Конкретно членката имаше пишано дека би ја тепала ќерката ако оди со шиптар, баш со овие зборови пишано. Така да не мислам дека е до досададата колку што е до презаштитничко и примитивно однесување на родител до степен на контрапродуктивност и уништување животи на свои деца. За други што ќе речат лично мене ич не ме засега, ама родител да дигне рака...
Да да ја знам ситуацијата и искрено после два дена уште се молам прво да добие мозок па дете а не обратно.
“Во Македонија ретки се модерни христијани за жал. Сите одат скоро во црква и се тешки верници. Сега е поопуштено за мешани бракови, порано тие што одеа со македонци се знаеше како ги викаа“ -Може и вака да се каже
Абе може секако,но 5 века турско створило омраза кон нив.Секој си се држел со своите.Има многу повеќе жени македонки кои се мажиле со муслимани,од колку обратно.Е па види кој се заостанати
Немам ништо против мешани бракови и самата сум во еден (етнички, национално, и религиски). Но морам да кажам дека е многу битно од каква средина потекнуваат двајцата партнери и како се однесуваат нивните родители. Патем и за немешани бракови е исто и паровите кои не се компатабилни по идеологии когај тогаш ќе имаат проблеми. И двајцата не сме религиозни, потекнуваме од прилично секуларни семејства, рамноправност на половите, итн, се запознавме на факултет и имаме согласни идеологии. Иако немавме никакви религиски обреди при венчавање и не посетуваме цркви, ние ги празнуваме скоро сите поголеми религиски празници како заеднички традиции. Немаме деца, но не би ги индокринираме во религии, но би сакале дефинитивно да ги зборуваат и двата јазика и да бидат запознаени со традициите и културите. ПС обрежувањето е чин на мутилација на половите органи. Во 21ви век има сапун и вода, па тезата дека е похигиенски паѓа во вода. Постојат многу лимитирани истражувања што укажуваат на маргинални хигиенски придобивки (и не спречува СПБ бог да чува), но исто така големи се шансите за осакатување и дисентизацијата е доста честа. Тоа е варварска практика на рамниште на обржување на девојчиња во Африка. Родителите немаат право на таква одлука во име на детето, освен доколу не делуваат во итни случаеви.
Не знам зошто се дига толкава прашина за мешаните бракови . Нашите ( христијаните ) не се толку упорни , затоа и ретки се браковите муслиманка - христијанин . Не знам за која југословенска песна ( или филм ) беше , муслиманка од Хрватска ( мислам , не ме држите за збор ) се заљубила во Србин , а и тој лудо бил заљубен во неа . Поради војната нивната љубов не успеала , таа до денот кога го испратила писмото на авторот , го сакала исто како првиот ден , но не успеала да стапи во контакт со него повторно после војните . Секако имињата беа изменети , но тој ако е жив , сеуште ја сака сигурно . Искрено , ако нема слога , меѓусебно разбирање и почит , поддршка во добро и лошо , џабе ви е да сте иста вероисповед со партнерот . Само што , како пар ќе бидете одобрени од околината . Мешаните бракови се посилни според мене . Тие што се не претрпеле додека стигнале до брак ехее ..
Мешан (верски) брак зависи од тоа какви верници се партнерите (колку екстремни). Јас не го сметам за мешан брак католици+православни бидејќи двете религии се премногу блиски и со слични вредности. Многу подалечна комбинација ми е атеист+верник, тоа се комплетно различни вредносни системи. Од друга страна, не гледам како муслиман кој верува дека жената треба да биде забулена би бил во функционален брак со христијанка. Сакам да кажам дека за бракот да биде функционален, партнерите треба да имаат слични вредности и верувања. Јас лично не би била со муслиман, не би сакала ни моите деца да бидат, ама не осудувам ниту имам проблем со луѓе во мешан брак.
