Причини поради кои еден маж не ја пушта сопругата да работи

Во темата Развод , се разви дебата за ова.
Еве неколку од постовите:

Дали некоја од вас знае вакви примери и кои се 'објаснувањата' за ваквата забрана?

 

Јас лично не знам таков пример ама знам пример кај што мажот вика иди на работа ама бидејќи има двајца газди е многу љубоморен и боље да не ја пушта него што ја пушта со таа тортура секој ден што и ја праи.

 

Какво прашање.
Па се знае, он се женел за жена дома да има, не таму негде да се мота и секој да смее да ја гледа.
Па уште да биде финансиски независна, па да му се занесува нешто дека имала право на ова или она. Море Сус.
Причина- мажот е копук. Бегајте од копуци. Ни кафе пиење со таков а камоли брак

 

Познавам една жена која е во брак 15 години и никогаш нема работено одкако се омажи ама дали маж и и брани или она не сака не знам. Затоа во моја околина не знам вакви слуачи.

Уште во врска ако при најмала забрана се преќути и му дозволи после во брак може да му смета се и сешто и да ја контролира како сака. Затоа уште во врска се поставуваат граници дека не може тој како сака да се однесува спрема неа.

 

Познавам примери каде што:
1. Мажот не и дозволува на жената да работи затоа што биле доволно финансиски моќни, да она не морала да работи.
2. Млад брачен пар каде владее принципот жената треба да биде домаќинка и само да раѓа деца, ништо повеќе.

 

Мислев дека оваа појава одамна е искоренета во нашево општество.
Не дека се осовременија у паметот, туку со една плата едноставно фамилија не може месецот да го помине.
А љубоморлукот и простотилокот пак им е тука.

 

Мене ме интересира во врска како се однесувале ваквите мажи? Да претпоставиме дека жената била вработена додека биле во врска, каков бил тогаш ставот околу одењето на работа?
Според мене ваквите мажи најчесто си наоѓаат ,,тинејџерки,, за девојќи каде можат од старт да и поставуваат услови и забрани.

 

Имав случај во фамилија, мажот не ја пушташе жената да работи, а од друга страна и префрлаше дека ништо не праи, оди најди му крај на кретенот. Кретен да, за мене вакви мажи се кретени, а жените што им седат и ги слушаат, се уште поголеми!
На крај жената си отиде со се дете дома кај нејзините, долго време не му попушташе, виде не виде тој си се сврте за 580 степени, жената веќе работи преку 10 години, и имаат одлична заработувачка и многу убав живот.
Не може никој да кажува што ќе работам и дали ќе работам, лично моја работа е, баба ми пред 50 и кусур години работела, дедо ми не и забранил, мене сега некој ќе ми забранува, нема шанси.

 

Пример имав во блиска фамилија, тетка ми мораше да напушти работа поради мажот алкохоличар што го најде. Веќе се разведени среќа.
Нејзе тој и беше втор брак, и човекот не ја пушташе на работа од причина што беше болно љубоморен, викаше дека таму има колеги и во секој момент може да оди со некој друг, додека одеше на работа он и одеше таму и ја проверуваше, се караше со газдата, со колегите ја брукаше пред сите, и на крај ја натера да даде отказ.

Како ескалираше ситуацијата се полошо после стануваше, почна да ја малтретира, да ја тепа, дома си ги носеше другарите пијаници и седеа со денови кај нив, а тетка ми беше слугинка, само пржеше и спремаше за они да се налеваат. На крај едвај се спаси од него, мораше да избега од дома со ќерка и (од првиот брак) со него среќа и немаше деца, а он си продолжи да живее во нејзината куќа, едвај со полиција го извадија од таму.

 

Имав колешка, само што се вработи, за брзо време даде отказ затоа што мажот и' забранил. Не сакав да ја прашувам зошто, најверојатно поради љубомора беше. Муслиманка беше жената. После една година отприлика, повторно се вработува, пак за брзо време дава отказ. Друг пример немам сретнатно и навистина не мислев дека имало многу вакви случаи. Најзагрижувачко во случајов ми е што жените се погазуваат самите себе и прифаќаат да зависат од мажот, а можат многу повеќе. Самопочит?

 

Самопочит да, ама ако не ти дозволуваат родителите да се разведеш и вратиш дома, а ти немаш работа и финансии не е баш толку едноставна ситуација.

 

Или од љубомора или за манипулација.
Прво ќе биде као не сакам да се мачиш , после ќе биде многу трошиш не излегувај , не се дотерувај итн (пак нема да е вработи се ) а ако писне бидејќи невработена а пример имаат деца ќе си трпи бидејќи “нема да може да ги издржува децата” ако спомне развод.

Љубомора дотолку изразена за да забранува или додека е на работа да проверува мислам дека никако не може да се претрпи

 

Епа без работа и финансии, да си зависен од некој друг, знаеме дека не е едноставна ситуација.

 

Тоа е еден маѓепсан круг, се мажиш пример само што си завршил образование, одиш кај неговите и додека се свртиш немаш поддршка немаш финансии, зависен си во секоја смисла. Тешко се излегува од тој круг.

 

Знам неколку вакви за жал ама една ми е прилично блиска..

Мажот и не и даваше да работи за да се грижела за домот, а тој пари ќе носел
Кога пак се врати женава на пушењето, маж и почна да не и дава пари за дома па дури и потребите на децата не ги подмируваше (протези очила итн) ..
Женава виде не виде се вработи..
Мажов почна да и прави проблеми затоа што сите колеги и се мажи и на крај и рече да си оди од дома.
Си ги собра парталите и децата под рака и кај нејзините.
Сега е милион пати посреќна..

 

Епа најчесто тоа е главната причина зашто некои се женат со жени кои не се самостојни (пред се` финансиски). За да можат да ги доминираат и командуваат. И на крај да речат: Кај ќе оди, ако ме остави?

 

Еве јас нема да работам ама да потпише договор дека ќе ми исплаќа на сметка сума колку што заработувам сега до крајот на мојот живот Да скратам, сам ќе ме остави
Инаку, шала на страна, се знаат причините, им одговара да имаат некој зависен од нив што ќе игра како што тој ќе свири.

 

Жените од мојот пример им се покорија на мажите, само што едната подоцна се разведе и си замина во нејзиниот град.
Првиот случај,вработена во бутик, убава платичка, слободни денови, еден ден напушти.
Бидејќи сме мал град се ќе видеш и ќе слушнеш.
Причината била љубомора од нејзиниот сопруг.
Дури скандал еднаш направи.
Не смеела да оди на работа, тој бил шофер, земал убава плата она да седела дома, да си врши домаќински работи.
Многу ми падна криво.

Вториот пример, вработена во фабрика, мажот болно љубоморен.
Секој пола час и звонеше на работа, да не случајно била на пауза со колегите.
Напушти работа, трпеше уште малку, на крајот и пукна филм, се разведе.

И двете ми беа блиски.

За жал ова не е искоренето.
Има такви случаеви многу.
Некои затуцани мажи останати у 19 век.
Заостанати со мислењето дека на жената местото и е само во кујна.

 

Познавам и јас еден пар кај што жената не работи, а не е љубомора во прашање. Ептен ми се блиски и затоа знам. Осигурана си е во фирма, мажот ѝ е шофер, а она си ги чува децата, си оде по кафиња со другарки, по кафани,едноставно си ужива. Дома сѐ и е средено. Во мало гратче живеат, а знаете како е со работа таму. Порано работеше во конфекција, ама се откажа и толку.