Здраво, ми треба мислење од девојки за мојава ситуација доколку може... Пред не многу долго време на чуден начин се запознав со една девојка со која се зближив многу, за многу кратко време, сите што беа околу мене и луѓе на кои можев да им верувам ме зафркнаа и по многу дадени шанси од моја страна. Таа од некаде се појави и почна да ми влева самодоверба и чувство дека имам некој покрај себе на кого можам да му верувам па така станавме најдобри другари. Имаше многу голема сличност помеѓу нас и тоа почна да ме привлекува на некој чуден начин, почнував да чувствувам нешто повеќе од другарство но сепак не смеев да ја изгубам нејзината доверба и притоа веќе да не се чувствувам дека имам некого покрај себе бидејќи се плашев од тоа дека доколку и кажам што чувствувам, повеќе односот помеѓу нас нема да е ист, чувствував повеќе но се плашев да не ја изгубам како другар и личност на која и верувам и која ми верува... Тоа го споделив со еден другар кој во дадениот момент беше со мене иако знаев дека е погрешно и дека неможам да му верувам, што во секој случај иако беше погрешна постапка, го направив тоа. На едно излегување таа ми рече дека тој истиот другар и има кажано дека ја сака што воопшто не ме зачуди бидејќи луѓето околу мене се премногу љубоморни и се трудат да ми наштетат на било кој начин, е тогаш кога веќе лутината влезе во мене, и кажав се што ми лежеше на душата и се што чувствував, е тогаш ми рече дека се шалела и дека само сакала да ми ја види реакцијата, но воопшто не ми беше криво бидејќи на некој начин таа, тоа мораше да го дознае иаку ми беше страв. Тогаш таа ми рече дека сега е убедена и не верува во машко-женско другарство и дека многу работи се сменети, се случи токму она од кое се плашев, да ја изгубам како другарка поради тоа што го чувствувам кон неа, сепак многу е тешко да гледаш другарство во кое чувствуваш љубов. ШТО ДА ПРАВАМ И КАКО, бидејќи немам мир, кога и да ги затворам очите мислам на тоа... Доколку некој може, нека помогне, однапред благодарам.
Најпрвин потруди се да се одалечиш од тој твој другар ако веке го сметаш за другар,но јас мислам дека не ти е ама ич... Не се секирај таа што не верува во машко-женско другарство.. Пробај повторно да ја придобиеш на начин на кој најдобро умееш ти самиот.. Нормално ако не сака таа да имате нешто повеке од другарство па не жали толку машко си.. Самата и ти се чудам затоа што ретко кое машко признава вака како тебе браво.. Ајде со среќа...
Сега веќе незнам каде може да влезам, дали да пробивам во другарството дали па да форсирам да имаме нешто повеќе затоа што знам дека нема да остане рамнодушна со малку повеќе напор... Благодарам
Најпрво оддалечи се од твојот "другар", очигледно не ти е другар кога така постапил. Второ, ако си сигурен дека девојката со повеќе напор од твоја страна ќе попушти на тебе и ќе бидете заедно - пробај. Подобро да пробаш и да знаеш на што си, отколку да седиш и да чекаш и да не знаеш што ќе биде. Инаку морам да те пофалам за храброста што си ја имал да и признаеш дека си заљубен во неа. Поздрав и ти посакувам среќа.
Тензиите се намалија и пак сме на другари, што да правам незнам... Се се случи многу брзо, сепак фала..
Епа тогаш немој да ја форсираш за нешто повеќе. Остави малку нека се смири работата. Ако таа сака да има нешто повеќе меѓу вас, ќе преземи сама иницијатива, или ќе ти даде некаков знак. Сѐ најдобро.
@bluesky68 За разлика од останатите пак, јас мислам дека сега е време да НЕ БИДЕШ толку достапен некое време, па дури кога ќе видиш иницијатива од неа да се вратиш во игра. Сте биле другари, си и` признал (за што имаш пофалба од мене), таа чудно изреагирала, а со оглед на изјавата нејзина за машко-женското другарство, очигледно некој ја има гадно разочарано. А со разочарани и скептици, не знам колку вреди да си имаш работа, затоа што кај нив најпрвин треба ТИ да го расчистиш ѓубрето кое го направил некој друг и дури ниту тогаш не си свесен дека вреди и дали вреди. И на крај и двајцата страдате. Ова го знам од искуство. Спојлер Од женски аспект, јас се најдов еднаш во средно во позиција на девојката, имав другар со кого имав многу сличности, мене ми се допаѓаше, но бев разочарана бидејќи мислев дека баш ради другарскиот, не-срамежлив пристап ме користи како средство да дојде до братучетка ми и си велев дека не е фер да и` го преземам додворувачот, а на крај излезе дека било токму спротивното. И кога ми изјави љубов, го излажав дека имам дечко, но дека сакам да останеме другари, мислејќи дека јас сум утешната награда кога всушност такво нешто немаше. Јас бев средно, но тој не беше и беше попаметен од мене. Не, не бевме веќе тие другари, туку тој се дистанцираше и ме доведе во позиција да се молам за еден повик од него. Но, тој не го знаеше тоа. Му оставив впечаток дека сум си поиграла со него. Или можеби го знаеше, но сакаше да ми се одмазди. Сакам да кажам дека за да увиди колку и дали и` значиш, мора малку да бидеш на дистанца. Да не го забележи тоа, едноставно делувај понедостапно. Ако е заинтересирана за нешто со тебе, сама ќе преземе иницијатива. Ти веќе си направил голем чекор, си и` признал, остави сега таа да го направи следниот.
Другар според мене ништо не бива,сум понинал такви работи,само лажно ке се надеваш,верувај ми,треба да чудо да се случи за да биде нешто,најпаметно ти да си бркаш други,немој да ме сватиш погрешно,дај боже да биде како ти што посакуваш ама некако тешко ке ти оди. Поздрав и све најубаво