Јас ќе бидам во таков брак. Јас православна, тој муслиман. Не сме нешто многу по верата, не ни пречи ова. Веќе 1 година сме заедно, дома не прифатија баш најдобро, ни моите, ни неговите, но сме возрасни доволно, па почнавме да живееме заедно во наш стан, без разлика на коментарите. Размислуваме и да се преселиме во странство, далеку од се и од сите. Моите родители уште кријат од сите дека имам врска со муслиман и се надеваат дека ќе се разделиме. Не споделив на социјални мрежи ни за тоа дека ме запроси зошто мајка ми плачеше, болна легна кога дозна, срамота ќе било луѓето кога ќе слушнеле. Не живеам за социјални мрежи, но ме повредуваат малку овие работи. Со неговите немам контакт некој, знам дека не ме сакаат многу, но нивен проблем. Важно нас ни е убаво. Не сакам таква фамилија ако сака да ми ја скрати среќата. Двајцата имаме иста одлука. Најверојатно ќе си направиме регистрација само со пријателите и нема да известиме никого. Не е проблем верата, важно е да се сакате со избраникот и да се борите против се.
Лесно е да ги избришеш твоите, тешко е да седнеш и да разјасниш. Зошто не седнеш со нив и ги прашаш- ако општеството ве прифаќа, дали тогаш би им било и ним прифатливо!? Збунувачки е, знам. Родителите за жал знаат да се припрости (сори ама така е) али какви и да се, наши се. Трчале по тебе х години... мислам дека вреди да направите муабет и да пробаш да ги убедиш да дадат шанса.
Не сум прекинала контакт со нив, само не го сакаат мојот избор. Омрзнато ми е одењето кај нив зошто упорно се прави муабет "ќерко, животот ќе го уништиш, муслиманчиња деца ли сакаш да имаш, да ти се презиваат така, таква вера да ти имаат, сунети да им правиме место крштевки, на твоето убаво име оди ли тоа муслиманско презиме", затоа ги одбегнувам.
Не е решение одбегнување. А христијани деца а со разведени родители поарно ли е? Мораш да најдеш начин да допреш до нив... ти си попаметна.
Сум пробала секако, доаѓал и вереникот кај нас да разговара со нив, ни сунети на деца планираме, ни крштевки, интернационално име ќе имаат децата, се сме пробале да објасниме ама залудно. Модерен е многу, не слави празници, не почитува правила на вера, не е фанатик по верата, затоа немаме ни проблем ние. Јас ни со христијанин кој е забеган по верата не би била, 21 век е, зарем книга ќе ни одредува живот ама стари луѓе, си зацртале некои правила од претходниот век и залудно е.
A зошто да се регистрирате воопшто? Тоа можете да го направите непосредно пред да имате деца, ако веќе го правите. Како што идат модерниве времиња, мислам дека нема да се решаваат луѓето на таков чекор, туку ќе бидат заедно се` додека им е ОК заедно.
јас во иднина така планирам доста ми е мажење. може да живееме заедно (дискутабилно), евентуално деца ако имаме може да ги признае ако сака. то је то.
Сигурно си млада,во моментов тој ти е се најверојатно Животот ќе продолжи и кога ќе созрееш ќе сватиш колку се битни родителите во животот Јас како мајка би била многу навредена и повредена да не присуствувам на така важен ден,или да не сум известена Тоа што не се задоволни со изборот не значи дека си им помалку битна Шо знам,јас сум мајка и сигурна сум дека очекувањата што ги имам за своите деца нема ни да се близу во иднина ама секогаш би ги подржала Разговарај и биди упорна,упорноста се исплаќа секогаш Во секој случај подобро него едноставно да избришеш некој кој живее за тебе[/QUOTE]
Вие религионзите што зборите дека мешан брак е католик и православен, очигледно треба да си прочитате за Христијанска вера па после тоа да коментирате или пак не ја знаете дефиницијата - мешан брак. Што се однесува за мешан брак ( брак помегу различни вери) нивен личен избор. Жално е што на ,,обичните девојки,, им паметувате а јавна личност кога е во врска со дечко од друга вера ок е за неа, баш е модерна со опен мајнд. Според мене подобро за биде у мешан брак, од колку детево да има 2 мајки или 2ца татковци. Во изводот на родени да им пишува мајка 1 и мајка 2.
Во моја близина има православнa девојка која е мажена за муслиман. Нејзин живот, нејзин избор. Е тука има едно АМА. Кога седам со дотичнава почнува да ја руга православната религија, да ме замара како не сум добра мајка оди му давам на малиот свинско.Колку само и го испраа мозокот да оди против "своето".
