Е сега прашање, до сите: Зошто на 'невини' жени, се гледа на истото како 'успех'? Зошто двојни стандарди? Зошто има потреба од притисок и кон едните и кон другите? Не е 'маж' само тој што има секс. И не е 'жена' само таа што нема секс. *Поедноставувам, заради илустрација.
Зошто во сржта ние луѓето сме такви ситничарски покварени души кои сакаме да се мешаме каде што не ни е местото и да осудуваме други личности за своите постапки. Впрочем темава е доказ за вршење притисок и двојни аршини, само гледано од другата страна. Додека (порано) се врши(ше) притисок на жените да останат невини, се врши притисок на мажите да бидат искусни и да имаат веќе променето неколку партнери. Таков одговор на темава дадоа буквално СИТЕ, кои кажаа дека преферираат маж кој е веќе искусен и не сакаат истиот да го учат подоцна. @Vitaly поради своето неискуство и ставови за невиноста е скроз исмеван од страна на сите, со што му се врши притисок да ги промени ставовите и да го направи тоа побрзо со Х особа за да ги исполни критериумите на скоро сите од женскиот пол, во спротивно, не е прифатен од поголемиот број на општеството, а уште помалку гледан како потенцијален партнер. И сега океј е да не се сложуваш со ставови на некоја личност, но со вршење притисок кон неа, доколку има лабилен карактер и потпадне под тие зборови едноставно ќе почне да се менува и да гледа да го збогати своето искуство со повеќе партнерки, за утре, воопшто да има шанса да најде партнерка за цел живот која посакува баш таква личност која е успешна во кревет. И сите овие одлуки носат низа на секвенци кои негативно се одразуваат на разликите на половите. Поради преференците на истите, машките се учат да бидат колку што е можно повеќе "алфа", додека женските колку што е можно по "невини". Двете страни се осудуваат и исмеваат од општеството ако не се наоѓаат во оваа рамка. Во последно време, се разбира, модерни времиња доаѓаат, па така и критериумите се менуваат и можеше по темите овде да се види и како се врши притисок на девојчињата (посебно тие што веќе поминале 20 години) да стапат во сексуални води, и доколку не го направат тоа се гледаат поинаку, се исмеваат од околината и не се пожелни како партнери. Така да, ако има некој "прогрес" (ха, колку ова смешно звучи) е тоа што постепено преференците на двата пола се изедначуваат и сега притисокот за стапување порано во сексуални односи е кон двата пола. Дали ова некогаш ќе се промени и нема да има притисок? Не верувам. Не живееме во утопија и секогаш ќе бидеме за секоја наша постапка судени од околината, а и одбиени од потенцијални партнери поради некоја особина која ја поседуваме, без разлика дали е тоа невиност или поголем број на партнери. Заклучокот е дека воопшто не треба да се оптеретуваме со што мислат другите и да живееме живот по свои идеали и преференци, без да потпаѓаме на општествениот притисок и да ги удоволуваме хировите на другите. И да трагаме по личност слична на нас. Па така и @Vitaly со неговите ставови, колку и да не се сложуваме со нив, заслужува ист третман од форумов како што заслужува и Х личност со 20+ партнери, како и личност со 2 партнери и со било колку партнери. Тоа нема да се случи никогаш, затоа што прво тие што се жалат на двојни аршини, се баш тие што применуваат двојни аршини.
Познавам мажи кои не дефинираат невина девојка како некаков успех. Which is ok. Проблемот е кога ја сметаат таа жена/ девојка како 'фалична', заостаната итн. Како што некои сметаат дека невин маж е фаличен, заостанат итн. Што секако не е во ред. Проблемот е во предрасудите, осудувањето, кажување што е нормално а што не. Преференции има секој од нас, но не можам да кажам што е нормално а што не, бидејќи секој си живее за себе. Секој си знае за себе најдобро. Можам само да бидам со некој поради тоа што ми одговара на секое поле, дали бил невин (ах овој термин) или спиел со 30 +- пред мене нема да ми претставува проблем. Кога се создава вистинска конекција, емоционално поврзување не знам зашто би му придавале некакво значење на (не)виноста. Сепак сметам дека е невозможно да се ослободиме од овие предрасуди, макар и да се low key. Бидејќи се во облик на преференции.
It was about the time Муабетов за невиност не го разбирам, мислев изумрел пред 50 години ама на форумов гледам или воскреснал или излегол од пештерите кајшто бил скриен. Во секој случај, @Billy Idol ти си ми идол.
