HPV (Human Papillomavirus)

Дали е можно два пап тестови по ред да не покажуваат дека имам CIN ???? Бидејќи пред 3 месеци имав и CIN i HPV,a сега два пати правев тест и ништо од тоа??? А на колпоскопијата докторот рече дека се сомнева на ЦИН 1,а тестот не покажа?? Ме збунува целава ситуација...

 

Пред 5 месеци направив пап тест и утврдено беше постоење на ХПВ.Веднаш однесов брисеви во микробиологија и утврдување на типизација на вирусот.По еден месец резултатите покажаа постоење на високо ризични типови Хпв 16 и 18.Претходниот пап тест кога го направив беше некаде пред 10тина месеци и беше исправен.Мојот матичен гинеколог ми препиша вагиналети Бетадин, фолна киселина ,витамин Ц,Цинк и зелен чај..Се тоа да го пијам во наредните 3 месеци и повторно правење на Пап тест.
Навистина ми е премногу страв од постоењето на овој вирус и се обидувам да се придржам кој терапијата.Ме интересира Ваше мислење,колку е сериозно,колку време е потребно за развивање на некоја преодна фаза па и фаза на карцином.Дали со исчезнување на овој вирус има можност да се појави пак....Ви благодарам однапред

 

Doktore napraviv hpv tipizacija i imam tip 16, pa dali toa deka e visokorizicen tip poteshko se leci ili voopsto ne se leci? Dali postoi moznost za povtoruvanje na hpv pri slab imunitet vo idnina dokolku se povlece hpv i kolku mu stetat cigarite na lecenjeto so ogled na toa sto gi pusam najslabite cigari 3 katran 0,3 nikotin?

 

Присуство на ЦИН 1 во отсуство на ХПВ не значи дека вирусот не е присутен. Во најголемиот број на случаи се работи за некој нискоризичен тип на ХПВ, но не е исклучено и постоење на високоризичен тип. Во вашиот случај она што треба да се направи е детален колпоскопски преглед за да се утврди евентуално постоење на некаква колпоскопска промена асоцирана со ХПВ, или пак да се исклучи. Зависно од колпоскопскиот наод би се презеле понатамошни постапки и препораки за понатамошно следење и ритамот на повторување на ПАП тестот и типизацијата.

 

Доколку ги тргнеме на страна можноста од лабораториска грешка со појава на лажно негативни резултати што претставува некаде околу 30% од случаите (некаков очекуван процент за сите цитолошки лаборатории), или не соодветно земање на материјалот би рекол дека е можно. Прво незнам дали сите овие процедури се изведени кај ист гинеколог и дали цитологијата е читана во иста лабораторија? Како и да е во ситуации каде што постои дискрепанца во наодите и сомневање на гинекологот за постоење на колпоскопска промена препорачливо е изведување на биопсија на грлото на матката со ендоцервикална киретажа за да на тој начин преку хистолошкиот наод се расчисти оваа состојба.

 

Кај вас се изолирани двата нај сериозни онкогени типови на ХПВ. Добрата работа е во тоа што сеуште не е утврдено постоење на цитолошка промена, што дава можност за превземање на одредени мерки кои ќе помогнат во елиминирањето на вирусите. Со таа цел треба да се придржувате кон она што ви го препишал гинекологот со цел стимулација на имунитетот. Предпоставувам ви се споменти и прекин на пушење, заштитени сексуални односи, промивки со раствор на бетадин на пенисот на вашиот партнер по секое туширање, редовни гинеколошки прегледи. Во моментот е активиран само аларм, но ако не се следат препораките можно е појава и на цитолошки а покасно и хистолошки промени. Вирусите може да се елиминираат, но може да дојде до повторна реинфекција, со оглед на фактот што се работи за сексуално пренослива инфекција (затоа бидете внимателни). За да се потврди нивната регресија се препорачуваат контролни ПАП тестови во потрага за цитолошки промени, како и повторување на ХПВ типизацијата најмалку по 1 година за да се верифицира отсуство на ХПВ. Потребно е и колпоскопско иследување во потрага на евентуални промени на грлото на матката асоцирани со ХПВ.

