам да го користам шампонов барем еднаш неделно.Ептен се радувам што конечно најдов шампон кој ми помогна со проблематичниот скалп
Здраво драга, ако разбрав добро ова ти е прв шампон без силикони така??? Еввивааааааааа!!! Значи доколку до сега си користела само со силикони, ќе ти требаат до 20 миења за да ги извадиш од косата. Не очајувај. Без разлика што не е органски и не е оној на алверде, јас сепак ве поддржувам во намерата да ги оставите силиконите и секоја промена на подобро е добредојдена без разлика на тоа колку е мал чекорот. Од составот кој го постираше, може да ти кажам дека за шампон кој не е еколошки и органски овој има доста добра формула. После содиум лаурет сулфат доаѓа бетаинот па после солта (односно содиум хлорид), што значи дека не е агресивен како производ и нема да ти ја надразни кожата. Ладниот ефект го дава ментолот, а не се грижи од формулата гледам дека ја остава косата мека, иако ти препорачувам убав регенератор само на врвовите (ама некој без силикони те молам), за додатен свилен ефект. Користи го овој, не е лош како производ кој не е органски и сигурно сто пати подобар од силиконските, па следниот се надевам дека ќе биде органски. Преминот кон органското не мора да биде нагло направен, и подобро е чекор по чекор ама да истраете во намерата!!! Бравос и смени го регенераторот доколку има силикони оти пак ќе ти се лепат на косата и нема да може да ја видиш разликата. Еден голем аплауз за Џована која сега за сега им откажа љубов на силиконите!!! плес плес плес плес плес
^^ Biodevojka , ги читам твоите постови и има многу корисни и применливи совети,НО кога станува збор за силиконите,мислам дека правиш грешка. Силиконите се штетни за скалпот,затоа што се таложат и ги залепуваат порите,едноставно кожата не дише.Со тек на време се создава како обвивка,ја отежнуваат и слепуваат косата од коренот,изгледа како мрсна,залепена,грда..Затоа не треба да ги има во составот на шампонот. До овде сосема се согласувам. Е сега,влакното (по должината) си бара,покрај нега и соодветна заштита.На пример,освен од топлина,од надворешни влијанија(ветар,студ,магли,сонце)од триење со материјали(од блузи,перници итн) механички малтретирања ...итн. Оттука,силиконот во маски,регенератори,креми,млека,спрееви,серуми итн.не само што е основна состојка,туку е и пожелна.Зашто нели,сето ова наброено се користи со цел да го заштити влакното. Ај те молам објасни ми,што би било подобро да се се користи(освен силиконот) за да биде влакното заштитено.
