Во врска со женет!

Прочитав јас убаво што напишала таа, и нејзиниот пост ми е многу конфузен искрена да бидам. И реков јас дека не ја осудувам, не сум никаков фактор јас на земјава да давам пресуди кој е крив а кој е прав. Ако не била расположена да ја критикува некој, темава не требало да ја отвора на прво место.

Љубовта не се планира како прво и основно, не може како компјутерска програма да се направи, денес сакам утре не, тоа е малку покомплексен процес, но затоа со кој човек ќе легнеш навечер се контролира и тоа како!

И искрено јас не го сфатив нејзиниот пост како да сфаќа во што е навлезена. Јас ја сфаќам неа дека многу и е гајле за жената и за детето, и дека ич пет пари не дава за ништо друго, освен за да си биде таа задоволна. Ставете се прво сите на местото на неговата жена, па потоа бидете либерални!

Дали оправдувам неверство? Не оправдувам, не сум толку либерална, но ако има некој мерач на либералност каде голема либералност е да го оправдуваш ова, тогаш јас сум затворена како школка и заостаната. И да, подобро да бидам заостаната отколку од мојата уста да излезе збор кој би го оправдал ваквото нешто.

Ако навистина се има каење кај неа (што не верувам дека го има) и желба за одење понатаму, нека и е со среќа што да и речам друго. Само пред да ја браните, сакам од нејзин пост да прочитам дека е свесна што направила, дека се кае, и дека сака да стане подобра личност!

 

Драга Љубовнице,мислам дека ти добро си го знаеш одговорот на твоето прашање.Бегаш од реалноста и се криеш зад нечиј туѓ живот.Не те осудувам,ниту те подржувам.Јас познавам една храбра жена-мајка што после 15 години во брак дозна дека сопругот ја изневерувал 10 години со друга постара жена.Таа се разведе од него и сега замина со дечињата во Данска каде што работи како докторка и е вљубена во еден човек.Така да мојата пријателка многу добро помина со разводот,додека нејзиниот бивш сопруг моментлано е во затвор,а љубовницата го остави.
И ти си во еден вид затвор и чекаш некој да ти го даде клучот за да можеш слободно да полеташ.Мислам дека треба да го земеш животот во свои раце и да пораснеш побогу!!!!!

Се разбира ако ова сето е вистина што го кажуваш,не знам зошто ми мириса на лага????

 

И така ден пред 8ми Март на форумот се појави уште една надежна стара мома, заљубена во некој дедо (стаж:10 години), кој се потешко и потешко поттикнува сексуални нагони, а башка е и женет, во придружба на алтернативен профил именуван како Водничка1, за да си се одбрани како што е редот(се извинувам ако сум гешка)
Јас не мислам дека си воопшто добра ситуирана, а ако си тоа сигурно не си го постигнала сама. Луѓето кои постигнуваат сами се ИНТЕЛЕГЕНТНИ што не е случај со тебе по прикажаното
Погоре споментатите интелегентни луѓе, МИСЛАТ. За иднина, за сегашност, за што е ОК, а што не НЕ. Сигурно некој паметен нема 10 години да потоши на некое старче, без пород, без никаква иднина. Тој и да си го прчи, негов проблем, ти треба да мислиш, али ете тоа не е случај кај тебе.
Никој овдека, ни никој општо нема да те оправда. Не знам ни како живееш самата со себеси, знаејќи дека си вмешана во некој брак. Најмногу што можиш да направиш, е да ставиш одма крај, промажисе ако даде Господ, и тоа парите што ги имаш сите на детето да му ги префрлиш, оти и онака ке гориш во пеколот, место да се печеш на 250, печи се на 150
Водничка1, не изигравај дрвен адвокат, и не се брани. Свети Падапија да слези на земјата, ова нема да го сфати

 

Се согласувам со тебе.Иако нема каење,во еден пост напишала и дека не му е гајле за жената на дотичниот,и дека сама си се довела во таква ситуација.Многу се изнервирав.Како ќе и биде на неа,мажот и да ја вара (зошто има одредени психички проблеми) ,а швалеркава да вика сама си направила?
Катастрофа

 

зошто немате односи???? па и сама си кажа дека тој освен тебе има и други...

ништо немора да правиш само спреми си ги куферите, картата до твоето омилено место каде ке останеш колку ке ти биде потребно време... и клуч на врата за него засекогаш....

