Другите ми зборуваат дека не е за мене

Ајде сите искрено да признаеме - кога сме слушале некого кога се работи за дечко кој навистина многу ни се допаѓа? Или уште полошо - веќе сме се заљубиле во него? А?

Како прво, нека дефинира твоето друшто што значи тоа „сељак“?
Многу глупав аргумент - не иди со него, сељак е. А што е тоа сељак?!

Се случува често другарките, барем зборувам за оние кои добро не познаваат да не предупредат најдобронамерно - не е тој, дотичниот, за тебе, заради А, Б, В, Г. Па на крај секогаш самите решаваме дали навистина ќе ја пружиме дланката на огнот или не. Крај краева, кога се двајца заедно и сами, тогаш ретко кој го гледа тоа и ретко кој може вистински и објективно да процени.
Ама може да се случи на крај да излезе дека сепак нашите пријатели биле во право.

Мој предлог - запознај го ти самата и утврди дали е сељак, што и да им значи чудово. А потоа ќе откриеш и се друго. Ако на почеток веќе нешто не ти штима, игнорирај го фактот што тебе тој ти се допаѓа. Понекогаш само тоа навистина не е доволно

 

Е вака да ти каже паталец, а не гаталец. Јас сум малку терсен личност, прилично ладнокрвна кон тие што не ги знам и најчесто судам предвреме. Се трудам да престанам со грдава навика во последно време, само да знаете.

Една другарка, кога се запозна со, ајде да го крстиме Х, кога испаднаа на кафе и знаеш се тоа како оди по ред, јас бев првата што и реков - не е за тебе. Ми делуваше прилично просто, друштвото му беше така малку дива лига и јас најискрено и реков дека таков не би прифатила за пријател ни на фејсбук, камоли да ми биде дечко. Сега, пази што се случува. Другарка ми и Х се во врска веќе неколку месеца, мислам дека нема подобар човек за неа, ја пази, ја штити како капка вода на дланка и кога го запознав подобро сфатив дека детето и не е толку лошо.

Втор пример, друга другарка. Почнува нешто шуш буш со еден, ајде нека биде Ѕ, кој јас го познавав од порано и мене ми беше супер. Убав, паметен, убаво друштво, згоден, од арен поарен. Веднаш ја поддржав кога почнаа да бидат заедно, ми беа супер пар. Знаеш што се случи ? Типот испадна од долен подолен, ја остави по 2-3 недели, под изговор, не е до тебе, до мене е. Аха, баш.

Што ми беше поентата, не секогаш другарките знаат што е најдобро за тебе. Прави како што ти мислиш дека треба, прво запознај го добро, пробај и види. НООООО, не дозволувај работите да отидат предалеку. Знам јас дека љубовта е слепа, затоа пази што правиш. Памет во глава и очи отворени на сите страни.