 

Пошитуван,

Пред една година на пап тестот се покажа ЦИН 1. Гинекологот ми кажа дека не е нешто страшно и пиев Селен и некое време користев вагиналети Гинекс Форте. Направив и ХПВ типизација и беше негативна. На следната контрола по 6 месеци имав само инфекција Кандида и ја лекував со Канестен. На наредниот,по околу 1 година, пап тест излезе ЦИН 2. Направив биопсија и резултатот е CERVICITIS CHRONICA( во стромата се најдени ретки агрегати од густо пакувани линфоцити и сочувани ендоцервикални жлезди со аспект на хроничен неспецифичен цервицитис). Сега имам терапија со Сумамед, исто и дечко ми и, и вагиналети Erytromycyn. Досега сум имала само 2 партнери. Што е причната? Кои дополнителни мерки да ги преземам?

 

Точно е дека се работи за еден од онгогените типови на ХПВ кој процентуално е најзастапен во лезиите од тежок степен како и во самиот цервикален карцином. Од тие причине потребно е превземање на ригорозни мерки кои ќе помогнат во неговото елиминирање. Не постои лек за ХПВ. Она што е потрбно да се направи е стимулирање на имунитетот кој треба да се бори и конечно да го елиминира вирусот, секако во содејство со други постапки кои треба да се превземат за постигнување на успех. За да бидете мирни ѓе ви споменам еден факт. Дури и до 80 % од ХПВ инфекциите доживуваат спонтана регресија. Само во оние случаи каде што се работи за перзистентна инфекција со ХПВ можно е појава на одредени промени на грлото на матката и тоа во период од 24 до 36 месеци. Она што вие треба да го направите е да добиете листа на препораки во случаи на ХПВ инфекција. Ние ги имаме кај нас на Клиниката па може да се јавите за да ги добиете. Во врска со пушењето, мора да прекинете, тоа е една од препораките, независно од јашината на цигарите. Во димот од цигарите има една состојка т.н. бензен-пирен која преку белите дробови и крвотокот се концентрира во цервикалниот мукус каде има негативен ефект врз т.н Лангерхансови клетки и ги супримира во излачувањето на важни состојки неопходни за соодветен имун одговор. Со тоа цигарите се сојузник на ХПВ.

 

Со биопсијата е исклучено постоење на какви и да било хистолошки промени поврзани со цервикална интраепителна неоплазија т.е. ЦИН. Се работи за некаква форма на хроничен цервицит кој бара третман но во исто време и мерки на заштита (користење на кондом при односи, имуностимулација, забрана за пушење). Редовно посетувајте го вачиот гинеколог. Она што се случило може да значи и дека сте дошле во контакт со некој тип на ХПВ но кој бил елиминиран од организмот. Токму затоа бидете внимателни. ХПВ е сексуално пренослив. Кај вас во случајот не е детектиран, па може да бидете мирни. Направете контролен ПАП и типизација по санирање на неспецифичниот цервицитис.

 

Она што го превземата со конзумирање на имуностимуланси е сосема во ред и така треба да продолжите.
-beta carotene 3x 10 000 IU
-vitamin C 2gr
-vitamin E 2X400 IU
- фолна киселина 10mg
-coenzyme Q10 4X 30 MG
-green tea capsules 300 mgr
-zinc 30 mgr
-selen 4x50 mcg
Тоа што не сте пушач е добра вест. Би додал само уште. Заштитени сексуални односи. Контролен ПАП тест на секои 4-6 месеци.

 

Јас имам едно прашање за Вас, не сум сигурна дека овде му е местото ама ќе го поставам.
Пред неколку месеци забележав брадавичка со боја на кожата во пределот на анусот.Не ме боли само од време на време ме чеша и поради тврдата столица некогаш крвари.Јас мислам дека е кондиломи според тоа што го имам читано, а сепак бев на гинеколог кога уште ја немав забележано и таа не забележа ништо, значи ја имав за време на преглед зошто одма после тоа ја забележав.Не се проширува, само една е и веќе долго време ми стои.На ехо ми беше се во ред моментално не сум во можност да одам да правам ПАП тест,па сакам да прашам дали најверојатно е тоа или нешто друго.Инаку немам проблеми со менструација, секогаш редовна, ниту со инфекции, имам редовен сексуален партнер кој до сега се нема пожалено на никаква инфекција.

Благодарам однапред.

