Препорачајте интересна серија со кратка рецензија

Да, втора сезона е досадна, првата ми се свиѓаше, фала на корекција
Глумата си е ок, ама предосадна ми дојде

 

Да, малку е slow burn и тоа не е за сечиј вкус. Мене на моменти ми фалеше динамика ама финалето од втората сезона беше одлично, па замижав на некои недостатоци.

 

Јас три епизоди имам изгледано само. Ич не сакам кога цела сезона не се случува ништо и се е "напикано" во последната. Ама ќе ја догледам секако, не се откажувам

 

Ако сакаш возбудлив трилер со многу мистерии и интриги, ти ја препорачувам серијата Medusa!
Приказната е за успешна директорка која по обид за атентат почнува да открива мрачни тајни поврзани со нејзиното семејство и компанијата. Корупција, борба за моќ и неочекувани пресврти – серијата е полна со напнатост и одлично сценарио. Достапна е на Нетфликс

https://m.imdb.com/title/tt35836959/

 

Не е се' напикано, всушност има уште многу неодговорени прашања, ама е дефинитивно повеќе трилер од останатите. Се случуваат и други работи од трета-девета епизода, но нема некои којзнае какви пресврти. Како и да е, обновена е за трета сезона, па останува простор уште многу да се развива приказната.

 

The Residence (2025)

Нова интересна серија на Нетфликс. Класичен "who done it" концепт, со комични елементи. Забавна, лесна за гледање.

7/10

 

Серија Кукли или The Dolls (the telki)

Руска серија, главен лик е Милош Биковиќ

Серијата е феноменална!! Мистерија, секоја наредна епизода ме оставала со отворена уста!
Ако барате серија која нема да може да престанете да ја гледате тогаш еве ви предлог. Ја има на Gley.

Како жена може да уништи нечив живот

Многу моќна серија!

10000/10

 

Каде може да се гледа освен на Глеј?

 

Искрено не знам. Јас на глеј ја гледав но сигурно има онлајн страници или некаде да се симне.

 

Ја завршив вчера.Убава беше мн.Сакам серии со по 10-12 епизоди и толку.За подолги немам трпение.

 

The White Lotus (2021)

Чудна серија. Нема којзнае колкава тежина или којзнае каков заплет, ама ептен те "вовлекува".
Добрата продукција си го прави своето. Одлична фотографија и кадри, визуелно супериорна.
На моменти скроз лесна, на моменти мрачна и тешка, пронижена со хумор.. Се радувам на секоја нова сезона и се надевам дека ќе има уште многу
Препораката се однесува на сите сезони, а моментално е актуелна третата. Прилично бавно се одвива, ама од горенаведените причини држи внимание.

8/10

 

Behind Her Eyes (2021)
Жанр: Трилер/Мистерија/Драма

https://www.imdb.com/title/tt9698442/

Една од подобрите серии што ги имам гледано. Башка има само 6 епизоди а јас највеќе сакам да гледам мини серии.

Крајот е врв, премногу откачен, од сите можни сценарија што ги имав во главата за тоа како ќе заврши ни на крај памет не ми текна такво нешто... ЛУДИЛО.

BTW би сакала препораки за други мини серии со најмногу 2 до 3 сезони

 

Првата сезона ми беше најок. Третата најтапа.

Препорака- Медуза. Кој ја нема гледано, воала.

 

Black Mirror (2011)
Сезона 7

Новата сезона не ме разочара
Ми се свиѓаа сите епизоди, освен шестата. Иако ми се допадна идејата да има продолжение на епизода од претходните сезони, сепак некако ми беше досадна, предолга и безвезе.
Од другите 5 епизоди, сите солидни, а се издвојува првата. Убаво склопена критика на времето во кое живееме. Актерите на ниво.

8/10

 

м

мене пак баш шестата ми беше најдобра епизода

 

Dying for Sex (2025)

Моли е млада жена со рак на дојка во терминална фаза. Таа е решена во она малку време што и останува, да експериментира со својата сексуалност. Првичниот впечаток е дека серијава е за секс, но всушност е за љубов, траума, пријателство.. Тажна и смешна, изопачена и забавна, ја изгледав во "еден здив".

7/10