1. Овој сајт користи колачиња неопходни за неговото функционирање. Ако продолжиш да го користиш, значи се согласуваш со нашата употреба на колачиња. Прочитај повеќе.

Бев одбиена поради предлог за брак

Дискусија во 'Љубовни проблеми' започната од herbst-girl, 13 февруари 2021.

  1. herbst-girl

    herbst-girl Истакнат член

    Се зачлени на:
    26 август 2013
    Пораки:
    65
    Допаѓања:
    86
    Здраво на сите,

    Бидејќи имам потреба да разговарам со некого, а немам некој близок, кој би ме разбрал сосема добро , низ се што поминувам. Одлучив овде да се обратам пред вас, Знаете дека некои работи не се за пред друштво.

    Се запознавме во странство пред 2 години сосема случајно за време на мојата студентска виза. За кратко време бидејки имавме слични погледи, сфаќања, размислувања се одлучивме да го унапредиме нашето пријателство во врска. Нашите градови во македонија се близу околу 70км, но во странство живеевме во ист град.
    По истекот на мојот студентски престој бев принудена да се вратам назад во Македонија, после 2 месеци врска, а тој остана таму. Подоцна поради корона кризата нашите средби во живо беа за жал невозможни.
    Имавме врска на далечина совршина и се сложуваме околу многу работи, па уште во октомври 2019 размислувавме да стапиме во брак и да се преселам кај него. Но услов за да заминам кај него беше завршен факултет. Тогаш бев непосредно на последната студиска година и имав стаж и уште едвај 4 испити. За пола година успеав да ги положам сите испити и ми остана уште дипломскиот труд. Веднаш штом ми остана уште еден испит тој го промени односот спрема мене, почна да не ми одговара на повиците кога го барам, да се однесува чудно и да биде фокусиран на моите мани од типот: штедливост, загриженост, чувството на мајчинството кое го имав, желбата за дете, мани од типот дека носам и купувам ефтина облека и накит и слично што реално и не ги сметам за лоши особини.
    За жал 3 месеци подоцна дипломирав, завршив факултет а него го нема уште да ми честита , а сепак пола година помина. Нашата последна средба беше во октомври 2020 година, се видовме за последен пат во живо решив да пројдам преку се и да заборавам на се, да му простам му кажав дека желба ми е да имаме дете и да сме заедно. Јас сум во сериозни години имам 26, но поради гинеколошки компликации неопходно е млада да се остварам како родител, тоа беше факт кој тој го знаеше уште од почетокот.
    Непосредно пред нова година уште од почетокот на декември пак му кажав дека сакам да стапиме во брак и конечно да основаме семејство. На што добив одговор да не го пртиснувам повеќе тоа нема да се случи. Дека лошо сум се однесувала кон него, дека не сум го ценела доволно и дека не сум му потребна воопшто.

    За жал изгледа за смеење но од него немам добиено поклон, не ми упатил убав збор или комплимент, не ми овозможи да заминам неколку дена кај него за време на пандемијата за невенчан партнер иако имаше можности и услови за тоа и беше одобрено од тамошната влада.

    Комплименти од типот глупава, смотана и дај да ти направам дете на ироничен начин (значи вонбрачно дете), итн стана мое секојдневие, а сето тоа ме боли многу. Боли помислата на тоа дека сум била обична нула во неговиот живот.
    Еве 2 месеци после нашиот последен разговор имам нелагода и анксиозно депресивна симтоматологија. Никој не ме разбира мене. По можност јас сум си виновна за се што ми се случува и сето тоа било моја вина.
    Најмногу боли што пробав на мајка ми и сестра ми да поразговарам но ете тие не се заинтересирани за мене и според нив пак сум си јас виновна. Според нив штом умирам по него треба да му се вратам, зошто да ме измачува на подмолен начин не се свесни дека всушност јас го оставив.
    Јас сум виновна, бев студент уште можев да излегувам, да се дружам, да запознавам нови луѓе и можеби ќе пронајдев некого за сериозна врска, а јас напротив се одлучив да бидам верна и послушна на наводно идниот вереник. Јас сум оштетена овде, а корона пандемијата ми отежнува да се реализирам не само на тој план туку и многу други активности кои ми беа цел на интерес. Од моето друштво уште јас сум немажена само за жал.
    Животот иде понатаму, морам сили да соберам, а дотогаш учам јазик и читам романи.
    Нека само господ се смилува зошто срцето ке ми пукне, не можам повеќе да издржам.

