Можеш да ме блокираш Можеш да ме избришеш Можеш да ме озборуваш Можеш да кажуваш на твоите нови пријатели,дека сум лоша особа Запомни има едно нешто што не можеш Не можеш никогаш да ме заборавиш
Пред некој ден те сонував после кој знае колку време... Години поминаа, заборавив и колку, да ме праша некој кога последен пат бевме заедно, нема да знам точно да одговорам. Еј! Стигнав и до тој стадиум да заборавам важен датум а ги паметев сите датуми, сите нови обиди за врска, сите спомени... Срцево уште ги чува спомените, твојот лик и глас, ама не те сака веќе одамна, и после се, напредок е што не се замарам барем со нашите датуми. Ајде нема врска, да се вратам на сонот, не бевме двајца во сонот, тројца бевме, за кој курац мораше да те сонувам во пакет со неа, еве не знам ме претстави пред неа како школска другарка, искрен си беше, па што, таа не беше баш воодушевена од запознавањето. Штета. Ми кажуваат дека реално е насмеана и позитивна личност, среќен нека ви биде животот... Знаеш, мило ми е за тебе, се надевам дека кон неа нема да се однесуваш како ѓубре
Себична сум. Како дозволив инаетот да ме преовлада? Ти помина низ хорор, а јас очекував да си стариот. Ќе те изгубев ради мојот инает. Што да правам кога си затворена кутија. Ама денес кога ми ги кажа тие неколку зборови... не можев да ги сопрам солзите. Не знам дали ме примети, станав веднаш од масата. Но тие неколку збора како да ме погодија, здоболеа навистина. Како можев да заборавам што се' направи за мене?! "Среќен сум што барем тебе ти помогнав." Ееееј ти си во ситуација како мојата, а јас уште инает терам. Поразличен си, не зборуваш, но требаше да сфатам дека не ти е сеедно. Се извинувам за изминатиот месец дена. Ти ветувам дека ќе се трудам повеќе, ќе затворам очи, ќе стегнам заби и ќе направам се' што можам да бидеш истиот како порано. Јас имам толку многу соништа за нас, те молам не крши ми ги. * Ако се побунам тука, ве молам потсетете ме на поракава. *
*што би и кажал* Искрено покјут човече немам сретнато ... како еклерче си едвај чекам да те видам и изгушкам, ќе те здробам од гушкање
Немаше да те споменам, ама ме праша, и кажав дека ти беше повод за промените. Мислам дека треба да те продискутирам на брзо џаст биказ. Инаку немаше. Најголемото УАТ ИФ си ми до моментот, и сега најмногу не се каам што си тоа. Затоа што мислам дека тие 3 месеци беа доволни за да минеме низ тоа што минавме. Некои работи треба да се ограничени. Не мислам дека би биле добар пар, колку и да ми се иска(ше). Сепак, кога и да помислам на тебе, ќе имам насмевка на лице. Ти беше првата личност која ми покажа како можам да живеам. Камо да можеше да ме видиш сега. И можеби сега кога сум постабилна, би останале добри пријатели. Бат детс нат гона хепан. И можеби во тоа е убавината, макар што од време на време уште те барам со поглед.
Ти кажав се што имав. Ќе видиме сега што ќе биде. Повеќе нема да се прилагодувам за никого и нема да се плашам од ништо. Еднаш се живее. Нема да ги кријам емоциите само за да биде се како што треба. Ти ги отворив картите на маса. Или ќе почне нов период за нас или и пријателството и ова до сега ќе ни заврши. Не ми е грижа веќе, не можам веќе да кријам чувства, ми се прелеа чашата.
Се грижиш за мене, баш ми е мило. Одамна сум немала напад и ми се случи баш покрај тебе. Знаеш како да ме смириш, да ме чуваш. Фала ти. Се надевам дека нема да се изгубиме во овие тешки времиња... Ми значи што си до мене и секогаш ќе ми е потребен твојот мирис да ме смири.
