Проблеми во врската

Многу решително "детето", браво за него, за два месеци успеал да процени дека ти си таа што ја чекал цел живот

Не ми е јасно како уште паѓате на вакви убедувања. Тој ги проживеал најубавите години па сеа тебе најде да ти симнува ѕвезди од небо. Нема ни што да пишува 30 годишен маж со девојче кое нема ни 20. Верувај, пред тебе е најинтересниот период, уживај, забавувај се со свои врсници, ќе најдеш и некој што ќе те сака и повеќе, што нема да мора милион пати да ти кажува дека ти си вистинската туку ќе знаеш и самата. Не си го губи времето со овој.

Плус, не го ни сакаш, тебе ти годи само неговото внимание и убави зборови. Ќе се појави друг кој и физички и карактерно ќе те освои. Свесна си за преголемиот генерациски јаз меѓу вас чим и самата го потенцираше тоа и мислам дека знаеш која е правилната одлука.

 

Му дошло време за женидба и свесен е дека посалам и поубава од тебе нема да најде, и ајде.
Дај му клоцата.

 

Не брзај. Истражи ги поубаво работите. Подруго размислува тој на 29 години, а подруго ти на 19.
Види и карактерно дали ќе се совпаднете. Мајка ти можеби мисли дека си мала сеуште да навлегуваш во такви сериозни врски и сака да поуживаш во младоста и да го осетиш полнолетството.

Дечко и факултет не одат заедно, барем не на оваа возраст што си ти. Едното ќе го баталиш, а по се, изгледа факултетот.

Јас би ти препорачал да си уживаш уште неколку години, па после да бараш сериозна врска. За наоѓање, ќе се најде, само треба повеќе дружење и социјализација. А и некако 10 години разлика е многу според мене. Обично таквите врски со толку голема разлика се цел на манипулации, но не мора да значи дека се сите врски такви. Тој сиг има искуство, а ти немаш доволно.

Мојот совет е да поживееш малку во оваа доба од младоста и да не влегуваш во врска. Патувај, забавувај се, дружи се со луѓе, уживај малку во животот.

Останатото ќе си дојде.
Се во свое време.

 

За да е некој сериозен треба да покаже со дела а не да каже со зборови. Не може тој да замислува иднина со тебе кога не те ни познава, колку добро може да се запознаете во период од само 2 месеци.
Или е крајно несериозен па бара нешто за забава криејќи се позади зборови дека е сериозен или па сака да се ожени со било која иако не верувам дека е тоа второто зошто мажите денес тешко се одлучуваат за брак со некоја која не го "заслужила" тоа.
Батали го и најди си некој со кој ќе се запознавате, дружите, уживате и созревате затоа што верувај ми за неколку години скроз ќе ти се сменат мислењата и ставовите.