    Факт: Јас му понудив брак, а тој ми раскина!

    Драги девојки ке ви бидам благодарна на се, на секој збор, идеја, совет, начин како да постапам и да го поминувам времето. Се ценам и се доаѓа во предвид од ваша страна, па макар иако според вас сум виновна, а и темата е премногу детска.
     
    На andrejko82 му/ѝ се допаѓа ова.
  2. Dentina

    Dentina Форумски идол

    Се зачлени на:
    3 февруари 2011
    Пораки:
    3.379
    Допаѓања:
    35.753
    Хммммммм.....сакаш да cе мажиш и ради peer pressure? Као ти единствен отпадник, something wrong with you?
    Не девојко. Тоа е баш типично мислење на заостанати средини во Македонија, провинции ај да речеме иако не го сакам зборот . И јас потекнувам од друг град освен главниот и не земај за зло тоа што реков..
    Следно : ти не си крива за ништо. Ах да, крива си што си многу толерантна. Дечко да ми рече дека сум глупа, последно тоа ќе му биде речено. После само тишина меѓу нас.
    Како "за жал 3 месеци подоцна дипломирав" . ? За среќа дипломира.
    Типот е безвезњак, површен, го интересираат брендови облека очигледно, се надевам мама и тато не му ги купуваат, туку сам со свои пари..
    Како бре твоја мана дека сакаш мајчинство? Ноууууу...
    Си играл топло ладно, сериозно не заслужува 5 минути да мислиш на него, а камоли твојата љубов. И си решила преку се да поминеш. Не се поминува преку СЕ , оти тоа СЕ ќе те прогонува во брак после.
    Јас не би имала дете со ваков па последен маж на светот да е.
    Млада си ( иако може средината и ти мислите поинаку) , имаш уштр многу шанси за љубов.
    Цело патење за овој ќе помине, тоа сигурно .
     
    На MyMala, emilii111, CameliaMiller и 53 други им се допаѓа ова.
  3. Peperutce1115

    Peperutce1115 Форумски идол

    Се зачлени на:
    18 јануари 2014
    Пораки:
    2.488
    Допаѓања:
    22.683
    Не се чувствувај како виновник. Луѓето се разидуваат кога нивната врска нема перспектива, нема иднина. Дечкото токму тоа ти го кажал. Можеби употребата на површни коментари од типот "ефтина ти е облеката" е нешто што ни дава слика и прилика за човекот, ама ете, да речиме дека пробал да те стави на дистанца.
    Мислам, јасна е поентата на неговото однесување. Дечкото не сака брак со тебе, си поминал убаво тие два месеци и тоа е тоа.

    Од друга страна, ти сакаш брак само заради тоа што си "уште ти немажена во друштвото". Ако не си мажена, не значи дека си хендикепирана. Сама кажуваш дека уште си млада, почекај, оствари ги твоите планови, реализирај се, а човекот за брак попатно ќе си дојде. И детето се него. Можеби така размислуваш, заради здравствените проблеми кои ги имаш, ама не е само да го родиш детето со било кој. Бирај го таткото на твоето дете. Ти ја пишиваш иднината на твоето дете.
     