 

Аман бре луѓе, доста морализиравте...да не се преправаме дека вакви врски не постојат и сега ќе осудуваме, ќе критикуваме...
Девојче, топло ти препорачувам што побргу да излезеш од врската во која нема иднина. И потополно те разбирам, зашто и самата бев во таква ситуација, иако бев најголем противник на врски од ваков тип. На почеток незнаев дека е оженет, а кога дознав веќе беше доцна и ми пројдоа 7 години од животот. Тешко е, но времето лечи се. Излегувај, забавувај се, патувај некаде, не барај друга врска, остави си доволно време да размислиш што и како понатака.
А за коментарите од типот: „замисли како е на жена му", потполно се сложувам дека нема зошто ти да мсилиш на неа, нека мисли тој. А нека се замисли и жена му, зашто ако не си ти, ќе биде некоја друга итн.
И извинете сите, но нас жените ни е полесно да не се соочиме со вистината, да мислиме дека неверството се случува некаде „таму", или дека тоа е само една фаза во животот на „саканиот сопруг" и после сетоа тоа се ќе биде како порано. И зошто секогаш да се напаѓа другата страна, наместо него или пак да се запрашаме да не случајно и сопругата придонела маж и да отиде кај друга? Па ако се било во ред со тој брак, зошто тој би бил во долга врска и со друга? И немојте да ме разберете погрешно, не велам дека девојките треба да се впуштаат во врски со оженети, баш напротив, само сакам да кажам за да се слуѓи тоа има многу фактори, односно дека вината можеби лежи и кај брачните партнери.

 

Не можев да се воздржам а да не прокоментирам на оваа тема. Најпрво самиот наслов на темава боде очи и на мене стравотно ми делува...Коментарот ќе го почнам со тоа што ќе копирам една реченица од постот на Љубовницата, а тоа е следново Тој е фамилијарен човек со деца , но нема никаков фамилијарен живот. Фамилијарен човек со деца, а нема фамилијарен живот... Па ако е вака како што велиш Љубовнице, зашто твојот сакан не ја напушти жена му и да биде со тебе? Бидејќи велиш 10 години се плеткаш со него и имал емоции кон тебе... Тој си го прошол своето, се оженил, отворил куќа, створил деца итн..А, ти? Најубавите години ти ги сјебал во животот и те ставил во позиција да живееш со лажна надеж во мислите и да се надеваш дека ситуацијата ќе ротира во твој прилог Жената и децата тој нема да ги остави поради тебе, 10 години не ги напуштил, а нема ни да ги напушти...Во оваа ситуација иако жена му е таа што е изневерувана и лажена, верувај дека од друга перспектива кога го сите ние го
гледаме ова, ти си таа што е крајно понижена и без трошка морал..Тој со таа жена се венчал, кажал ДА пред Бога и створил деца, а со тебе што направил? Знаеш добро, нели? Дури имаш уште време пробај да тргнеш по друг пат во животот и најди некој друг, а не втора виолина да му бидеш на некој гад како овој. Сврти нова страница, макар и пресели се на друго место, ако во градот во којшто живееш те потсеќа све на него...

 

Ајде малку на поведри теми. Сигурно љубовница свати премногу од сите коментари. Веројатно јас ја осудувам бидејќи се наоѓам на другата страна. Тешко е да се чува дете без маж, без егзистенција, без татко кој толку многу тежнеел тоа дете да се створи. Веројатно во љубовница го пронајдов ликот на љубовницата на мојот поранешен сопруг. Сето ова многу тешко ми паѓа и се чуствувам многу лошо, повредено, но треба да се смогнат сили и да се продолжи понатаму. Ако сега е љубовница, утре како жена можеби истото ќе и се случи и на нејзе. Секогаш треба да се стави на кантар кој кого повредува и колку. Можеби е ок да се влета во таква врска, но каде што никој нема да биде повреден. На пример има многу бракови кои фигурираат само на папир и ја одржуваат врската поради децата. Сосема ми е нормално да се пристапи во таква врска, тука никој не е повреден. Жената си оди на својата страна а мажот на својата. Децата ја добиваат подеднакво љубовта од двата родители, ама тука????
Се сложувате ли??????