 

Во вашиот случај можно е да дочло до спонтана регресија на ХПВ инфекцијата а со тоа и повлекување на цин промените добиени на цитологија. Во ред е препораката на гинекологот за контролен преглед со повторување на ПАП тестот и колпоскопски преглед. Доколку перзистира повторно цин промена потребно е да се направи биопсија и ендоцервикална киретажа, како и повторување на типизацијата. Препорачаните препарати и дози се:
-beta carotene 3x 10 000 IU
-vitamin C 2gr
-vitamin E 2X400 IU
- фолна киселина 10mg
-coenzyme Q10 4X 30 MG
-green tea capsules 300 mgr
-zinc 30 mgr
-selen 4x50 mcg

 

Докторе кога мислите на дози како
beta carotene 3x 10 000 IU

-vitamin E 2X400 IU

Мислите на дневна доза од две или три ( во овој случај) таблетки или?

 

Se misli na vnes na dnevni dozi a brojot na tabletkite zavisi od toa kolkava doza ima vo edna tableta, zavisno od proizvoditelot pr: vit E ako edna tabl=100 IU treba da se vnesat 4 tabl (dali 2 x 2 ili 4 x 1 seedno), ako e edna tabl=400 IU ke se vnesta 2 tabletki na 12 casa. Ova e samo primer. Znaci se vnesuvaat maksimalni dnevni dozi

Немате потреба од страв. Кај вас најверојатно дошло до спонтана регресија на вирусот кој претходно бил потврден со типизација, благодарение на соодветниот начин на однесување во смисол на почитување на дадени препораки. Останува потребата од редовни цитолошки прегледи и повторување на типизацијата по две години од последниот позитивен наод. Што се однесува до ПАП тестот тошно е тоа дека не е 100% сигурен. Но не постои дијагностичка метода во медицината со 100% сигурност. Сензитивноста на ПАП тестот за детекција на цервикална дисплазија се движ апроксимативно околу 58%, но оваа сензитивност е зголемена до 95% со паралелно воведување на ХПВ типизација, така што сигурноста во детекцијата е зголемена. Биопсија се препорачува во случаи каде што постои перзистентен наод на ЦИН 1 во три последователни ПАП теста, каде што постои наод на ЦИН 2, ЦИН3, ЦИС или каде што гинекологот констатирал постоење на суспектен колпоскопски наод независно од цитолошкиот наод. Конизацијата се спроведува во ситуации каде Што хистолошки ќе се констатира постоење на лезија од висок степен. Ласерската вапоризација кај цин 1 доаѓа во предвид каде хистолошки ќе се потврди постоење на перзистентен наод на дисплазија од лесен степен во комбинација со високоризичен ХПВ и отсуство на хистолошка промена во цервикалниот канал.

 

Samo uste da ve prasam dali preku krva slika moze da se vidi postoenje na hpv i slicno?

 

nemoze,mislam so ova ke se slozi i doktorot.samo pap test e odreden za toa .pozdrav

 

Почитуван д-р Алулоски,

Ја поздравувам Вашата и иницијатива за активноста која ја превземате.

На мојот последен гинеколошки преглед докторката ми препиша да земам Vag.Erytromicin и Sumamed да земам и јас и партнерот. Ги примав и вагиналетките и Sumamed таблетите.
Ги добив и резултатите од пап тестот: беногни клеточни промени - клеточни промени што асоцираат на вирусни инфекции- инфламација. Во препорака ми стои да направам HPV типизација.
Сега треба да закажам за преглед, преплашена сум, не знам за што се работи, дали е сериозно ???

Ќе Ве замолам за совет, Ваше мислење, колку е сериозно ? Што се е потребно да примам за пододобрување на имунитетот?

Однапред Ви благодарам,
Поздрав и секое добро.

 

Благодарам Д-ре премногу...прекрасно објаснато,,сега веќе се мие јасно....голем поздрав до Вас и се најубаво...

 

Како можам да се заштитам од Хпв ?
и дали можам да примам вакцина против хпв , покрај тоа што сум сексуално активна без никакви проблеми или специјални дијагнози ?

 

Ви благодарам на објаснувањето..само уште нешто..сите овие препарати дали треба наеднаш да се пијат или да ги распоредам ???