    На CameliaMiller, Milobebence, PaLaVa и 7 други им се допаѓа ова.
  4. Liu

    Liu Популарен член

    Се зачлени на:
    31 март 2016
    Пораки:
    723
    Допаѓања:
    2.498
    Пол:
    Женски
    Боли бидејќи си имала планови, а тој испаднал идиот. Сега може се ти изгледа црно и лошо ама верувај дека си се спасила. Тој на врска на далечина успеал да те навредува, да нема грам почит за тебе, и да има лице да ти рече дека си се облекувала ефтино и ред други работи. Можам да замислам што би можело да се случува доколку си во брак со него. Значи ти се спаси, таков обид за маж не ти е потребен колку и да го сакаш. Во однос на средината немој да мислиш дека на тие што се во брак од другарките му е совршено и соте проблеми му се решени, па сега уште ти остана неприбрана. Си изгубила време со таква личност, сега заслужуваш цело време што постои на светот да си го дадеш сама на себе. Почни да мислиш за тебе и твојата иднина во смисла за работа, усовршување,нови пријателства и прави ги активноатите кои тебе те исполнуваат. Немој да паѓаш во апатија за човек кој не вреди 5 пари. Ти си ги искажала сите чувства, планови со него а тој испадна толку емотивно глуп шо не се мери. А и најсовршен да беше неговото однесување воопшто ме ми се допаѓа, требало да прекратиш порано. Сега сврти нова страница и уживај во животот оти не си направила за среќа погрешен чекор, и среќа во несреќа е што тој си го покажал вистинското лице таман на време. Ти ништо не изгуби и се е како што треба да биде. Со крената глава и позитива ќе бидеш во ред и со текот на времето се повеќе ке сфаќаш дека си имала среќа што тој не е со тебе оти направил место за други вистински особи,пријатели. (fingers):l:
     
    На MyMala, Sarence, Martka и 12 други им се допаѓа ова.
  5. ocicka2014

    ocicka2014 Популарен член

    Се зачлени на:
    27 јуни 2014
    Пораки:
    4.068
    Допаѓања:
    13.143
    Пол:
    Женски
    Јас по муабетот сфатив дека ти мораш да се омажиш за да имаш дете поради здраствени причини порано.
    Не знам кој е здравствениот проблем, но да знаеш има опција да си замрзнеш јајце клетки за понатаму.
     
    На happygirl, AgentGinger, Milobebence и 9 други им се допаѓа ова.
  6. buba4e89

    buba4e89 Форумски идол

    Се зачлени на:
    1 август 2012
    Пораки:
    27.169
    Допаѓања:
    177.062
    Пол:
    Женски
    Не те гледам ко виновник а и нема за што. Ти си дала се од себе за него,максимално си се потрудила. Треба да бидеш среќна што таква особа те одбила, бидејќи во брак уште полошо ќе биде.
    Години за брак не се важни,некои имаат 30 па сеуште се сингл.
    А тој уште кога ти рекол такви зборови веднаш си требала да знаеш дека се red flags и дека нешто не е во ред. Човекот можеби си нашол друга а тебе не знаел како да ти раскине.

    Треба сама да си помогнеш, сама да си ги исфрлиш емоциите,солзите. Дај му време на времето,не гледај ги другите,гледај ти да си среќна. Најди нешто што ќе те исполни,што ќе те радува. Најди си некоја работа,некоја цел.
    Излегувај почесто,дал сама или со другарки. Јас живеам во странство и кога немам со кого сама искачам на кафе или пијачка и тоа воопшто не е срамно.
    Ќе ми пријде девојче рандом ќе си направиме муабет и така може да се склопи некое пријателство.
    Така и ти, важно е што мора ти самата да се избориш со твоите мисли и да ги пренасочиш кон нешто друго.

    Со среќа.
     
    На Guns N` Roses, VDT2906, deskarada и 5 други им се допаѓа ова.
  7. mira.mira

    mira.mira Популарен член

    Се зачлени на:
    14 февруари 2016
    Пораки:
    1.016
    Допаѓања:
    7.209
    Toj e idiot.
    Zamrzni si jajce kletki koi vo kolku ti trebaat pokasno ke gi iskoristis.
    Gospod te sochuval od zivot so nervozi I omalovazuvanje vo kolku si ostanela so toa momce.
    Ti najiskreno si mu se otvorila I si go sakala a toj bil nesozrean I ne te saka.
    Zivej go zivotot normalno,zapoznavaj drugi momchinja,sigurno nekoj te cheka so otvoreno srce.
    Sto ako site drugarki se omazile, na sekoj razlichna mu e srekata.
    So sreka I glavata gore , cvrsto chekori vo zivotot I ne se razocharuvaj. A toj ni da go poglednes ni da pomislis na nego.
     