 

Јас не можам да сфатам како можела девојкава , пардон љубовницава да биде толку глупава..се извинувам на изразов ама навистина е глупава..ако ова е вистинска приказна иако се сомневам како што кажа Fearless...целава приказна е апсурдна, глупава и измислена...
Претходно имаше некој коментар кон Нена 2010 дека ја осудувала затоа што била мажена...еве јас ти викам мажена сум и те осудувам, да ти за мене си растурикуќа, расипничка и некоја која не се цени ниту себе си ниту никакви морални вредности..во една тема претходно реков- лисицата мрда со опашката, а кој ќе тргне по неа...зависи од човекот..и немој да се вадиш дека не си можела да престанеш, не можеш да одиш понатаму и др. бла бла бла сра*а...10 год. сте љубовници, а жена му појма нема, како да не...нема шанси, тој доаѓа кај тебе, го нема со часови дома-изгледа жена му ептен нафта пие...или нема каде да оди, нема излез па го трпи, за греота...колку само сето ова е лага...чисто тролање...Па уште и др. девојка денеска зачленета која 7 год. била љубовница, па како демек она ја разбира...па претходниот дрвен адвокат-Водничка, ама ајде....

Спојлер

Им се извинувам на сите феминки за вулгарните и недолични зборови во мојот пост

 

Најсериозно ќе земам и ќе повратам на сила Од ведро небо се појавува нов профил со само едно мислење и тоа напишано во темава. Нафта не пиеме, поскапе

Дај ајде, не морализираме, ама како што сум рекла еднаш, во моите очи сте курви, а исто и во очите на народот. сигурно кога некој ќе слушне дека на пример Митра оди со Станко, а Станко е женет нема да рече `Леле алал да и е на Митра!` туку ќе рече `Леле курвиште, растурикуќа!` И дајте нека ви стане еднаш јасно дека тоа е така и ќе остане така долго време, барем овде на нашиве простори. Незнам што очекувате, аплауз случајно? Се трудам некако да разберам ама Побогу неможам бре, можам само да советувам да се тргнете настрана и да продолжите со животот.

 

Знам ама немам сила да го оставам , а желба за маж немам. Пробав на неколку наврати одев со дечковци но со сите тие одев само колку да одам , да ми беа мили симпатични но со никој не доживеав кога ке ми се јави да имам пеперутки во стомакот. И од тие врски не излезе ништо.
Koлку и да звучи егоистично за неа јас не размислувам , јас не сум таа што треба да мислам како таа се чуствува , таа има проблем , ако не сум ја ке е друга тој така е створен и тој таков ке биде до крај. Поентата е сакам да слушнам има ли некој кој имал нешто вакво и како успеала да го реши.
А тоа дека сум врзана за него и дека младоста ми е со него помината е многу точнно , едноставно не можам да се змаислам без него. Кога сум скарана и слично јас сум тапа ептен, па дури добив и тахикардија од него. Тешко ми е многу : А башка што оди и со други , маж-куче.
Па да немав немаше да пишам и да се посоветувам , а дали има контакт со други , секако даека има , не би рекла врски него кај му упали не се мисли.
Мног би сакала да соберам храброст и конечно да се почуствувам слободна , и колку и да звучи претерано се повеке сакам дете да си направам , зашто ми летнаа годините а нништо не направив на приватен план , на професионален сум одлино , ама приватен нула. Ме фака и мислата дека ми е време за деца и да не губам уште време од биолошкиот саат на жената , иако еден период имав една намера да имам дете , и без маж ама сега више се ми е измешано и чуства и емоции , и омразата кон него. Не знам стварно ми е тешко. Со текот на годините ме оддели од се , значи детството и младоста со него , пријателите по своиј пат која мажена која со дете кои , си фатиле други патишта и сега ако се запрашам не знам на пример на кого да му се јавам и да излезам и да се журкам?
Токму така од мене никогаш не сум побарала да се остави дома или да вршам некој притосок , од моја страна бувално таков нешто немало во тој поглед е многу слободен.
А тоа што реков за журкање беше само преносно значење на излегување мислев, бидејки погоре некој ми рече иди журкај се.
А за тешко е многу тешко верувај.
Значи јас не сватив сега , него решавањето на проблемот се го одложував со помислата дека има време, бидејки ми било убаво и сум сакала многу. А тоа што одел со други тоа друга приказна , а немој да мислиш дек ане одат и сите се верни сите одат кој помалце кој повеке, кој повешто прикрива кој сам се фака у мамката. Иако тие со кој што одел биле ицидентни некои девојки , денес ги има утре ги нема и така.
Па не би рекла баш дека сум во таа категорија имајки предвид дека јас со него сум 10 години , а таа категорија што ти ја споменуваш со намера да навредиш се девојки за една ноќ , кои си имаат некој си нивен начин на гледање на живот кој мене не ме интересира.
Второ тој од 24 саата 16 е со мене.
И трето , јас не го терам никого да остави ниту му вршам притисок , а за неа да се секирам . А зашто? Па таа има проблем дома немам ја ? Јас со неа немам ништо? Тој има и таа има со него , а мене тие односи воопшто не ме интересираат.
Значи не дека седам дома , јас сум слободна јас излегувам се шетам , со него сум била и во кафана и во кафич , и на собиранки и на одмор значи не е тоа,дека седам дома во 4 зида. Поената е дека многу ми е тешко да го направам тој чекор , премногу сум врзана и премногу ми значи,се пред се навика, па куче да е да ти умре , ке жалиш. Јас не дојодв на форумот да ме жали или оправдување да барам сакав да споделам со надеж дека имало вакви случаи кои позитивно излегле за женската страна. Далеку од тоа дека не знам , не сум свесна што сум направила , а само најдов на коментари на сожалување и другите коментари од типот на омажените со сопруг дома кој веднаш ме нападнаа како да нивниот сум им го зела, и дека само жените се криви а сопругот не е, мислам дека не е во ред.
Јас имам проблем да го оставам ,премногу сум врзана за него и го сакам признавам. И кога прв пат бев со него не мислев дека ова ке трае и не влегов во таа авантура со никакви мисли и цели какви што денеска се развија и во оваа ситација во која сега денеска јас се наогам и знам дека е по моја вина. Но тогаш не мислев така.
Зашто не ме интересира жената? Зашто ја со неа немам ништо ниту сакам да имам прво. Кажав и погоре некој кој има обврски према таа жена е тој човек, а ја не можам на некого тоа да му го кажувам нели сите сме возрасни си ги знаеме своите права и обврски. малку ми се мене проблеми па и уште со неа да се оптоварувам.
на крајот на краиштата во кој свет живееме , демек денеска сите се ставаат во нечија ситуација пред да направат нешто? Или некој тебе , мене или било кој ке сожалува пред дат и направи било што лошо? Тоа само во романтичните филмови го има.

