Шампон и регенератор

^ Пред некој ден ги зедов шампонот и регенераторот. Добри се.

 

Пробај го регенераторов (тој во средина на сликата) за сува коса на Orzene, мене ми ја омекнува косата тамански.

 

@rainbowec дури сега видов дека си пишала, ама јас више купив од шаума лиљаковиот. Следен пат ќе земам ваков да пробам

 

@rainbowec дури сега видов дека си пишала, ама јас више купив од шаума лиљаковиот. Следен пат ќе земам ваков да пробам

 

Моментално ги користам овие, шампонот прв пат го користам и не планирам уште долго да го сменам, предобар ми е

 

Здраво на сите еве текст за една од најголемите дилеми за природните шампони односно дали да одбереме со или без сулфати. Се надевам ќе ви се допадне. поздрав

Шампон со или без сулфати? Како треба да изгледа еден квалитетен шампон.



Здраво драги мои,

пронаоѓањето на добар и пред се функционален шампон е сон на секој(а) од нас и тоа секако не е едноставно. Досега многу пишував на оваа тема, ви кажав кои состојки треба да се избегнуваат, зошто е важно да се одбере шампон без силикони и како најдобро да се користи органскиот шампон. Денес би сакала да поразговараме токму за формулите на органските и природните шампони. Верувајте ми еден органски шампон може да содржи најпрекрасни масла и најчисти можни состојки, меѓутоа доколку има лоша формула, истиот ќе биде агресивен за темето. Во оваа статија имам намера на едноставен начин да ви објаснам како треба да биде формулиран еден добар органски шампон, кои состојки обавезно треба да ги содржи и секако, сето ова ќе го разгледаме низ примери на неколку шампони кои според мене се одлични и слободно може да ги употребувате.

Еден добар и пред се функционален шампон треба да ги има следниве карактеристики:
да има пристоен степен на измивност (благодарение на сурфактантите во него);
да биде нежен за кожата;
да биде нежен за очите;
да има пријатен мирис;
да има одредена густина

За еден шампон добро да измива, односно да го врши она за кое е наменет, во својата формула мора да има сурфактанти. Овие се всушнот измивачи чија молекула е составена од два дела: едниот се врзува за маснотиите и нечистотиите во косата, а другиот за водата, така да кога ја миеме косата оној дел од молекулата кој се врзал за водата со себе го носи делот кој се врзал за маснотијата и резултатот е чиста коса. За да еден шампон биде квалитетен и нежен, а сепак убаво да измива, од огромна важност се токму сурфактантите (видови и комбинации) кои се употребуваат во него.

Епа токму тука започнува дилемата на многумина од нас кога станува збор за шампоните, односно дали се подобри оние кои содржат сулфати како главни измивачи или оние кои не содржат. Доколку се сеќавате во една од статиите ви говорев за сулфатите како Sodium Lauryl Sulfate (SLS) и Sodium Laureth Sulfate (SLES) ви кажав дека првиот е поагресивен од вториот, меѓутоа вториот е третиран со етилен оксид, така да мал дел од него има нафтен дериват (затоа и не се користи во органската козметика додека е широко употребуван во традиционалната). Јас лично ги преферирав шампоните кои како основен сурфактант содржат Sodium Coco Sulfate (SCS) сметајки го за помалку агресивен, се додека не открив дека SLS и SCS се две страни на една иста медаља и дека без разлика на тоа што дел од молекулата се разликува, влијанието и агресивноста која ја имаат горе долу е иста. Леле каков шок! Дали ова значи дека Sodium Coco Sulfate треба да се избегнува? Не, ова значи дека не треба да се плашиме ни од Sodium Lauryl Sulfate, затоа што може да биде избалансиран и ублажен во една формула на истиот начин како неговата сестра Sodium Coco Sulfate. Значи сѐ зависи од формулата на шампонот и состојките кои се употребени во него.



Па добро тогаш, како треба да изгледа еден добар шампон?
Најнапред од основна важност е шампонот да не содржи само еден сурфактант (затоа што истиот ќе биде поагресивен), туку комбинација од сурфактанти, затоа што при правилната комбинација, истите се неутрализираат и надополнуваат со што се сведува на минимум агресивноста и иритирачката моќ на еден производ. Еден од сурфактантите треба да биде примарен кој всушност и ќе ја дава измивачката моќ на производот, потоа секундарен(ни) кој ќе ја ублажат агресивната моќ на примарниот и останати сурфактанти кои исто така ќе ја ублажат агресивноста на примарниот, но и ќе дадат густина, пенливост итн. Меѓутоа, ако ставиме само вода и сурфактанти во еден производ, истиот ќе претставува средство за миење на садови , па затоа за еден шампон да биде квалитетен и да има одредена хранлива моќ, да ја негува и прави косата полесна за расчешлување, треба да содржи и други состојки како на пример протеини, масла и витамини. Ајде сево ова да го разгледаме низ три примери на шампони кои според мене се одлични, од кои едниот е со сулфати, а другите два без сулфати.