    На Martka, hermosa, Tinushka и 4 други им се допаѓа ова.
  8. TrinityNeo

    TrinityNeo Истакнат член

    Се зачлени на:
    18 ноември 2013
    Пораки:
    456
    Допаѓања:
    833
    Пол:
    Женски
    Биди среќна што така постапил и ти ги отворил очите на време . .еден ден ке бидеш благодарна за тоа, ако вака прави сега што останува во брак да направи ,денот се гледа од сабајле ,излегувај, земи си милениче,најди си хоби и никогаш не се врти назад главата горе и гордо напред .со среќа
     
    На Плавуша123, hermosa, Осе и 3 други им се допаѓа ова.
  9. Autumn Love

    Autumn Love Истакнат член

    Се зачлени на:
    3 декември 2020
    Пораки:
    1.558
    Допаѓања:
    4.688
    Може ќе звучам грубо, но со што си оштетена?

    Ќе беше оштетена ако влезеше во брак, имаше дете и изгубеше години и години со човек кој што се понашал со тебе како што се понашал. Едноставно не сте се нашле на иста фрекфенција и тоа е. Да сакал тој, ќе те побарал за жена во било кое време, а не да си поставувате услови (не знам од чија страна) - кога ќе завршиш факултет, тогаш.

    Не сфатив искрено колку време сте биле во врска, ама како и да е, луѓе и по години брак се оставаат и сфаќаат дека не се еден за друг па караванот си врви. Тоа е животот. И не е само да влеташ во брак и направиш дете по секоја цена, биди среќна што не ти глумел туку ти покажал како стојат работите, зошто во спротивно тек тогаш ќе ја лупаше главата.

    И не разбирам, се осеќаш виновна што си останала без сериозна врска на цели 26 години? Извини девојко, ама не си престарена, животот не престанува на 30. Одамна излеговме од 20ти век. Жал ми е за твојот здравствен проблем, но еве, ти дадоа веќе членките предлог да си замрзнеш јајце клетки.

    Дај си време, не се ставај под притисок без потреба, живеј го животот, биди жива и здрава ќе си го запознаеш вистинскиот и од тогашна перспектива ќе се чудиш за што си се нервирала во моментов и може ќе му се заблагодариш на Бога што не биднало ништо повеќе меѓу вас двајца. Кога ќе дозволува ситуацијата, запиши некој курс или пак исконтактирај некои постари познанства, ќе најдеш луѓе за излегување, прошири познанства, клише е ама "што е за тебе, ќе дојде".
     
    На Bella •••, Alisa22, Rose96 и 24 други им се допаѓа ова.
  10. theowndemon

    theowndemon crazy cat lady Член на тимот

    Се зачлени на:
    17 септември 2013
    Пораки:
    12.534
    Допаѓања:
    155.423
    Пол:
    Женски
    Би ти рекла подобро е вака. Убаво е што сте се сложувале извесен период ама луѓе се разединуваат. И ако условот да сте заедно е тој да има забелешка за се и вербално да те измачува - посреќна си вака. И нормално е да се осеќаш лошо после врска во која си била инвестирана.

    Млада си, иако сфаќам дека рече сакаш да си мајка порано зошто нема да можиш покасно. И ќе бидиш. Секогаш има следен, а можиш и без маж ако толку многу сакаш потомство свое. Ова само го фрлам така како идеја. Ништо поќе.

    Жал ми е дека мајка ти и сестра ти не те разбираат. Им имаш опишано ситуацијата детално, како тука? И покрај тоа не разбираат?
     
