Introverts united

Леле колку се смеам да знаеш ахахахаххахахаххахахаха
Среќа, добро е ахахахха

 

Јас имам прашање до оние интровертки што се по филмови и серии, со кој карактер од кој филм/серија сте се пронашле онака? (Интровертен карактер )

Спојлер

Знам дека повеќето се пронаоѓаат у Бела од Twilight saga филмовите-Кристин Стјуарт

Јас се пронаоѓам онака реално у Миранда од Сексот и градот (Синтија Никсон) и Кристина Јенг од Вовед во Анатомија (Сара Оу)

 

@nightingale, добар е советот да ја искористам заљубеноста како мотивација што ќе ме води напред. Како енергија што ќе ме води напред и ќе ме прави продуктивна и полетна, а не обратното. Ќе се обидам да гледам така на целата ситуација

 

Да се нашалиме малце и во вакви ситуации толкав интроверт сум што ноќеска кога почнаа комшииве да испаѓаат испаничени пред зграда си останав на 6ти спрат затоа што меѓу другото не бев расположена да бидам меѓу луѓе.

 

И јас испаднав со кучето, мачката, и два кафези со папагали, на долг ноќен фустан за спиење и со чантата со документи, па ме гледаа ко нездрава! Посакувам некој да ме сликал да ми прати, дури гледам по соц.мрежи на сатиричните содржини да не испадне некоја слика од мене со витлерите

 

Погодете кој чести прв во петок
Е сега, ги прашав дали имаат некое место на ум, а повратен одговор од повеќето беше дека би сакале дома да ги угостам и да им направам пици и пастрмајлии!
Првин се вџашив, ама послем помислив дека не е лоша идеја. На свој терен и ќе ги убедам дека колеги ми се за у канцеларија и повеќе не сакам да имам со нив. Ќе увидат колкава одговорност ми се милениците и ќе зборувам на оваа тема со нив. Можеби на ручек понекогаш може додека имаме пауза на работа, ама после работа едНоставно НЕ!

 

На твој терен најубаво ќе им објасниш затоа што ќе ти биде покомотно.
Ич не се срами,објасни им дека немаш секогаш време за собиранки.

 

Секако, а и месецов сум у големи трошоци, у ресторан требаше да платам голема сума, а вака ќе ги подмирам со две пици, две пастрмајлии, 2 шишиња вино, сок и десерт торта. Доволно им е, неќам да ми седат поише од саат ипол максимум 2, се поише од тоа почнува да ме гуши. Кај колегата на слава седеле до 12 ипол, а отидовме кај 8 ипол.

 

Секоја чест што си се решила на оваков чекор. Верувам дека не било лесно. Ама сигурен сум дека си уживала и дека сега веќе ти е полесно и поголеми предизвици да пробаш во животот. Се е полесно после првиот пат.

Немаш појма само колку пати сум се обидел да направам нешто сам. И највеќе што сум успеал е соло hiking и уживање во природа.
Во градски средини не сум се осмелил на такво нешто.

Инаку ме очекуваше еден голем предизвик минатата година кога добив работна понуда во Кина, со што се захтеваше да го променам животот комплетно, да оставам се зад себе и да заминам сам во нов, непознат свет за мене.
Иако ја прифатив понудата, се борев сам со себе со месеци, а и со сите останати кои ме демотивираа...
На крај сепак поради здравствени причини не заминав. Но, да не ме спречеше тоа сега ќе пишував од далечен исток.
Колку и да беше тешко, верував дека една таква промена во животот ќе беше turning point за мене и несомнено е дека ќе ме сменеше од корен и мојата рецепција кон светот.

Колку и да е тешко, нас интровертите ни треба некој јак стимул кој ќе не извади од комфорт зона и ќе го извлече најдоброто од нас.

 

Понекогаш тој стимул го добиваме од самите себе со една обична одлука колку едноставно и да звучи и баш во спротивни ситуации без можности кога сме принудени сами да си ги ствараме . Луѓето цел живот чекаат на нешто, навлегуваат во комфорт зоната и се губат во секојдневието што само се врти во круг и не се ни свесни/забораваат дека самите се одговорни за себе и својот живот во секој даден момент .