Пример бр. 1 Шампон од авокадо на Alverde за сува коса



Мислам дека веќе сите знаете дека ова е мојата омилена марка кога станува збор за шампони затоа што одлично се формулирани, деликатни за косата, имаат органски состојки и навистина се многу економични. Еве да го разгледаме оној со авокадо кој е еден од моите најомилени:

Inci: Aqua, Coco-Glucoside, Sodium Coco-Sulfate, Glycerin, Xanthan Gum, Inulin, Isoamyl Laurate, Disodium Cocoyl Glutamate, Sodium Cocoyl Glutamate, Glyceryl Oleate, Betaine, Citric Acid, Sodium PCA, Levulinic Acid, Chondrus Crispus Powder, Parfum*, p-Anisic Acid, Sodium Levulinate, Hydrolyzed Wheat Protein, Phytic Acid, Linalool*, Benzyl Alcohol*, Limonene*, Citronellol*, Persea Gratissima Fruit Extract, Vitis Vinifera Seed Extract, Hydrogenated Palm Glycerides Citrate, Tocopherol
*from natural essential oils

Како главен сурфактант употребен е Sodium Coco-Sulfatе кој одлично е избалансиран од страна на други сурфактанти како Coco-Glucoside, Disodium Cocoyl Glutamate, Sodium Cocoyl Glutamate. Инулинот во овој шампон дава деликатност на самиот производ и ја прави косата лесна за расчешлување. Екстрактот од авокадо (кој не е во голем процент, се наоѓа при крајот на листата) одлично го ублажува главниот сурфактант во овој производ и го прави многу деликатен за кожата на главата. Истото дејство го даваат и состојките isoamyl laurate и glyceryl oleate (емулгатор), како и протеините. Значи ова е пример за многу хранлив шампон, со навистина деликатна формула кој, без разлика на тоа што во својот состав содржи Sodium Coco-Sulfatе кој се смета за агресивен, во склоп на целокупната формула неговото агресивно дејство е сведено на минимум. Овој шампон исто како и шампонот од маслинка и к'на (според мене одличен за масна коса) и шампонот за руса коса од алверде се со фантастични формули и нежни за кожата на темето и косата. Во моментов гарантирам само за овие три, останатите шампони од оваа марка ги немам пробано, ниту изанализирано. Цената им се движи околу 147денари.

Пример бр. 2 Шампон за честа употреба на Gamarde



Еве ви пример на еден шампон без сулфати наменет за многу чувствително теме на главата кое е склоно кон иритации и црвенила. Да го разгледаме составот и формулата на овој произвид.

Inci: Sodium cocoamphoacetate, glycerin, lauryl glucoside, sodium cocoyl glutamate, sodium lauryl glucose carboxylate, Gamarde aqua (Gamarde Water), Lavandula angustifolia (Lavender Flower) water*, caprylyl capryl glucoside, coco glucoside, glyceryl oleate, cocamidopropyl betaine, Cymbopogon martini (Palmarosa) oil*, Lavandula angustifolia (Lavender) oil*, Lavandula latifolia (Lavender) oil*, Eugenia caryophyllus (Clove Flower) oil*, Cupressus sempervirens (Cypress) oil*, Citrus aurantium amara (Bitter Orange Leaf) oil*, Melaleuca viridiflora (Niaouli Leaf) oil*, Juniperus communis (Juniper Fruit) oil*, Pinus sylvestris (Pine Leaf) oil*, Ribes nigrum (Black Currant Leaf) extract*, citric acid and ingredients naturally present in the essential oils : eugenol, farnesol, geraniol, limonene and linalool.

*Ingredients from organic farming

Според мене, овој шампон моментално е еден од најдобрите шампони без сулфати кај нас, и претставува пример за комбинација од најнежни можни сурфактанти за измивање. Комбинацијата на сурфактантите не само што го прават нежен за кожата, туку ги спречуваат иритациите на кожата, помагаат кај оние луѓе кои имаат екстремно сува кожа на темето и идеален е за честа употреба. Дел од сурфактантие присутни во него даваат голема омекнувачка и хранлива моќ на косата, како на пример Sodium cocoamphoacetate, кој е еден од најважните сурфактанти кога станува збор за една убава органска и деликатна формула, затоа што ја прави косата многу мека и свиленкаста и го прави поблаг целокупниот производ. Прекрасните останати состојки како термалната вода од Гамард и чистата вода од лаванда имаат смирувачко дејство на скалпот и ги спречуваат иритациите на темето од главата. Убавиот микс на етерични масла не само што дава убав мирис на производот, туку дава огромен сјај на косата. Прекрасна формула за оние кои имаат многу чувствителна кожа или пак за оние кои се принудени често да ја мијат косата како на пример спортистите или пак луѓето кои повеќепати во неделата практикуваат спортска активност. Цената му е 675 денари.

 

Пример бр. 3: Шампон со алое вера на Aloedermal за чувствително теме на косата

Еве ви пример на уште еден шампон без сулфати кој е наменет за нежно и често измивање на косата. Ајде да ја разгледаме формулата.