    На KateKane, Milobebence, smooch и 3 други им се допаѓа ова.
  11. Ava.84

    Ava.84 Форумски идол

    Се зачлени на:
    12 декември 2015
    Пораки:
    4.484
    Допаѓања:
    32.510
    Пол:
    Женски
    Јасно е како ден ,си му извршила голем притисок на тип што го познаваш 2 месеци.Човекот не е бил спремен за брак и дете.
    Не си стара 26 години посвети се да си најдеш работа и од таму можеш да најдеш и друштво и партнер.
    Гледај на светлата страна подобро сега што избегал отколку да си останала сама со дете на 27 години.
    Уживај си во младоста и сингл.А партнерот ќе дојде кога не го очекуваш.
    Со среќа(fingers)
     
    На baby-star, spacegirl92, thelittle17 и 16 други им се допаѓа ова.
  12. bicycle

    bicycle Популарен член

    Се зачлени на:
    3 ноември 2019
    Пораки:
    4.687
    Допаѓања:
    39.962
    Пол:
    Женски
    Oф, какви дегени постојат.
    Срце ми се стегна кога те читав девојко @herbst-girl .
    А и не знаев дека човекот се гледа по тоа што носи на себе, о бре греву еден, грев гревосан типот.(facepalm)
    Тоа што сите се мажени во твоето друштво не значи дека ти како немажена ти фали нешто.
    Гледај на ова како услуга од негова страна затоа што сега доколку бил ваков кој знае каков би бил во брак.
    Навреди, понижувања е дел од сето тоа што би те чекало.
    Млада си, има многу риби во морето, не се фаќај за типот како слепа за стап па и да го бараш спасот во него.
    Да сакал да ти излезе во пресрет ќе се случило тоа и без да го молиш а тој пак ниту диполомирањето не ти го честитал, дно дна.
    Јас сум сигурна дека ќе успееш во она што го сакаш, да напредуваш во кариерата, да заминеш и од овде, но те молам, не се понижувај, не го барај, тој тебе не ти е потребен.
    Можеш сама, и ќе успееш сама.

    Единствена грешка ти е што си го молела и си се понижувала.
    Никој не вреди толку да го молиш и никој не вреди толку да се понижуваш.
    Тоа нека ти е лекција во следните врски.
    Глава горе, ќе се појави вистинскиот.:hug:
     
    На Martka, hermosa, ЕденЧлен и 2 други им се допаѓа ова.
  13. WildMk

    WildMk Форумски идол

    Се зачлени на:
    27 април 2018
    Пораки:
    37.714
    Допаѓања:
    283.175
    Факт е дека ништо на сила не бидува.
    Ако не сака-не сака.

    Што е однесува до притисокот поради гинеколошки проблеми, се согласувам со останатите, дека е паметно да замрзнеш јајце клетки.

    Секако не бил за тебе овој човек.
    Може во иднина те чека нешто многу подобро.
    Не очајувај.
    26 години не се многу па да се чувствуваш како 'да ти поминал возот'.
    Знаеш дека не е касно.
    Сигурна сум.
     
    На KateKane, thelittle17, Biljarkata и 4 други им се допаѓа ова.
  14. Celltica

    Celltica Популарен член

    Се зачлени на:
    15 јули 2020
    Пораки:
    4.234
    Допаѓања:
    27.786
    Ти ги разбирам чувствата, ама најобјективно, ниту си оштетена, ниту пропаднале сите шанси да се оствариш како мајка или сопруга. Посебно во денешно време со толку многу можности кои дел веќе беа спомнати.

    Најискрено ти кажувам, ако си влезела во тој брак во земја каде немаш никој друг, со човек кој не сака реално семејство, само ќе си го искомплицираш животот. И себе и на детето.

    Друго нешто, не си стварај притисок дека мора во моментов нешто да биде. Реално сите ние имаме желби кои заради икс причини не може да ги оствариме, но екстремното фокусирање и опсесирање со тоа е исклучително контра продуктивно.

    Имаш само 26 години и цел живот пред себе. Уживај во него.