^^^^^^^^^^^^^^^^^^^^^^^^
Постираните одговори на ЉУБОВНИЦА.
Болдираното ти дава одговор зошто не можеш да го оставиш.
А искрено мислам и дека и нема да го оставиш, затоа што тебе сето ова ти преминало во навика.
Парови по 10 годишни врски во пракса се венчаат, создаваат семејство.
Ти не сакаш да се бориш, туку вака ти е подобро. И не ме сваќај погрешно,
ама мислам дека многу лесно можеш да си продолжиш во животот,
и има многу подобри работи, отколку животот со 40 годишен прељубник.
Поздрав!

 

Љубовница,ќе си дозволам да ти доловам како звучиш,може полесно ќе ти оди во одвикнувањето.
Јас сакам да сум негов емоционален заложник.Сакам да ме манипулираат и да бидам само опција,тоа и го заслужувам,затоа што јас немам храброст и сум кукавица,а истовремено и немам разум,не се сакам себе си.Јас не се грижам ниту за себе,ниту за било кој друг,јас се чувствувам ништовно,а паралелно со тоа не ме интересираат и туѓите животи,заслужуваат да им е така,затоа што и мене ми е.Јас немам почит кон себе и се чувствувам не сакано и не добивам доволно внимание од моите блиски и светот.

Извини девојко,ама ти живееш во романтичен филм.

 

Ставивме премногу акцент на ова. Не се сложувате?

 

Ја жалам само таа што му е жена на тој идиотот што си игра мајтап со неа.
Сигурно е некоја жена која нема каде да оди па мора да го трпи и тоа кучето и тебе покрај него!
Како не те гризе совест и како можеш да спиеш ноке јас незнам, при фактот дека некој поради мене страда, не би можела да заспијам , а не да живеам со тој факт 10 години. Не дека си крива, туку зошто ти да бидеш таа, поради која он ке им фали на децата?? Нека најде друга, па нека биде таа крива во очите на неговите деца.
Не си ти крива, на тој треба да се најде некој паметен да му го исече па да видиме кај ке иде, куче едно. Кучево мое не се качува толку на женки ко твојот љубовник-дечко или што и да ти е.

 

Ја гледам темава, и за еден ден 14 страни, значи сте биле многу активни и зедов да читам. Читам, читам и сфаќам дека уствари се обидувате да ја исправите Крива Дрина.