Inci: Aqua, Decyl Glucoside, Disodium Cocoamphhodiacetate, Rapeseed Sterol, Capyoyl Glycine, Aloe Barbadensis, Coco Glucoside, Glyceryl Oleate, Aroma, Panthenol, Allantoin, Cysteine Hci, Xanthan Gum, Borago Officinalis, Sodium Hydroxyde, Citric Acid.

Нешто што обожавам кај производите на Алоедермал е едноставноста на формулите, малку состојки меѓутоа убаво одбрани и балансирани. Иако не станува збор за органски производ, има формула според стандардите за еден органски производ (секако ниедна од состојките не потекнува од органско земјоделство). Доколку имате масна коса не ви го препорачувам овој шампон затоа што ќе ви се чини дека малку измива, но доколку имате суво и чувствително теме, во тој случај може да биде одличен за вашата нега на косата. Цената на овој шампоне околу 400 денари. Од истата линија има и шампон против првут.

Секако како што ќе откривам и тестирам нови шампони (сигурно ќе продолжам понатаму со истрагата на добри производи) ќе ви ги презентирам овде на блогот. Целта на ова што го напишав е да разјасниме дека кога станува збор за добар природен или органски производ мора да се земе целокупната формула на производот пред да кажеме аха оваа состојка е агресивна и автоматски производот е агресивен.



Се надевам дека малку ви помогнав во изборот, а вие како и секогаш доколку имате прашања слободно оставете ги под самиот текст.

Пријатен ден и до скоро читање.

Вики

 

Братучедка ми ме прашува дали кондиционерот на head and shoulders го има кај нас и искрено не знаев што да и одговорам, никогаш го немам приметено, го има ли ?

 

Кажете ми добар шампон/регенератор/маска, ма се комплет за виткана коса. И нешто плус за скротување на "бебешки влакненца". Ги имам многу и страшно ме нервираат. После миење ставам спреј за обликување на локни од Лореал и ја оставам така да се суши. Не ја сушам со фен, би се направила бетер од грмушка, џун, абажур, ма не знам што да речам више. Пробав со лак за коса да ги скротам, но ми се здрви цела коса не можев да ја поместувам и изгледаше пресмешно. Така да, ако има некој што е со исти маки како мене и има најдено решение, го замолувам да ми пишииии.

 

Го земав овој за да ми се ''згусне'' косава нели ама ништо На почетокот ич не ми а мрсеше,цела ндела можев комотно да си терам,ама после па по старо два пати неделно ја миев(шо мислам дека таман) ,најверојатно оти сменив шампон.Сега скоро пола и повише ми е потрошен и мислам каков да земам...Значи влакново ми е танко и нема волумен,Имам малце метил и почна да ми паѓа...Дали е сезонски,немам поима....Препорака?
P.s ја растам и не сакам да ја кратам ако има некој шампон/маска шо помага за врвовите?

 

Здраво, за тенко влакно без волумен пробај го на алверде со кна и маслина. Јас го користев и ептен ми се допадна а и јас имам тенко влакно. Така да од прва рака ти кажувам. Проблемот што косата ти се масти се силиконите затоа земи природен шампон да ја рочистиш косата како овој што ти го предложив. Што се однесува до оштетени врвови ставај природни масла како третман пред миење на косата и како серум наместо силиконски капки. Ќе видиш подобрување (секако не веднаш ама со редовна употреба да). Доколку врвовите многу ти се оштетени мој совет ти е да ги скратиш. Со било кој метод може само да спречиш појава на нови а не да ги излечиш оние кои веќе се испукани. Поздрав.

 

Ме насмеа со она ''грмушка'' ''жбун'' зошто имам пријателка со слична коса како твојата.
И таа долго време трагаше со што да ја скроти, па еднаш и ја дадов мојата маска Garnier за проба и почна редовно да ја користи.
Пробај ja маската на Garnier со авокадо и путер, мислам дека ќе ти помогне.
Нема да ти треба регенератор, зошто ја омекнува многу косата оваа маска.

 

Ставам една природна маска пред миење и омекнува косата до следното миење,сега сакам и маска да земам и да го одложувам кратењето,а шампонов каде може да го најдам,колку пари е и каков е ефектов(моментален или го здебелува влакното)?

 

Здраво шампонот го има во ДМ маркет на нивната линија алверде и цената е околу 147 денари. Како да ти објаснам влакното е она што го имаш, само што на некој начин го прави поцврсто. Косата има волумен јас го користев ама неможам да ти кажам дека го менува влакното. Се надевам дека успеав да се објаснам

 

дали е добар балсмаот за коса на генера некако многу ефтин ми се гледа 500мл за 75 денари

 

Девојки, има некоја искуство со овој шампон? Имам виткана коса и премногу ми е сува и кршлива. :/

 

Во веро го видов

 

Задоволна сум од шампонот, подолго време ги користев шампоните на Dove, но овој ми е поубав.
Го користам во комбинација со розевиот регенератор

 

Ги има некој користено на Diplona производите шампон/регенератор/маска за фарбана коса? Во моментов се на попуст во Космо, а голема милилитража за малку пари, па се замислив...