Убаво што ја спомна комфор зоната баш ова ќе го прашав,ова знае да биде проблем за интровертите како се справувате со иста и дали знаете да западнете во нејзината замка?

 

Сакам да излегувам од комфорната зона бидејќи на еден начин некако приметувам дека ми бегаат можностите. Но кога веќе сум излезена од таа зона, чувствувам вознемиреност и сакам да се вратам назад. Не знам како да го средам тоа.
Еве на пример деновиве излезе оглас за статисти и би сакала да отидам многу ама не сама. Знам како ќе се чувствувам.

 

Јас па секогаш си се држам во зоната на комфорт. Сакам рутина и точни планови, сакам познати места и не се чувствувам убаво со нови луѓе, не ширам нови познанства често. Не гледам некоја неопходност да го сменам тоа, иако многу луѓе ми забележуваат дека сум ригидна и нефлексибилна ама таа сум си јас. Искрено, немам во план да се менувам и не знам дали би можела, едноставно некои се пофлексибилни и полесно се приспособуваат кон нови места, луѓе и ситуации, некои не, не гледам проблем во тоа освен ако не ве попречува во функционирањето. Пак ќе кажам, мене ми е ок вака.

Денеска се договоривме да се слушнеме со либето на пауза од работа, можете да препоставите колку (не) успеав да си го соберам паметот по паузата Ајде, битно бев насмеана и весела

 

Кога веќе се спомна комфорна зона, мене не ми е тешко да излезам од комфорна зона. Напротив. Кај мене се потешки последиците од комфорната зона.

Ситници знаат да ме извадат од таа зона и после се чувствувам како да не сум јас. Како одделена од сама себе сум и имам чувство како прилично све околу мене да е непознато. Во непозната и страшна ситуација се наоѓам во тие моменти.

Се надевам не сум единствена или?

 

Не баш, м?

 

Мојава фризерка си молчи замислете Збори само ако и се обратиш

 

Јас па во тебе гледам еден голем мотиватор и пример овде како да излезеш од комфорт зона и да направиш промени во својот живот, се разбира на подобро.
Така да, не ти верувам баш дека си ригидна личност.
Не само ова е дел од таа комфорт зона што си го набројала. Ова повеќето од набројаниве нешта се должат повеќе на интровертниот карактер. Комфорт зона е повеќе кога немаш мотив нешто да промениш, а не си задоволен од сегашната ситуација. Како дел од неа спаѓаат и покрупни и помали работи за кои си излегла некогаш.
Заљубена си, во врска за која верувам дека во даден период некогаш и сега сеуште излегуваш од твојата комфорт зона поради личноста до тебе која те мотивира и прави да се движиш напред.
Го кажа примерот со работата која не ти се допаѓала, т.е самиот пат до неа и си решила да ја замениш. Тоа е излез од комфорт зона и превземање на одреден ризик додека да најдеш нели, нова и поубава работа. Доколку не си излегла од неа сеуште би се наоѓала таму каде што си се наоѓала безразлика на твоето незадоволство кон тоа место. И којзнае колку други примери за кои веројатно ако ретроспективно се навратиш, ќе ги видиш кај себе.
Значи се се сака и се може кога ќе бидеме притиснати на ѕид, тогаш и знаеме да дадеме одговор, да превземеме ризик и да промениме нешто.
Keep moving, keep flowing.

 

Баш тоа правевме муабет еднаш со другарка ми дека ако не излеземе од комфорт зоната нема да успееме никогаш да направиме нешто повеќе во животот. Правиме се што ни е сигурно.
Сепак се мотивираме една со друга за повеќе.
Инаку и мојата фризерка уста не затвара, последниов пат од премногу што зборуваше едната страна подолга ми ја остави од косата. Веќе не одам кај неа, дома кога појдов исцрпена бев ненормално.
Тука кај што сум е многу често тоа да видиш како некој сам седи на кафе или јаде во ресторан, викендов кога бевме во кино имаше многу луѓе сами што си дошле и е баш нормално тоа, никој не те гледа, никој не се смее едноставно секој си гледа своја работа, да го научам местово убаво ќе почнам и јас