Па ако пишала некоја дека нејќе невин, не значи дека сите се согласуваме. Тоа е само нејзина слобода на говор. Работата е шо секој се прилагодува на понудата надвор....џабе и да преферираш невин партнер денес ко нема широка палета избор на такви....раритетни се, и да е невин, и се друго кај него да ти се погоди....тешко....
А што ако некој маж е таков, заради тоа што околината го моделирала така? Што ако чувствувал притисок да 'мора' да има секс на 15(карикирам), па за да најде аутлет и јустификација на својата состојба, се свртел кон нешто што на некој начин го 'оправдува' неговиот 'недостаток' од секс? Можно е да не можеш да најдеш партнер заради милион причини. И ако упорно ти се трие сол над глава: Ама мораш! А ти не можеш... која е опцијата? Или да паднеш во депресија оти 'ете тебе не те бива/не заслужуваш', или да најдеш 'оправдување' зошто си во таква ситуација. Екстремите во едно општество се симптом на дисфункцијата на тоа општество.
А што ако некој, сеедно маж или жена, избрал да нема секс од било кои причини, па нека се и догматски? Толку е тешко да се разбере дека има и доброволни целибатџии? Зошто автоматски тоа предизвикува потсмев ? Ко демек некој некому води сметка дали и колку секс има во текот на животот Исто, ама тотално исто ко што не би требало да води сметка и со кого има секс да речеме.
Никаде не реков дека изборот да бидеш во целибат треба да се иссмева. Сакав да го продолжам муабетот за притисокот врз оние кои се во целибат не по своја воља.
Ама тоа е многу интересно прашање. Од кај знам дали е некому наметнато или импутирано а некому изборно? Исто ко што не знам дали трансџендеризам е вроден или стекнат. Или некој кажува дека има проблем и се обидуваме да го разбереме и помогнеме, или некој е во нешто убеден, па или го прифаќаме убедувањето за валидно или го разубедуваме.
Не знаеме, затоа ќе пишуваме, за оние кои припаѓаат во тие што се во целибат не по своја воља, дека не треба да се чувствуваат лошо, и дека иссмевањето е за осудување, а нивниот 'недостаток' на сексуална активност.
Целава тема е исмејување, исто како и таа за ,,невина". Според воведот очекував да е во ,,Насмевка", а ако веќе дебатираме, мислењата треба да се сериозни како овие неколку погоре (вклучувајќи ги и твоите прашања Вајлд за тоа ,,Што ако чувствувал притисок да 'мора' да има секс на 15(карикирам), па за да најде аутлет и јустификација на својата состојба, се свртел кон нешто што на некој начин го 'оправдува' неговиот 'недостаток' од секс?", прашање кое отвора дебата, можност да се дискутира дали покрај желбата постои и друга причина, притисок и како сето тоа влијае на една личност). Ете, да може на еден начин да се размени мислење зошто едните мислат/прават/сакаат таков живот а зошто другите обратно, а не како првичните мислења назад 2,3 страни, полни со сарказам.
Сарказмот во уводниот пост беше намерен, како реакција на темата 'Невина до првата брачна ноќ' Реципроцитет.
Да се надоврзам на мислењето, за ова што невините девојки се нарекуваат фалични, заостанати, затворени, можам слободно да пишувам затоа што ми се има случено и тоа не еднаш, туку многупати. На Инстаграм ме праша еден дали сум била за секс и тоа привремено, а бидејќи не прифатив ми рече "Не е чудно што немаш дечко и ШТО СИ НЕВИНА" и плус ме нарече заостаната, назад во времето. А не му кажав дека сум невина. Друг ми пратил слика од неговиот алат без да му побарам и ме тераше да му пратам јас, а јас не сакав и ми рече дека не сум знаела да уживам во моменти. Малку сум надвор од темава, ама кога спомна за фалични, заостанати, решив да се надоврзам со мој пример. Во ред е да е невин, но да не ги навредува девојките што не се невини. Во ред е и да има секс, но да не ги омаловажува тие што не сакаат да имаат секс пред брак. На крајот на денот секој си одлучува за своето тело.
Според мене невиноста не е клучот ниту за среќен брак, ниту за брак без неверства. Ако си го најдеш вистинскиот човек до тебе, големо чудо ако не бил невин.
Млад сум и ќе се чувам невин до првата брачна ноќ. Зошто? Бидеќи сум воспитан конзервативно, традиционално и религиозно и мислам дека е така најреално. Религијата вели, ако сакаш жена, жени се, ако сакаш маш, мажи се а не да правиш разврат и блуд. Треба ли сега некој да има предрасуди во ова "модерно" време заради тоа што не сум либерално настроен туку конзервативно?