    П.С. Од моето друштво само една е мажена. Сите сме 30+. Не значи дека едното или другото е правилно.
     
    На baby-star, MarijaMi90, DraganFem и 12 други им се допаѓа ова.
  15. ☆P!nselsp!tze☆

    ☆P!nselsp!tze☆ Истакнат член

    Се зачлени на:
    29 декември 2020
    Пораки:
    249
    Допаѓања:
    814
    Пол:
    Женски
    Човеков не е ништо крив.
    Подобро сега да ти каже отколку после.
    Ќе си најдеш друг со исти погледи кон иднината како тебе.
    Тој едноставно може сакал на 40 да стапи во брак, може не сака ич, може не сака со тебе, во меѓувреме засакал друга и тоа е тоа, животот продолжува напред.
    Во друштвото може си немажена ама не си и во светот само ти немажена и тоа на 26 години.
     
    На Amelia, Stressed Out, violetblue и 5 други им се допаѓа ова.
  16. duffi

    duffi Форумски идол

    Се зачлени на:
    14 април 2011
    Пораки:
    12.495
    Допаѓања:
    144.177
    Јас па не гледам дека нешто ептен лошо направил. Можеби не е најфино како се понашал на крај, ама очигледно не му било до врската повеќе.

    Се забавувале додека се забавувале и решил момакот да стави крај. Поарно така отколку после да биде пу не важи.
    И десет годишни врски завршуваат на кои се планира и брак и се по ред.

    Девојката е повредена, нормално, не и е се исто ако има чувства. Млада си. Почни со работа, излегувај. Ќе запознаваш многу нови луѓе. Фокусирај се на нешто друго. Ќе дојде и љубовта. Оваа не била правата, очигледно.
     
    На KateKane, black-angel, Ambitious и 9 други им се допаѓа ова.
  17. Tanjamm

    Tanjamm Форумски идол

    Се зачлени на:
    6 октомври 2011
    Пораки:
    7.998
    Допаѓања:
    11.119
    Си згрешила што си го молела и си предложила брак. И ти си го притискала. И мене сега некој маж да ме напнува дека од медицински причини мора да има дете, големи се шансите да му киднам. Со напнување и со сила не бива ништо. Млада си, како што ти пиша една феминка погоре, бирај татко за детето. Не е сеедно. Не знам за каков проблем станува збор, но медицината оди напред. Не очајувај.
     
    На baby-star, FVP, MayDiamonds и 13 други им се допаѓа ова.
  18. Dentina

    Dentina Форумски идол

    Се зачлени на:
    3 февруари 2011
    Пораки:
    3.379
    Допаѓања:
    35.753
    И велел дека е глупача, на пример?
     
    На eliesaab, tina2018 и Celltica им се допаѓа ова.
  19. duffi

    duffi Форумски идол

    Се зачлени на:
    14 април 2011
    Пораки:
    12.495
    Допаѓања:
    144.177
    Мислев на предлогот за брак што го одбил.
    За другото очигледно лошо се понашал за да се отараси. А она упорно ќе го моли. Јас би пресекла веднаш и чао. Нема потреба од толку драма.
     
    На baby-star, spacegirl92, hermosa и 4 други им се допаѓа ова.
  20. Emotional123

    Emotional123 Форумски идол

    Се зачлени на:
    5 јули 2011
    Пораки:
    8.460
    Допаѓања:
    39.664
    Пол:
    Женски
    Дечкото од една страна е кретен ама од друга, гледаш дека е несериозен и незаинтересиран за нешто поголемо, не дека јасно ти дава до знаење, туку ја преминува и границата на јасно со навредите и понижувањата.
    Треба да си ја подигнеш самопочитта и да се откачиш од некој кој не те гледа вредна ни за телефонски повик, а не па за брак.
    Што очекуваш од него, магично да се смени?

    Само си трошиш време, живци и гордост.
     
    На baby-star, cresa-jagoda, Tanjamm и 1 друга личност им се допаѓа ова.