Врска со роднина

Се збунив .. децата на маж ти се и твои деца а истовремено и твои правнуци .. и јас се изгубив со роднинскиве врски .

Во фамилија имав случај , кога втори братучеди откако направиле бебе разбрале дека се всушност втори братучеди . Последица на тој брак е , едни исти луѓе ми се трети братучеди по баба , а четврти по дедо . Нејсе , сопружниците што биле втори братучеди имаат две здрави ќерки , двете со фамилија , за жал тој чичко ми почина многу млад при пад во провалија за време на лов , а нина ми е жива и здрава , внучиња чува . Нив судбина ги споила , двајцата млади , излегувале некое време , направиле дете пред воопшто да ги запознаат фамилиите . Кога ги зачознале двете фамилии , веќе било предоцна .

 

да да. По "математичките пресметки " на роднинскиве врски така би дошло. Според мене не сум поддржувач на врски со братучеди до 3то колено (3ти братучеди) а се друго е излишно. Е сега да се случи да се фамилија а да не знаат е друго. Затоа сметам дека децата треба да се дружат и да си ја запознаваат фамилијата а не ако мама и тато се искарани со браќата и децата не треба да се видат

 

Исто и јас . За жал не секогаш е така . Еве мојве се голема фамилија од на татко ми страна по баба и дедо се вкупно 12 деца ( би биле 16 , да не умреле по две како бебиња од двете страни ) од мајка ми страна по баба и дедо исто се над 10 деца , и јас пола од фамилијата не познавам . Неодамна се најдов со еден братучед по мајка ми , а тој е колега на маж ми . Поима немав дека човекот ми е братучед . Никогаш предходно не сум го видела , ниту сум слушнала за него , а веќе има дечиња човекот , едното со ќерка ми е на иста возраст . Уз муабет маж ми спомна за вујко ми и така излезе дека сме братучеди и тоа втори .

Маж ми пак , не ги познава од страна на татко му братучедите . Дедо му имал 4 браќа , ама се искарале затоа што браќава го притискале да го продаде имотот , овој не сакал и умреа скарани . Ден денес свекор ми не зборува со неговите први братучеди , ниту пак маж ми ги познава децата , а втори братучеди се . Да бев по потекло стара тетовчанка , ќе испаднеше дека сме фамилија . Среќа не сум .

Затоа велам , ако не зборуваш , не зборувај , кажи им на децата кој им е фамилија , барем сега има интернет и социјални мрежи , покажи им слики од братучеди барем до трето колено .

 

Ова ко сценариото на Дарк серијата... Кој гледал знае

 

Не поддржувам роднински врски, настрано е и голем ризик. Инаку знам трети братучеди што се во брак и имаат две деца. По две излегувања дознаа дека се роднини, па патетики малку и пак по старо. Да знаеш дека сте род и да спиеш со него, сепак е еден вид на инцест. Што ако се родеа деца со аномалии, ќе имаа ли грижа на совест? Инаку ова е грев. Од она што сме го слушале од постарите, оние кои практикувале вакви врски често се сочувале со немили настани, трагедии.

 

Јас еднаш кај што искачав видов едно симпатично дете, ама онака баш ми се засвиѓа, па одма филмови си правев во глава неколку дена, дур не прашав што е како е. Прво кога ми кажаа име и презиме не обрнав внимание, после ми текна дека уствари ми е братучед што го немам видено од кога имав 5 години. Инстантно ми се отсвиѓа.

 

На време си се распрашала среќа .

Инаку и јас не поддржувам врска со роднина , барем до трето колено , што си е сигурно , сигурно си е . Ама ако се случи да дознаете дека сте роднини откако веќе ќе се склучи брак и ќе се родат деца .. се што може да се направи е да се побара прошка од Бога за ненамерната грешка . Тука веќе нема многу што да се прави .

За жал најчесто така и испаднува , откако ќе се земат дознаваат дека се роднини ( најчесто далечни за среќа ) .