Девојката не чуствува никаква одговорност и после 10 години врска, таа го прифатила тоа дека е втора и свесно била во врска со некој кој е развратник, неверен сопруг и никаков родител. Вели дека е одлично ситуирана и дека има одлична работа, но џабе е се кога таа не умее да нарави добар избор на животен сопатник.
Неможам да сфатам како некој може да не е свесен за своите грешки и тоа на така долг период. Дозволила социјалниот живот да и биде 0, и да се посвети на некој „паметен“ кој умее две да врти во исто време а некогаш и повеќе, значи типот е обдарен со посебни способности, можеби се телепортира, клонира и сл. Како и да е умее да задоволи неколку жени одеднаш, а некој неможе ни една.

Јас не знам девојките со кој памет се впуштаат во врските со толку постари господа, таа пред 10 години имала 18 а тој 30 + и женет, уште од старт ништо не е како што треба. Јас на мои скоро 20 години со некој од 30 не благодарам, прво не гледам иднина, второ многу е постар макар и за авантура.

Но девојката пред 10 години била добро изманипулирана, и тоа константно траело 10 години, се до денес кога можеби од сабајле се ја удрила главата во некој ќош, па закржлавениот центар за рационалност во мозокот и проработел и сфатила дека не иде така.
Но ете сфатила дека греши, и сега сака да го остави сака семејство, дете, сопруг...Гледа дека погрешила и дека со тој човек неможе да има иднина, тој не би сакал да се обврзе за една цел живот му шета гзот и преку ноќ нема да се смири.

И јас незнам што е тука толку комплицирано, девојко лупни му врата, кажи му нека си оди кај жената и децата. Го сакаш можеби, но ти знаеше од почетокот дека тој си има свое примарно семејство и врти-сучи ќе и се врати на таа дома, и ти го засака. Самата си виновна за тоа, тешко ќе ти биде да го оставиш и да започнеш од почеток, но мислам дека ти е време.
Проживеј си го животот, ти си сеуште млада и ќе си најдеш пријатели, партнер и т.н. само цврсто, и увери се самата себе дека тоа е она што ти е потребно. Ние овде не 14, и 114 страни да напишеме е џабе, ти треба да тргнеш сама од себе ко за почеток.

 

Епа Љубовница вака, не е да те осудувам, не да ти кажам дека си за жалење и да те жалам, но ке ти кажам дека ти девојко си навистина за греотаhttp://forum.femina.mk/posting.php?mode=reply&f=50&t=5381#. Викаш дека имаш 28 год. и според таа возраст кај жените треба да си навистина зрела и изградена личност, но според све тоа што го имаш претходно напишано ти си крајно збунета и не ни знаеш што сакаш а камоли да имаш некој свој став, кажуваш дека си ситуирана и не зависиш од тој човек кој па е ептен за греота (он си е башка муабет) и за тоа не се ни трудам да те разберам (да зависеше ке сфатев некако) ама вака ... Иначе мое мислење е дека и двајцата сте си се погодиле ептен, искрено мислам дека и немаш видено во животот некоја тешкотија па затоа и немаш свој јасен став а камоли целосно да си изградена ко личност, ситуирана си највероватно од страна па си дозволуваш ваков луксуз цели 10 години, пробај да се сретнеш во животот со прави животни проблеми па ке осетиш дали можеш и сакаш да се замараш со даденава ситуација, ако си ти по цел ден на работа и за да заработиш за добра ситуирност ти ке немаш време за самата себе , а камоли да се замараш со некој крајно неиживеан кој исто така нема видено мака, чим може со тебе да е 16 саати во денот, дај почни девојко да живееш вистински живот, верувај оваа твоја бајка многу скапо ке те чини кога еден ден ке се разбудиш и ке видиш дека имаш 38/48 години и си сама, што ке правиш тогаш ???

 

Ке бара некој да ја земе и да и направи деца за да има своја фамилија. Само да не и е касно...

 

Драго ми е конечно што најдов некој што ја имаа прележано мојата болест и храброст да пише , само пази ќе бидеш и ти остро нападната. Исто како ѓто бев и јас и каде само мојата моралност се оценуваше и сите беа по совесни од мене а јас сум таа која нема совест што навистина ме зачуди , и не ми е јасно како не им е јасно дека животот на тааа жена не ме интересира,требало јас да мислам на неа и како и било нејзе , како да живееме во свет во кој се е розово па сите , пред да ти направат нешто мислат како ке ти биде, мислам тоа се прикаски за мали деца. Јас не велам дали ја жалам или сакам , јас немам што да чуствувам за неа , и на крајот на краиштата таа не е тема на разговор.

 

мислам дека јак фетиш и е мазохизамот

 

Како си го замислуваш твојот живот после 10 години? Што очекуваш од животот? Што всушност сакаш ти? Навистина ме интересира како размислуваш?