Да им кажеш немаш потреба, сите знаеме што се случува моментално. Но, сигурно ти треба број на гости, така да најдобро би било да ги препрашаш кој доаѓа кој не
Не важи тоа до 30 луѓе невакцинирани.За што и да е било во ресторан на ручек,било прослава мора сите да се вакцинирани.
Можно е, сигурно погрешно сум разбрала, не одам периодов по кафичи, ресторани па може да е така како што велиш ама зошто ресторани, кафичи од мојот град објавуваат дека за сите се отворени? Се збунив сега. Не верувам да работат спротивно на закон, инспекции се веќе на терен..
Затоа што и они не знаеја веќе што прават и каков закон донесуваат.Мислењата си ги менуваа од минута во минута.Сигурна сум дека е така затоа што на мм му е тоа потребно па прати што и како. https://www.facebook.com/1819203381720020/posts/2754974554809560/
Невакцинирани не смеат да влезат во објект. До 30 луѓе самите келнери треба да контролираат, над 30 требад а има редарска служба. Свадби има само на отворено, во затворен простор не смее да се организираат. Ако сепак решите да правите свадба тогаш јавете се и прашајте колку луѓе ќе може да ви дојдат. Од 99-тата седница на Владата: Одобрени дополнителните мерки за заштита од КОВИД-19; Водно е прогласено за заштитено подрачје; Се намалува бројот на членови на управните и надзорните одбори, ќе се бираат со јавен повик | Влада на Република Северна Македонија (vlada.mk)
Пријателка моја која е бремена доби препорака од докторот да не се вакцинира и сега нема да може да си оди на свадба која веќе и беше испланирана. Плус и прележана е. Силеџиите по секоја цена гледаат да ги напикаат вакцините, ако беше да се штити здравјето, можеше и со негативен тест да стават да може да се присуствува. Логично дека за на кафе не би се тестирал никој ама пример невеста да треба да бидам е веќе оправдана причина. Плус за мала свадба од 30тина луѓе стануваше збор, на отворено нормално.
Верувај подобро е да и пропадне свадбата отколку бремена да се става во ризик без разлика колку гости. Нека се пази многу. Времето не е за свадба правење. Доволно е да се регистрира.
Да ама жално е верувај, толку се радуваше и сега се и се поремети. Плус ете да се гостите дел вакцинирани, дел со негативен тест не би требало да е ризик оти не би имало заболен веројатно.
Ајде у пандемија до свадби и прослави ви дошло. Јас на моето дете ни крштевка ни првите 2 родендена не сум славела. Здравје да се заврши со вирусот па ќе си го дозволиме и тоа. Не се ставам себе ниту најблиските во ризик, не сакам вакцина ама ќе се придржувам до мерките.
Вакцинираните џабе се вакцинирани, можат да го фатат и да го шират вирусот. Така да, ако зборуваме за ризик, ризик може да нема само доколку сите бидат најтазе тестирани.
Нема врска. Може да е позитивен ама на тестот негативен да испадне (период на инкубација). Најдете некој ресторан во Тетово за свадби Шала на страна, јас допрва не би правела свадба особено никако трудна. Ама ваша работа
Точно, плус овие што ги знам што се вакцинирани одма фрлија маските, се движат во гужви со изговор дека се вакцинирани. Некои како да не сфатиле што е вакцината, од ваквите најмногу се плашам!
Ах, како ли без свадбите? Како бе уште давате предност на вакви небитни ствари и покрај се'? Викаа дека многу луѓе ја сфатиле вредноста на здравјето благодарение на изминатиов период, ама изгледа во Македонија слабо некако.
Тие што имсте закажано свадби за септември ќе откажете или ќе правите? Јас сум кај другарка на 6 септември но не се знае дали ќе прави. Ќе се вакцинирам во понеделник но не е тоа проблам колку што стварно на овие бројки се плашам да се мешам со многу народ. Имам бебе 9 месечно и еднаш веќе прележавме пред 6 месеци и ми е страв. Проблемот е што свадбата е во друг град и веќе имаме резервирано смештај ама искрено се мислиме дали да откажеме… Блиска другарка ми е и не би сакала да не одам ако прави. Она нема да ми се налути но нема да и биде сеедно, а ни мене. Како би постапиле? До тогаш ќе бидам со една доза вакцинирана. Свадбата ќе биде на отворено ако воопшто се одржи но ќе има преку 200 гости.
Да не ризикуваш. Иако си прележана и плус ќе примиш вакцина. Ама мало ти е бебето, за да го заштитиш него, да не случајно му пренесеш ти или некој друг, најдобро е да не одите на свадбата.
Ние бевме поканети фамилијарно на свадба од страна на блиски роднини кои немаат осет и си поканиле 450 гости.... Беше една недела пред да стапи во функција правилото за примена најмалку една доза вакцина и не отидовме.... Нека извинат ама не планирам да си ризикувам свој живот и цела фамилија за 3 саати журка. На кој му дошло до забава во ова лудо време, нека оди... Неделава бев на свадба со 50 гости и сите вакцинирани ама не е безбедно, си заминав пред време.... Искрено не ти препорачувам, животот на тебе и твоето бебенце и цела поширока фамилија е многу поважен отколку нечии хирови.
Е во право си овде свадби се прават од јутра до сутра секој ден ко шо ми изгледа (живеам во близина на ресторан и моментално журка имаат )
Па и во Струмица правеа едни познаници викендов свадба. Ниту мерки се почитувале ниту сите гости биле вакцинирани. Само се договориле со ресторанот дека ако дојде инспекција и ги казни тие ќе ја платат казната. И никому ништо. Струмица и онака од многу одамна е Тетово на Источна Македонија, таму закон не постои за ништо.
Не знам за албанските ресторани, ама во македонските има протоколи и се почитуваат во Тетово. Моментално се прават на отворено со капацитет од 150 гости, и има редари кој што проверуваат сертификати и не примаат без нив. До сега две свадби минаа така за кои што знам неделава.
Јас не би одела. Летово бевме поканети на свадби, крштевки, никаде не бевме. Не ми се ризикува, особено со бебе.
