Што сега со свадбата?

Нашата требаше да биде во Јули, планираме да ја преместиме за наредна година. Сега повеќе ме интересира како ќе биде за регистрација на отворено и црква. Барем тоа да го направиме како што планиравме.

 

Нема никаде официјални информации, веројатно ќе има измени и ќе кажат на вести

 

Последно што дознав од ресторантот е дека многу тешко годинава за свадби, бидејќи отварањето на угостителските објекти ќе се одвивало во фази. Сега се во прва фаза, а дури во третата фаза(којзнае кога ќе стигнеме до неа) ќе се дозволат свадби на отворено со максимум 150 луѓе и тоа по посебни протоколи.
Да правам циркус од свадба? Не, фала. Ќе почекам до наредната година, доста беше двапати презакажување годинава.

 

Исто, и ние сега за сега не правиме ништо, неможам по 100 пати да презакажувам. На крај на година ќе одлучиме за кога би ја презакажувале свадбата.

 

Нема летото да даваат? Мислам дека ќе отворат август.

 

Дали е ресторанот во Ск?
Јас сум на повеќе свадби летово и септември, и ниту една не ја одложија за догодина... сите чекаат знак и ќе прават очигледно..
Реално, нема уживање во подготовки, мн луѓе имаат намалени приходи а некои останаа без никакви, а настрана општата состојба со вирусов и нашава несовест...

 

Ние ја откажавме за годинава, а кога ќе презакажеме незнам.
Ќе чекаме подобри времиња.

 

Не е во Скопје, ама менаџерот ни кажа демек тоа им го кажале кога биле на состанок сите угостители.
Ми рече дека немаат ниедна свадба откажано за август и септември и уште имаат надеж дека ќе биде, а останатите во јуни и јули ги откажале сите.

 

А со мерки за август или нормална свадба?

 

Па незнам како ќе им се одвиваат фазите.

 

Здраво девојки. Братучетка ми имаат закажано свадба за средина на септември, па сеуште се мислат што да прават. Каква одлука донесовте вие што имате закажано свадби за септември, октомври и ноември, ги откажавте за наредна година или чекате да видите како ќе се одвива ситуацијата во земјава со вирусот? Благодарам.

 

Не знам искрено, јас имам за октомври и се мислам да ја откажам. Иако е покасно во годината, и да се стабилизира состојбата не знам колкав број од луѓето ќе се осеќаат слободни да дојдат, се си мислам дека голем број нема да дојдат и атмосферата нема да е опуштена....искрено не ми се прави така свадба. Се си мислам ќе почекаме уште малце па најверојатно ќе ја откажеме.

 

Јас пишав погоре дека ја откажавме свадбата требаше да ни биде сега во Јули. Сакаме барем да се венчаме во црква и да се регистрираме во Август и после тоа барем најблиските да се собереме во ресторан. Но како што гледам и тоа е забрането. Дали е некој во слична ситуација да сподели идеја како би постапиле во врска со ручек после регистрацијата, дали дома или пак во ресторан секако со мерките што се препорачуваат?

 

Има официјални мерки за свадби?

 

Мислам дека е подобро во ресторан. И онака е дозволено од семејство кое е на иста адреса да седат по 4. Ќе си се соберете,ќе ручате и готово.
Во многу незавидна ситуација се наоѓате сите кои требаше да правите периодов свадба.

 

Па и ние сакаме во ресторан, а сакаме и матичарот да биде надвор од матично на отворено, Само незнам дали и така ќе треба да сме само ние и сведоците, или пак ќе може и родителите. А за во ресторан секако само најблиските и да сакаме другари и другарки, планиравме да бидат само дел од свадбената веселба а не и од венчавката.

 

Сестра ми има закажано свадба за во октомври , требаше и веридба месецов ( со повеќе луѓе ) , но нема да се одвива по план , така што ќе бидеме само најблиските од наша страна и од страна на зетот . За свадбата , чекаат да видат што и како ќе биде , ако продолжи вака ситуацијата , ќе ја презакажуваат , а регистрирањето во матично , имаат во план да се регистрираат , па свадба како ќе даде Бог , ако е пишано годинава да биде добро , ако не здравје другата година со роденден и крштевка на едно ( чекаат бебе ) . Се надеваме сите дека ќе биде по ред се , ама никогаш не се знае .

Еден комшија имаше закажано свадба , за април , баш кога имаше и полициски и сите мерки со ред , ја одложија што да прават . Ќе биде другата година , така се во план со невестата , веќе и презакажаа .

Сепак , тоа е еден ден во животот , и јас да правам свадба сега , не би сакала да ги паметам гостите со маски и дезинфекциски средства , и со стапови од два метра за оро ( јер дистанца мора нели ) . Јас да сум на место на идните младенци , би презакажала , ако ми е закажано до месец август . За понатаму би чекала да видам како ќе се одвиваат работите , не би презакажувала веднаш , но доколку е потребно , би презакажала .

 

Другарка моја ја откажа за во октомври беше, јас мојата во април кога требаше да биде планирав да ја презакажам за во септември ама не ми стои како да ќе се стабилизира годинава така да ја оставив за нареден април. Фустанот ми беше готов и го земав, стои кај моите да не го гледам до тогаш и да не ми скисне од него, ама ако се поправам или останам бремена не знам што ќе правам.

 

Девојки знам неизвесно е никој точно не знае како ќе се случуваат работиве, но имате ли верба дека догодина ќе може да се прават свадби? За годинава немам надеж ни желба искрејно да правам, ама догодина би.

 

Ние оставивме за неодредено, ако дозволат би правеле наредно лето.